البدر في رثاء سلمى آلسعود آلرشيد ...جدته

مانشدت الشمس عن حزن الغياب=علمتنا الشمس نرضى بالرحيل
كل يوم يغرق الحظ اوعباب=ما سمعنا ناعي ما به عويل
وما هقيت الموت يجرحني جواب=لين شفتك في سما عمري اصيل
علميني يااللي كفوفك سحاب=وابتسامك غيث واهدابك نخيل
وش اسوي لا دخل فصل الضباب=وكفت عيوني وضيعني الدليل
حاجتي والشيب يهديني الصواب=حاجتي لك ما مضى بعمري حصيل
اّه يا سلمى مضى وقت العتاب=والحديث اللي بقوله لك طويل
اعتذر يمه حصل مني غياب=واعتذر ازريت لا ارد الجميل
من يجازيك وعطايك الشباب=والله العالم ترى ماني بخيل
يوم انا عاري غديتي لي ثياب=وان شكيت الضر شافيتي العليل
ويوم كبر الطفل ولمتي الذهاب=كل مافي الكون من طبع جميل
هي درت حايل وهذيك الهضاب=عن غيابك هو درى الروض المسيل
بنت من لا ثورو فوق الركاب=ما يباريهم سوى نصل واصيل
واخت من لاكسرت سمر الحراب=من عنيف الطعن ردو للصقيل
وأم من جداتهم مثل الشهاب=كاسبين المجد من جيل لجيل
ياالله المطلوب يا جزل الثواب=تجعل الجنه لها ظل ظليل

قصصصيده روعه
مششكوره يالغلآ ع الطرح
..

اقتباس: ياالله المطلوب يا جزل الثواب=تجعل الجنه لها ظل ظليل

آمين
الله يرحمها واموات المسلمين
قصيدة جميلة ومؤثرة
شكرا لك

مانشدت الشمس عن حزن الغياب
علمتنا الشمس نرضى بالرحيل

الله الله
رغم الحزن ب الآبيآت الا آنها رائعة ؛ وهالبيت دايماً على لسانيّ
سلمت ِ لنا

يعطيكم العافيه على حضوركم وأطلالتكم الجميله

احترامي وتقديري لكم

اعتذر يمه حصل مني غياب=واعتذر ازريت لا ارد الجميل
من يجازيك وعطايك الشباب=والله العالم ترى ماني بخيل

كلمات لها معنى في الصميم.

يعطيك العافيه على حضورك الطيب

كلمات اكثر من رائعه
الله يعطيك العافيه

يعطيك العافيه على اروع الابيات

الله يعافيكم على حضوركم الطيب