نجـــــــــــــــــــــــــــــــــــــلاء

21 / 08 / 2010, 48 : 02 PM

كانت نجلاء بنت جميلة جدا وعلى خلق عالي وعندما كبرت كان الخطاب يطرقون بابهم للفوز بها زوجة وعندما تمت الموافقة على العريس المناسبـ وتم تحديد موعد الزواج مضتـ نجلاء مع أهلها في الاستعداد لزواج وتجهيز لوازمه وفي تلك الأيام وعند قرب موعد الزواج تعبت نجلاء وطلبت المستشفى وكانت تشكوا من الم في الرأس فأسرعوا بها إلى المستشفي و في المستشفي أدخلت نجلاء مباشرة إلى غرفة العناية المركزة ومنعوا أهلها من رؤيتها حيث إن حالتها كانت خطيرة وسمحوا فقط لوالدها إن يراها لمدة قصيرة..ابتسمت نجلاء ابتسامة ترحيب بوالدها وفي نفس الوقت ابتسامة مودع!! ..وفي اليوم الثاني وفي أثناء الانتظار كان هناك حركة غير طبيعية عند غرفتها في العناية المركزة..فكان الأهل و الأب المكلومين ينتظرون بفارغ الصبر خروج الطبيب من غرفتها ليسألوه عن ما استجد من الوضع المريب !!؟ .. خرج الدكتور وكان وجه متغير ولا يدل على بشرى خير فقال ابوها ماذا حصل يادكتور بالله اخبرنا بالله اخبرنا ارجوك يا دكتور طمنا على نجلاء هل هي بخير فرد الدكتور وقال ان لله وانا الية راجعون لله اخذ ولله اعطى فصعق ابوها وقال ماذا ماتت نجلاء ماتت نجلاء فما كان منه الى ان بكاها بهذة المرثية الرائعة ؛
.

لعل دنيا غاب عنها قمرها .=. تظلم جوانبها على طـول الايـام
ماينعرف في يومها من شهرها= واللي يبي لم اليمـن ينحـر الشـام
ولعل عين شح دمعة مطرهـا=عليـك يانجـلا تعثـر بالاقـدام
غديت مثل ام الحوير قهرها .=. قيدا وهي لحوارهـا تـرزم ارزام
اضيق واجحد عبرتي في نحرها = يردني عن بكوتِ ديـن الاسـلام
عليك ياتومة فؤادي قمرها =..موت على كـل المـلا حاكـم عـام
موت تخير وردتي من زهرها.= وهي بقلبي منبتـه حـب واريـام
موت معاليقي بصدري بترها =حكم من المولى جرت بيـه الاقـلام
نوه على نبنوب عودي نذرهـا= عـود تغـرق بالربـى والتنعـام
تسعة عشر عام لنجلاء عمرها =ربي على حشمه ومنطـوق وإلهـام
يوم القدر يانور عيني خطفها =اخفت صواب صابها بالحشا هـام
مايدري الغايب ولا من حضرها= ماغير في وجهه تشـوف التبسـام
طلبت ازوره قالوا الربع زرها =بس اقصر الجلسه على موجب الزام
فرحت وقالت ياهلا في سفرها .=ابوي احبك بـس ماطـاب مـادام
دفنتها عقب استلامي مهرها = حكم من الوالي وهـو رب الاحكـام
يومي حفار المقابر شبرها = زادت على الحفره بشبريـن وابهـام
ياحفرة ضمت خصايل شعرها = عسى الحياء يسقيك عام باثر عـام
كيف القمر يدفن بلاذي حفرها=عقب البشاشه والبهـاء تلبـس الخـام
عقب المعزه بين بر وبحرها =تدفن بقبر موحش بيـن الارضـام
ودموعي اللي تنطلق من بحرها=تصير فـي خـدي للحـزن مرسـام
أبكي ويبكي والمحاجر سعرها=.مثل الذي مقهور مـن سـود الايـام
أبكي ويبكي كل من سمع خبرها=أبكي نهاري وابكـي الليـل ماانـام
واعيني اللي تستلذ لسهرها=على التي يبنـي بقلبـي لـه خيـام
أشوفها حولي تقلب صورها..=.كنـه تنادينـي علـى بـر وإكـرام
واقلبي اللي كل ماادله ذكرها.=..يزيد فـي نجـلاء تخافيـق وإيهـام
للحل ياشمس البنات وقمرها.=.صلى عليـك منـزل اقـرا والانعـام
عفيفـة ربـي بدينـه سترهـا .=.وثيابهـا مادنستهـن بالاثـام
عساه بالجنه تقطف ثمرهـا =فـي جـاه ربـي للخفيـات عـلام
صلاة ربي كل ماهمل مطرها=وماناحت الورقى على روس الاوجـام
على نبي للشريعه نشرها .=لين إنتشر في نور وزالـن الاوهـام