ملف لملكة الحلويات ""الكــــــــــــــنافه"" لعشاقها

حبيت اضع لكم ملف لملكة الحلويات الكنـــــــــافه
***********
كـنـــــــــــــافه بالقشطه
نبدا بقشطة الحشوه اذا حبيتيها تكون قشطه طازجه اوتخلطي
2ملعقه نشاء
2ملعقه دقيق
4ملاعق حليب
1/4ك سكر واذا تبغي تزيدي
2كاس ماء وفانيلا
تخلط مع بعض وتوضع على النار تثقلواذا تحتاج ماء زيديها
تكون مثل كذا

نفرك 1/2كيلو من الكنافه او اقل على حسب الصنيه
بالزيت حتى تتشرب لان الزبده تحترق و يطلع لها ريحه

نرص في الصنيه حبات الكاجو كا زينه

ونضع الكنافه برفق على الكاجو ونضغط عليها

نضع على الكنافه القشطه

ونغطي القشطه بالكنافه

وتدخل الفرن حتى تحمر وتسقى بالشيره بارده على طول
وتقلب في صحن التحضير وترش بالشيره

شوفوا الكاجو كيف طلع

ومن الداخل

***************
ميني كـــــــنـافه

اول راح تكون الحشوه مثل ماتحبين
مكسرات مجروشه الموجود عندك
قليل من الشيره وفانيلا وشوي سكر

نضع كنافه مفروكه بالزيت في القوالب الصغيره ونضغط عليها

ونضع الحشوه ونغطيها بطبقه من الكنافه

وتدخل الفرن لتحميرها
وهنا بعد ما خرجناها من الفرن تسقى شيره

وهنا

من الداخل

لذيذه يابنات

*************
الكــــــــــــنافه المبرومه

هنا تكون الكنافه شعرها طويل يعني حاولي تكون خصله وحده
ونقصها مثل كذا

وناخذ خصله وحده وتكون رقيقه شوي وبطول ملعقة اكل ونحشيها قشطه

ونلفها مثل الرول

نرصها في صنيه وتكون جنب بعض
ونصب عليها تقريبا اكثر من نص كوب زيت العربي للقلي علشان الزيت يتحمل و مايحترق

وتدخل الفرن

هنا بعد ماخرجناها من الفرن نصفيها من الزيت بسرعه
ونصب عليها الشيره ونزينها بالفسدق

وهنا

ومن الداخل

رووووووووووووعه ولذيذه
*************8

الكــــــــــــــــنافه النابلسيه

نضع في زبديه قليل من الزيت وملعقه من السمن النباتي
وقليل من صفار الزعفران ونخلطهم مع بعض
ونضع عليه الكنافه وتفرك حتى تتشربه وتاخذ اللون
ونرص الكنافه في الصنيه

ونضع عليها جبن عكاوي
((الجبن العكاوي شديد الملوحه لزم ينقع في ماء اكثر من مره حتى يغسل من الملح))

بعد كذا ممكن انك تدخليها الفرن من تحت بس حتى تتحمر وتذوب الجبنه واذا خرجتيها تقلبيها وتسقيها شيره
او
تغطيها بطبقه رقيقه من الكنافه وتخليها الفرن
مثل كذا

وبعد النضج تقلب وتسقى شيره

شوفوا كيف من الداخل

اممممممممممممممممم

**************
اقمـــــــــــــــاع الكـــــــــــــــنافه

ناخذ خصله رقيقه من الكنافه ونلفها على القمع
ونلصق طرفها بقليل من خليط الماء والدقيق ويكون سايل مره

ونرصها في صنية الفرن
ونشرب كل قمع كنافه ملعقتين زيت
وتدخل الفرن

وبعد ماتخرج لك حرية الاختيار في الحشوه
انا هنا حشيتها دريم ويب وممكن انك تحشيها كريمة خفق الي تبين

الحمد لله انتهيت
وان شاء الله يكون الملف الصغنون اعجبكم..

وآو خطييييييرة هـ الطبخآت
ماننحرمٌ

صحتين وعافيه..

ماشاء الله ملف رائع ومفيد الله يعطيك العافيه

هني وعافيه..

روعه وخآصه اللي بآلأقمآع
تسلمين يالغلا
ويعطيك العآفيه

صراحه مرررررررره احب الكنافه
تسلمين على الموضوع

واااااو روووعه الكنافه
بس انا افضل الكنافه الناعمه
يعطيك العافيه يالغلا

صحتين وعافيه..
والكنافه لها انواع واشكال كثيره ..
فلامانع من المشاركه باضافة اشكال اخرى للكنافه..

وصحتين على قلبكم