الصيف له حل وله وقت معلوم

الصيف له حل وله وقت معلوم

لا واعـذاب اللي شكى قلـت الـنـوم == راح الـبراد ولابقى الا المكـيّف

راحت حراوي شوفت البرق وغيوم == و لا بقى الا شوفـته للـمصيّف

وراح النسـيم وحـلت رياح وسمـوم == ولا احد سلم سمين والا نحيّف

طول علينا الوقت وزداد بهموم == نرقب طـلوع سهـيل لوهو يصيّف

واللي معه دنيا فلا هوب محروم == يسافر ولا يبقى سوى ذا الضعيّف

بعض العرب مهوب يقدر على السوم == حتى المكيف صار عنده كليّف

وان كان زاد الحـر وافـق بعـد صـوم == فصبر على حره بجسم رهيّف

والصـيف له حل و له وقـت معـلـوم == يزيد عـن اربع شـهـور ونـيّف

لا واهـني الـطــير ليمـن بغـى يحـوم == يقـوله اللي اخـر اسـمه خريّف

ابراهيم بن سعود الخريف

صح لسآنك َملايينْ يـ الشآعر على هـ الآبيآت الروعة
فـ لآتحرمنا منْ بوحكَ الرائع

لا خلا ولا عدم

.,’.
صح لسآنڪ
وتسسلم يمناااڪ..
بإنظآر قلمڪ بڪل شؤؤق..
.,’.

صح لسانك

صح لسآنك أخوي
أبدعت بـكتآبة الأبيآت الجميله
دمتَ متألق ومبدعْ
إحترآمي وتقديري

صح لسانك والله يعافيك
عز الله عندنا حر يشوي العصفور
لكن الشكوى على الله ديرتنا ونحبها والله
لو تصير الي تصير

راحت حراوي شوفت البرق وغيوم == و لا بقى الا شوفـته للـمصيّف

وراح النسـيم وحـلت رياح وسمـوم == ولا احد سلم سمين والا نحيّف

صح لسان الشاعر

وتسلم يا ابو سعود على النقل الرااائع

صح لسااااااااااااااااانك

صح لسانك لاهنت

صـــــــح لساااااااااااااااانك وتسلللللللللم يدينك