استفسار بسيط الله لايهينكم عن الخفجي

السلام عليكم ورحمة الله وبركاته كيف حالكم ياشباب ان شاء الله طيبين

المهم يالنشاما حبيت استفسر عن وصف لطريق الخفجي مع المسحية التنهات ابيكم توصفون لي وصف دقيقة الله لايهينكم لاننا ودنا نغير جوا ذا اليومين ونروح الخفجي ان شاء الله

وهي ممدوحة لنا خاصة بالعوائل


ننتظر وصفكم حفظكم الله من كل سوء

الشقردي

ماتبي وصف
امسك المسحية الين يجي طريق الصمان في وجهك
رح يمين وابتل بتجيك الرفيعة خلها وبعدها تجيت قرية العليا خلها وابتل يعترضك خط اقطعه وابتل (خط ضعيف ) ثم يجيط خط ثاني اقطعه وابتل (خط ضعيف وعلى خبري فيه جزء مازفلت ) يعترضك خط رح يمين وابتل الين يجيك الخفجي

ملاحظة
الافضل انك ماتمسك المسحية من اولها !!! ابتل الين تاصل ام رجوم ومنها للتنهات مع الخطوط المطروقه
المسحية بعد التنهات سيئة جدا بطانيج ونزلات خطرة لذا اقترح عليك بعد ماتتعدى التنهات وتقطع العرق رح يمين وحاول تباري العرق يسار يسار الين يجيت الخط

اقتباس: المشاركة الأصلية كتبت بواسطة جار القمر    ماتبي وصف امسك المسحية الين يجي طريق الصمان في وجهك رح يمين وابتل بتجيك الرفيعة خلها وبعدها تجيت قرية العليا خلها وابتل يعترضك خط اقطعه وابتل (خط ضعيف ) ثم يجيط خط ثاني اقطعه وابتل (خط ضعيف وعلى خبري فيه جزء مازفلت ) يعترضك خط رح يمين وابتل الين يجيك الخفجي ملاحظة الافضل انك ماتمسك المسحية من اولها !!! ابتل الين تاصل ام رجوم ومنها للتنهات مع الخطوط المطروقه المسحية بعد التنهات سيئة جدا بطانيج ونزلات خطرة لذا اقترح عليك بعد ماتتعدى التنهات وتقطع العرق رح يمين وحاول تباري العرق يسار يسار الين يجيت الخط

الله يجزاك خير اخوي على الوصف بس اول ماانتهي من المسحية اخذ يسار ليش قلت يمين هذي اتوقع انك غلطان فيها بس بسئلك اخوي هو في لوحات ارشادية واضحة والا لا


الله يعافيك ويكثر من امثالك اخوي

صح عليك رح يسار بغيت اضيعك وترجع للرياض <---- من العجله
مافيه لوحات ارشادية الين تاصل الخفجي وهذي المشكله
وان بغيت وصف اكثر وادق اسأل المهند تراهم مزينين كل هالخطوط علشانه هع

وانت صادز رح يسار بس مع العجله غلط اخونا الجار ،

بس اقضب القار احسن لكـ من البر خاصه انكم عوايل ويمكن سيارتك تتعرض للتغاريز ،

أهلين أخوي

إذا مسكت المسحية خذ يسار وبعدها تجيك قرية الرفيعة وتبعد تقريبا 130 كم .. تعدها وأبتل بعد 90 كم تجيك القرية العليا تعدها وكمل طريقك .. يقطع طريقك سكة قطار تحت الصيانة أنتبه منها ... تعدها ويجيك إجباري يمين خذ يمين وعقبه ديور وتلقى يمينك محطة تسهيلات خذ معها يمين وأمسك الجااادة لين يجيك تقاطع أو حرف T وعلى يمينك محطة خذ يمين وأمسك الطرييييق لين يجيك T وإجباري يمين .. خذ يمين وديور وأمسك الجااادة لين تطيح بالخفجي ..!!

أتمنى أني أفدتك

أي خدمااات ..!!

الله يجزاكم خير على الوصف بس واحد من العيال كني سامعة يقول يمكن تلقا لوحات خاصة بالقرية رح معها بعدين اذا وصلت القرية تلقا لوحات ارشادية للخفجي ننظركم المهند

ومشكورين الله يجزاكم خير وماشاء الله على المهند واصل لمناطقنا الله يجزاه خير ويحفضه من كل مكروة

اقتباس: المشاركة الأصلية كتبت بواسطة العزي    أهلين أخوي إذا مسكت المسحية خذ يسار وبعدها تجيك قرية الرفيعة وتبعد تقريبا 130 كم .. تعدها وأبتل بعد 90 كم تجيك القرية العليا تعدها وكمل طريقك .. يقطع طريقك سكة قطار تحت الصيانة أنتبه منها ... تعدها ويجيك إجباري يمين خذ يمين وعقبه ديور وتلقى يمينك محطة تسهيلات خذ معها يمين وأمسك الجااادة لين يجيك تقاطع أو حرف T وعلى يمينك محطة خذ يمين وأمسك الطرييييق لين يجيك T وإجباري يمين .. خذ يمين وديور وأمسك الجااادة لين تطيح بالخفجي ..!! أتمنى أني أفدتك أي خدمااات ..!!

الله يجزاك خير اخوي العزي ويكتر من امثالك هذا الشبل من ذاك الاسد

بمشي على وصفك الحلو وان شاء الله اننا بنعقلها ونتوكل الى الخفجي باتسر ان شاء الله

حفضك الله من سوء ومكرورة

محبكم الشقردي

طيب الطريق مافيه خوف يعني هل فيه محطات بنزين كثيرة والا اخذ الحذر واعبي كل ماشفت لي محطة

خلاص وصلت المعلومة الله يجزاكم خير