ترهيم طفايه حريق بأغراض متعدده الأستخدام .....تم العمل كاملأ في الأستراحه

السلام عليكم ورحمة الله وبركاته



فطاحله عشاق الترهيم والقزوز


الموضوع وما فيه ان لي صديق عزيز جداُ اقوم بزيارته من فتره لأخرى في استراحتة الخاصة وكنت الاحظ تغييرات في الأستراحه من حين لآخر مع تناثر العده المستخدمه في الأستراحه مما اوحى لي انه يعمل بيده اشياء لم يخطر لي بال انه هو من يقوم بعملها وكان دائماُ يطلب من زواره ابداء الرأي حول اي عمل جديد دون ان يفصح لنا السالفه ..
منها ...ترهيم تانكي 300 لتر في حوض هايلكس دبل للمكاشيت +صدام حديد ودعاميه وقاعده ونش ....غير بيت شعر كامل بحديده لخبرته في اللحام وأشياء واجد لا تحضرني الآن
الحاصل قمت بزيارتة ذات يوم دون موعد مسبق .......<وكعادته كريم ولا يرد أحد بيض الله وجهه


اتصلت عليه قالي حياك الغدا جاهز مريت عليه وحصلته يشتغل في طفايه حريق ويلحم ويضبط ..<اذكررفعت جوالي وقال لا تخاف ماله داعي تكلم الدفاع المدني
قلت ابو سعد من جد أنت وش تسوي قال هذي هوايتي المفظله
قلت في نفسي اكيد انه يعرف سرهيد ولا لاتكب البياله
وظلمته أكثر لني شكيت انه عضو معنا في مكشات ولا يبي يعلمني
لاكن اتضح العكس .........>مع اطلاعه على هالخيمه من حين لآخر ويعرف أسماء معينه هنا ويتابع مواضيعهم


الرجل من الشيبان الجديدين .........>يعني لاهوب صغير ولا كبير في بحر الأربعين المهم انه من اسنان شيبان هالخيمه





هنا ورشه العمل ويلاحظ المخرطه







وهذه شنطه العده الدقيقه الخاصه بالقزوز ........>ليات سنن جلد ....الخ







هذه الدبه مشروع ابو سعد الحالي < ويلاحظ عمل فتحتين للروس تركب دايركت



الدبه رأس على عقب .......<ويلاحظ مدخل الغاز وسنه داخليه





الشكل النهائي ........>موقد دبته منه وفيه بتقولون وشلون انزلو للصورة الثانيه

الدبه والموقد من الداخل ويلاحظ الطريقه في الترهيم .....>2*1

المهم يوم خلصنا سالته ماعندك شي مسويه وجاهز او اي شي يتعلق بالقزوز ........<طبعاُهو من النوع اللي ما يحب الظهور الأعلامي واجاب بلا
أصريت وفهمته اني ما اصدق ان هذا شغلك بس اكيد .....<قال اجل تعال

وووراني هذا الصندوق ........> قلت وش عنده شكلها شنطة عده



المهم فتحنا هالصندوق وتلاحظون مرهم 3 روس داخلها مع ذرايه وكل هذا من عمل يديه والله يشهد




الصورة اقرب وتلاحظون شبك تركايه ..وتحكم خارجي بقوه الغاز +مدخل الغازكبس



صورة نهائيه مع 3 دبات او طفايات حريق تم ترهيمها مسبقاُ...>مو ان اقول مو معقوله بس هذا اللي عنده وهذا الدليل

ومثل ما اسلفت لكم أعلاه ........>الرجال عنده بس يبي من يقلبه

شوفو وش حصلت مع اني أعلم جيدا ان الكثير من المهتمين في المواقد القديمه بيزعلون وأوافقهم الراي لاكن الرجل ذكر لي انه وجد الشنطه فاضيه بين اغراض قديمه عنده

موقد كولمان يعمل على البنزين في الأساس على ما اعتقد......>واعاد له الحياه بترهيم يليق به






الموقد من الداخل مرهم له راسين مع تركايه

منقوله من مكشات

تبي الصحيح شغل طيب ولا فيه حكي .

شغل زين بس ما تنضمن وان ثارت فيك..

مشكوري اخوي هاوي تمير على النقل..

اقتباس: المشاركة الأصلية كتبت بواسطة نسيم    تبي الصحيح شغل طيب ولا فيه حكي .

مشكور اخوي على الرد الجميل

مشاء الله عليه الله لا يضره
تسلم اخوي ....

اقتباس: المشاركة الأصلية كتبت بواسطة أبـوحـمـد    شغل زين بس ما تنضمن وان ثارت فيك.. مشكوري اخوي هاوي تمير على النقل..

يوالله
مشكور على الرد الرائع

مشكوووور اخوي هاااوي تمير على هذا الموضوع المميز

وخيمة عدد وأدوات الرحلات في مكشات غنيه عن التعريف بما تحتويه

من ابتكارات واشاء جميله

كل الشكر لك على هذا الطرح الرااائع والله يعافيك

شغل عدل وقوي بعد
الله يعافيك

اقتباس: المشاركة الأصلية كتبت بواسطة المتحـ2007ـد    مشكوووور اخوي هاااوي تمير على هذا الموضوع المميز وخيمة عدد وأدوات الرحلات في مكشات غنيه عن التعريف بما تحتويه من ابتكارات واشاء جميله كل الشكر لك على هذا الطرح الرااائع والله يعافيك

تسلم اخوي المتحد على الكلام الرائع
مرررور مميز

اقتباس: المشاركة الأصلية كتبت بواسطة الموادع    شغل عدل وقوي بعد الله يعافيك

مشكور اخوي الموادع ع المررررور الجميل