البلدية اول واخر

والله ان الكتابة عن البلدية عمل ممل لانها ماعندك احد ومادروا لانهم من قل الدوام مايعرفون انترنت

واتحداهم يعرفون مسميات وظايفهم لانهم يوقعون ويطلعون و بالصراف يستلمون

اربعة بس يشتغلون والبقية يتدربون

والله ان واحد منهم يسمع بـ فلان موظف عندهم ومايعرفه لانهم توقيع ثم خروج ( حقيقة )

اجل اطلع من البيت واحسب الدنيا امطار يوم رفعت راسي

سطعتني الشمس

اثره واحد امن العقوبة و فتح الموية يغسل بيتهم ( مترين × مترين ) على باله غاسل ملعب وهالموية و الصابون مشرقة خلق الله وهم رايحين يصلون

لابارك الله فيه ولافي البلدية اللي تغرم ناس و ناس تاركتهم

والا الشوارع اللي كنها خشت واحد جاية جدري وكلها حفر × حفر

ركبت واحد امس وقام يقول موترك فيه صوت موترك فيه صوت ( موديل 2004 ) قلت اسكت ليش اصلحه؟


[blink]لـــــــــــــــــيــــــــــــــــــــش ؟؟؟؟

اصلح مويتري ليش ؟

وهو بيخرب عاشرة ومية ؟[/blink]

موتري الـ 2004 راحت وناستي به لانه هو والـ 1981 كلهم واحد ( قرنبع )

واما المطب فحدث ولاحرج ( اقل شي يحطون مطب مثل الناس شكله يكون مرتب موديل 2004 مثل سيارتي ) مهوب تقول راقي عقم !!!!!

اتمنى اني ماثقلت عليك ايها العضو الكريم ؛ اما البلدية فاكيد اني ماثقلت عليهم لانهم ما يعرفون النت



تحياتي للجميع

اخوي الحصاد,,,
والله بتعب روحك اذا بتطلب شيء من البلديه,,
ماحولك احد تكسر سيارتك او تعدم ماعليهم منك,,
اهم شي عندهم المعاش اخر الشهر والتسلط على عباد الله الي مالهم ووواسطه عندهم,,
وووووووين اكياس النفايات وووووووووووين المبيدات الحشريه وين وين

عمرك شفت البلديه ترصف بيت احد من المواطنين الا اذا كان موظف فيها؟؟

عمرك شفت البلديه تقوم بتشجير الساحات الخاليه الا اذا كانت امام منزل احد
موظفيها؟؟

انت تقول وينهم عن النت؟؟

اجيبك واقول اغلب منسوبي البلديه من هواة شرب حليب الابل لذا تجدهم
حول مراعي الابل بعد نهاية الدوام الرسمي.

والله وصدقت اخوي الحصاد

ماعندك احد في هالبلدية كلن مكبر وسادته ،،،

هههههههههههه
اخوي الحصاد لمين تشكي همك .. والله محد يسمعك المنتدى من فتح واحنا نقول شوفوا حل شوفو حل الصراحه ما عندك احد

ولا تتعب حالك ... وامرنا كله لله سبحانه ...

انا الان يوم شفتهم زفتوا الحفريه اللي عند باب بيتنا استانست كثير ... بس يافرحه ما كملت؟؟؟

من بكره والله من بكره نزلت ((هبكت )) الحفريه وطلع حفره مره ثانيه وين البلديه

معقول كذ يعني شغل على الماشي .. وإلى متى

يااخوان اشكر لكم المرور والمشاركة

اما البلدية فوالله عارف مهنى حل وكتبت كذا في الموضوع بس انت خابر لازم الواحد يطلع بعض القهر

وبصراحة البلدية صارت مشاكلها حاجة رئيسية في تمير و ادمناها

و يمكن لوتنحل مشاكلها ( اذا شفت البقرة تحج على قرونها )

اقول لوتنحل كان يتغير شي في تمير وتحس ان تمير فقد نكهته

اللي هي مشاكل البلدية



وووووو كل قرن والبلدية نايمة بخير

تحياتي

هد اعصابك يا الحصاد

ازين مافي تمير البلدية

على الاقل كل يوم يطلعون بحركة ---

ولهم هدف ما يبون الناس تكثر الدوران في الديرة

عندهم ذهانه عجيبهههههههههه

الله يعجل بالسفلته الدااااايمه

مشكوووووووووور


سلام

هههههههههههه فعلا اخوووي هيمان ان البلديه لها هدف نبيل بالفعل ... وهو ان الشباب اللي يسرعون تجبرهم المطاب والحفر ولاحركات الحلووه هذي على انهم يهدون من سرعتهم شوي ...

لا إذا على كذا ما عندنا مانع انهم يخلون المطاب هعهع عه عهعع