جعل ابوي مايطيب ابد <<<< بقلم طالب الابتدائي

في عطلة العيد رحنا للشرقيه بسيارة ابوي الجديده موديل 2009 وراحوا معنا عمي ناصر وعياله ولكن سيارتهم قديمه.

مشينا الفجر لان ابوي يقول لازم ناصل الشرقيه قبل الظهر
وعندما وصلنا شاهدنا العماير الكبيرة والكورنيش الجميل والبحر الكبير ياكبره كبراه وانا اول مرة اشوفه وعندما جاء وقت الغداء اردنا <--- مثقف الولد
ان نروح الى تشيليز في الكورنيش الخبر ولكن ابوي قال فلوسنا ماتكفي وصرنا ناكل بخاري كل يوم
ويوم جاء العصر من اول يوم ابوي قام يتشاور مع عمي ثم جاء ابوي وعطا امي 1520 ريال وقال هذي خلوها معكم يمكن تحتاجونها انا ابروح للبحرين انا واخوي يذكرون فيها دكتور سنع يعالج الركب نبي ناصله ونشوف وش عنده
قالت امي حتى انا ركبي توجعني روحو بنا معكم
قال ابوي معس جواز ؟؟؟؟؟ البحرين مايدخلها الا واحد معه جواز

وقال ابوي لاخوي الكبير : يا ولدي انت الان رجال العايله هذي500 ريال بنزين السياره والسيارة معك وانا بروح مع عمك الى البحرين للعلاج وكبر راس اخوي علينا .

ثم راحو بسيارة عمي للبحرين واخوي صار يسوق بنا اهلي واهل عمي ناصر وانا مبسوط لان ولد عمي اللي كبري راكب معنا
صرنا نروح لاسواق الراشد ونروح للكورنيش وسبحت في الهاف مون وبغيت اموت لان رحت بعيد ولا احد هاوشني

وفي يوم من الايام اختي نويّر فصخت عبايتها على الكورنيش وجلست على البحر تغطغط رجليها وانا زعلت عليها ليش تفصخ عبايتها واتصلت على ابوي عشان يهاوشها ويوم رد علي ابوي في البحرين سمعت اصوات اغاني عاليه جدا
وسمعت وحده تقول "احلى تحية لابو عبدالله من السعودية" اللي هو انا وفرحت وقلت له من ذي قال هذي دكتورة العلاج الطبيعي وكان صوت ابوي ثقيل كن محطوط في ضرسه بنج وبسرعه قفل السماعه

ويوم جاء الصبح جاء ابوي من البحرين مع عمي ناصر وكلهم يضحكون مستانسين من العلاج !!!

ولكن ابوي زعل على نوير يوم علمته عن العبايه وبغا يدبغها بس امي قالت له خلاص معد تعود لها
ويوم رجعنا لديرتنا قال ابوي كل مرة تصير عندكم اجازة وانتو عاقلين ولا تتشيطنون راح اوديكم الشرقية وانا اروح اتعالج في البحرين

وقالت له امي المرة الجاية نانروح للبحرين معك؟ فقام يهاوشها ويقول ياغشيمه وش فيس انتي ماقلت لس البحرين تبي جواز وانتي مامعس جواز والمستشفى كله رجاجيل ..
قالت امي وه وش جاني !!! نسيت

وفي الختام انا احب ابوي واتمنى ان ركبّه ماتطيب عشان يودينا للشرقيه كل ماراح للبحرين

اقتباس: دكتورة العلاج الطبيعي

هههههههههههههههههههه
قصه روعه روعه
القصه كوم وامهم كوم آخر يااهي غشيمه ههههههههههه
تشكرآت يالطيب

اقتباس: المشاركة الأصلية كتبت بواسطة الراقيه    هههههههههههههههههههه قصه روعه روعه القصه كوم وامهم كوم آخر يااهي غشيمه ههههههههههه تشكرآت يالطيب

مسكينة على نياتها
شكرا لحضورك المميز

خخخخخخخخخخخخخخخخخخ
الله يقطع بليسك ياجار كل ذا يطلع منك خخخخخخخخ

تصدق عاد ركبتي اليوم مااش ماأقدر اثني رجلي منها خخخخخخخخخخخخخخ

ههههههههههههههههه

اجل خاوهم عطله عيد الضحية وخل دكتورة العلاج الطبيعي تطبطب فيك خخخخخخخخخ

خخخخخخخخخخخخخخخخخخ
ذكرتني بواحد مهايطي من اخوياي يقول عندنا في حارتنا عجوز أخصائيه تعالج بالطب الشعبي هو قال اخصائيه والا ماقالها دور عيوني ماتلقاها من الضحك خخخخخخخخخ

مافيها شي !!!!!!!
زين اللي ماقال استشارية هع

ابشرك ركبتي طابت خخخخخخخخخخخخخخخخخخخخخ

وانا اقول فاقدينك البارح خخخخخخخخخ
طابت ركبتك وانا اونس ركبتي قامت تنشصني

قايل لابونبيل لاتعلم احد بس مايفهم خخخخخخخخخخخخخخ