سؤال بخصوص قسم الحمل والولاده بتمير

السلام عليكم ورحمة الله وبركاته

قولوا امين , الله يكتبنا من صوام رمضان وقيامه

يا أخواتي يا اخواني أهل تمير أهل الكرم والطيب والنخوه

بغيت اسالكم سؤال بخصوص مستشفى تمير

وعن قسم الحمل والولاده وعن الدكاتره الموجودين في هذا المستشفى , وعن العمليات التي أجريت فيه

أنا الصراحه يا أخواتي واخواني انا خايفه لاني في الشهر التاسع وعلى وشك ولاده وما أدري عن الدكاتره الي بيشرفون

على الولادة هل هم كويسين ؟؟؟؟

لاني الصراحه ما ادري عن هذا المسشفى ولا قد جربت ان ألولد فيه كل الي اعرفه أن فيه دكتوره مصريه مع زوجها

مختصين في عمليات الولاده والله وما ادري عنهم هل كويسين او لا , وفيه دكتوره باكستانيه جديده مع دكتور سوري

وأنا أيضاً ما اعرفهم وأنا الصراحه يا اخواتي واخواني خايفه ومتردده هل اعقلها واتوكل واجعل ولدتي في مستشفى تمير

او مستشفى حوطة سدير أو أخلي زوجي يوديني لمستشفيات الرياض الخاصه .

وانا ابغى منكم النصيحه والتوجيه وكل وحده ان كان عندها معلومه عن امها ولدت او أختها او اي وحده من قريباتها ولدت

في مستشفى تمير تخبرني ومن الدكتور الي اشرف عليها او الدكتوره الي اشرف عليها في الولاده وهل شغلهم كويس او لا , وأنا سمعت انهم

يدخلون شباب ( ممرضين في عمليات الولاده !!! ) .والي يرد علي في هذا المنتدى المبارك في هذا الشهر المبارك لها من الدعاء في الترويح بأن

الله يفرج عليها همها وغمها رجاء لا تتركوني أرجوكم .

ان شاء الله يفيدونك الاعضاء

مرحباا اخية ان شاء الله تقومين بالسلامة والعافية والولادة من ربي لامن دكاترة ولاغيرة
وبعدين مستشفى تمير مش ولابطال كويس من حيث العناية بك
وبالمولود وبعد كنك في اهلية عندهم والله بدون مجاملة

والله طيبين على قولت الاهل

وتقومين بالسلامة

هلا بك والله يسهل عليك وعلي وعلى كل حامل
اذا طبيعي زين قريباتي ولدوا من كم يوم وعوافي ,,, لكن القيصري ماادري لان مافيه الا الباكستانيه والسوري مايمدحونه
والقيصريه الافضل المصريين لكن أعتقد بأجازه قالوا بيجون امس ورحت مالقيتهم ...يعني لو رجعوا هاليومين فزين انا اراجع عندهم والحمد لله مرتاحه لكن الحين متوهقه ليت اي احد عنده علم برجعتهم متى يخبرنااا..

الله يسهل عليك وعلى وعلى كل حامل وتقومين بالسلامة ..

ما يحتاج روححي للجامعي الي بالرياض وان شاء الله راح يستقبلونك بس لو انك متابعه معهم من أول أو ثاني شهر أو ثالث شهر بيدخلونك على طول بس انتي بالشهر الاخير روحي وماراح يردونك ان شاء الله

ان شاء الله الاخوات ولا الاخوان يفيدونك

والله يهون عليك

الله يهون عليك ويولدك بالسلامه اختي وكل اخوات المسلمين يارب,,

اقتباس: المشاركة الأصلية كتبت بواسطة 2006    ان شاء الله يفيدونك الاعضاء

ان شاء الله...
ومشكور على مروك..

اقتباس: المشاركة الأصلية كتبت بواسطة مالكه القلم    مرحباا اخية ان شاء الله تقومين بالسلامة والعافية والولادة من ربي لامن دكاترة ولاغيرة وبعدين مستشفى تمير مش ولابطال كويس من حيث العناية بك وبالمولود وبعد كنك في اهلية عندهم والله بدون مجاملة والله طيبين على قولت الاهل وتقومين بالسلامة

مرحبتين..
الله يسلمك ويعافيك..
صح اختى من الله سبحااانه..ونعم بالله..
الله يعافيك ياختي رايحتيني..
الله يسلمك ..
شااكره لتس على مروك...