قصيده

اعضاء المنتدى تمير الاعزاء
اهدي لكم هذه الابيات المتواضعه
واتمنى تنال اعجابكم............


ياللــه ياللي رد يوســــف ليعقــــوب ..عقب انقطع ياسه وجفت دموعــه

يوم أغــدروه عياله وجابـوا الثــوب .. وقالوا لأبوهم لا تحـرا رجـوعـــــه

يامفـرج الكـربات عن كـل مكروب .. يامن يسير الكـون بأمره وطوعــه

ياللــه تجـاوزعن خطـاياي وتتــوب .. ولكل من يخلـص لوجـهـك ركوعــه

وتفـرج همومٍ في ضميري لها شوب .. ما كنــها الا ماخــذاته قطـــوعـــه

تروح بي في صوب والناس في صـوب .. منها خطـر صدري تحطم ضلوعـه

وأكبرسبب بعد أتلع الجـيد رعبـوب .. قليـل بين الناس شكلـه ونـوعـه

النفــس ذايبــــةٍعلى شـوفتــه ذوب ..ومن لامني عســى الليــــالي تلوعـه

يبلاه رب البيـت بفــراق محبـــوب ..لــين يغـدي نومــه على راس كوعـه

انا ادري ان اللي حصل شي مكتوب .. لكن ابن آدم خلـق نفســه جزوعـه




تحياتي
الـــــــــــــغـــــــــربـــــــــــــــــي

شكرا لك يالغربي

ونتطلع لقادمك بشوق

تحيتي لك والى الامام

تسلم يالغربى والله لايهينك
تحياتى

الغربي

ارحب بك في ساحتك
ومشاركة أكثر من رائعة
تستحق التثبيت

اختي عهود شكرا هلى المرور


ابو لافي حياك ومشكور على المرور يالغالي




المدرس لاادري كيف اشكرك يالغالي


والله لايهينك

الغربــــــــــــــــــــــي
لله درك وصح اللساااااااانك
جزل وانت الجزل ابداع من مبدع
لاهنت وتسلم يمينك
مهنا العتيبي
الموج

الاخ مهنا يشرفني مرورك على الموضوع