انتي عسـل منثـور فـوق الشفايـف ....

غـلاك يادنيـاي فـوق الوصـايـف
غلاك عنـدي يابعـدي مرتفـع فـوق

غـلاك جـاوز هالجبـال النـوايـف
والشوق في قلبي وصل ذروة الشـوق

ودي أعبـر عـن شعـوري وخايـف
خايف أقصّـر يابعـد كـل مخلـوق

ضاعت حروفي! وش تفيد الحسايـف
لاخانك التعبيـر ، انفاسـك تضـوق

عشقك يعشعش بالحشا وانـت شايـف
يشتاق شوقن صيّـر القلـب مشقـوق

صوتك يصوّت والصدى صار نايف
صوتن صرخ في داخلي صرخة البوق

لو غبتي عنـي ماغـدا البـال كايـف
لكـن وربـي صدتـك قمـة الـذوق

ياني أحبك حـب يسـوى الطوايـف
حبّن بصدري حافظه وسـط صنـدوق

شريـت حبـك , والبقيّـه عـوايـف
ولاني ببايع يالغـلا بزحمـة السـوق

حبي مجرّد مـن مـزوح الطرايـف
والعشق كنـه عشـق سطـام للنـوق

شفتـك اعــادة والا يابنـت ( لايـف )
ماهو المهم البـث , ماظنتـي تعـوق

انتي عسـل منثـور فـوق الشفايـف
وانتي وقود الـروح لاعيّـت تسـوق

وانتي معاشي عـن جميـع الوظايـف
وبسبّتك قلبـي لـه سنيـن مسـروق




مـمـا راقــني ,,,,,

الله الله قصيده روعهْ
صح لسآن شآعرهآآ
وتسلم على الأختيآر
تقديري

الله يسلمك نورتي الحته
وياهلا فيك ورحب