كن من بين المحاديب سوق للحراج

ماني براعي مساري ولاراع دوجة=بس من حطك على البال في حروتك داج
يوم مريّت متعدي بممشاك غنجة=شي ثابت يوم تمشي وشي إله إرتجاج
علمي بقلبي وروحي وعقلي متّجه=كل واحد باتجاهك واقول ابلا انحراج
كل درب ياقدم رجلي الليله دجه=لو سكن في ديرةً من خطرها ماتداج
منك قلبي في ضلوعي غدا له لجلجة=كن من بين المحاديب سوق للحراج
أو مثل بيرا عليها للاضعان رهجه=وردها فرقة وللقيض ملهاب وعجاج
في خليي من سهجها ضما القلب سهجه=مابها الا هي قراح والباقي هماج
يابو غرّ جدّلاً صف مافيها فلجة=من ورا الطرحة لها بين اسافلك إنسعاج
الله يرحم ابوك تعطيني وجه=لين تسمع ويش ابا اقول لو مالك مزاج
ارحم اللي فيه عليك سجه وخلجة=طاوي قلبه على شوف غرتك الخلاج
لاتقول اطلع على السلم ولافيه درجة=ولا تقول لكل كربة من الله إنفراج
ادري ان الله لامنّه فزعلك بفرجه=صرت من بعد الغرابيل لك في برج عاج
إن كتبك الحظ لو ماهقيت إتلامجه=والله اني لازهمه غير ياطلق الحجاج
ون برك حظي وكثر عذاره واحججه=امتعود منه على العذر والاحتجاج
إنولدت او ولد حظي معي فيه عوجة=كل درب اعطيه لازم يجي فيه إنعواج

الحطيئة

احب قراءةقصائدك الجميلة

قصيدة صعبة ولكنها جميلة

الأخ المدرس شكرا على إطرائك والقصيدة حلوة واخترتها لكم آمل ان تنال إعجابكم وأحب أن انوه ان القصيدة ليست من قصائدي وإنما لشاعر غير معروف لدي