أهـــم الأطباق الصالحة للتجميد في شهر رمضان..

يسرني أن أقدم لكـــم أهم الأطباق الصالحه لتجميد وذلك لقرب شهر الخير شهر رمضان المبارك ... لأن هذا تحتاجه الأخت المسلمة خاصه قبل دخول شهر رمضان المبارك .. لأجل أن توفر وقتها الثمين وتستغله فيما يقربها الى الله تعالى وينفعها في أُخراها ...

أولاً:إعداد اطباق قبل دخول الشهر المبارك ومنها:-

أ/تخـــزيـن الملفــوفــــات الـــتي تُقـــلى:
مثل: السبموسة..السبرنج رول..كفتة التونة..كبه التوست..المخدات ..أفخاذ الدجاج..
وطريقه تخزينها:بأن يُغطى ما يحتاج لتغطية(اي بالبيض والبقسماط) وتجعل في طبق كبير مصفوفه بجانب بعضها حتى تجمد..ثم تنقل الى علبه مبطنه بالورق..


ب/الفـطـــائـــر:
بأنواعها كالتي بالجبن (الكراوسون) وانصاف الدوائر والسبانخ....الخ
وهذه توضع في العلب المبطنه بالورق مباشره ...
أما البيتزا ...فأنتي بالختيار إما ان تخرني الحشوة فقط او تعديها (اي البتزا)إعداداً كاملا وتجعليها اولا في طبق كبير حتى تجمد تماما .ثم تضعيها في علبه قد بطنتيها بالورق.


ج/أنــــــواع الحـلــى:
مثل اصابع الجبن ..اصابع القرفه ..القطايف..المساويك.. مثلثات الجبن...
وهذه كلها تجمد قبل القلي ...وكذلك الكنافه ترص في الصينيه دون طهي ثم تجمد.


د/الأطـبـــاق التــي تطـــبخ:
مثل ورق العنب ..ملفوف الكرنب..المنتو الكذاب...اصابع الكباب...اقراص البرجر..
وهذه كلها تحضر وتجمد دون طبخ.


هـ/العـصــائــر:
مثل .الجوافه مقطعه..الرمان مفصفص..الفراولة..عصير الليمون في اكياس صغيره ..
وكذلك يمكن استخدام انواع الفواكه المجمده الجاهزن كشرائح المانجو والفراوله وغيرها وهذه بلا شك افضل من المشروبات غير الطبيعيه خاصه في شهر رمضان المبارك

ثانيا.تجهيز بعض المواد المسانده في اعداد الأطباق الرمضانيه:


مثل:
أ/اعداد كميه كبيره من الشيره(القطر) وتوزيعها في برطمانات زجاجيه محكمه الاغلاق ولذلك لاستخدامها مدار الشهر الكريم

ب/وكذلك اعداد كميه من التوفي ووضعه في برطمانات صغيره محكمه الاغلاق.

ج/واعداد ما يسمى(بالكشنه) وتعليبها في علب صغيره ووضعها في الفريز لحين استخدامه.

د/عما حشوة الرز (البزار)ووضعه ايضا بعلب صغيره ووضعه في الفريز لحين استخدامه.

وفي النهايه ... نسأل الله ان يبلغنا الشهر الكريم وأن يجعلنا فيه من عتقائده ووالدينا وجميع المسلمين ..

مشكوره ماقصرتي

السبموسة ..كفتة التونة..كبه التوست...اصابع الجبن ...والحشوات جهزتها وفرزنتها..وصلصة البيتزاء سويتها وفرزنتها
وان شاء الله ابسوي البف بكره اوبعده
تسلمين يالغلا على هذا الموضوع

مشكوره ام منى
انا اسوي كل يوم بيومه عدا السنبوسه اسوي حق اسبوع ولما تخلص اسوي حق الاسبوع اللي بعده
وان كان بيجيني ضيوف اسوي كل شيء بالليل وما اخلي لبكره غير اشياء بسيطه
هي الشيره بس اللي سويت
وبكره بحمس قهوه (كني الجدات احب حمس البيت)

انا تقريبا نفس قوت القلوب سويت السمبوسه واصابع الجبن والبف باستري والسبرنق روول..
القهوه حامستها في البيت وخلصت ..
شاكره لكم يالغاليات..

مآشآء الله عليكم
أنآ مآسويت ولا شي
أحب كل شي أسويه بيومه
غير الشيره اللي مآأستغني عنهآ
تسلمين يالغلآ على الموضوع

ماشاء الله عليك يالراقيه..
تسلمين ع المشاركه..

آبشرك كل شئ بالفريز الآن ؛
ماعدآ الحلى واللقيمآت يوميآ مع البطآطا
يعآفيك ِ ربي ي الغلا
لاخلا ولاعدمُ

الله لايضرك يالوفاء..
اجل طبخ ونفخ
شاكره لك ويعطيك العافيه..

مشكوووووره يالغلااا بس احنا عندنا كل شي بيووومه قهرررربكره عند حرريمهم قبل الرمضاان ب3 اشهرررقرررررريفررزونه