حمــام + دجاج ( ببرميـل مندي حطـب )

طبعا الحطب من السمـــر الطيـب ..

وبالمطبخ جرى الآتي ::

تمويع الزبده وتغطيس الحمام بها

ملح ناعم + بهارات + كزبرة مطحونة = رش خفيف مرره مع تقليب الحمام بشكل مستمر

ويدهن الدجاج بنفس الخلطة السابقة ما عدا الزبدة مع ملاحظة عدم دهنهم بمعجون الطماطم

الآن نجي للرز > بصل + زيت يحرك حتى يكون لون البصل مائل للسمــار

ويضاف علبة طماط أو طماطتين طازجات حسب الموجود

ورق غــار > 3 أوراق

إضافة : ملح خشن + بهارات + معجون طماطم + قرفة + ليمون أسود + هيل + مسمار

نخليها تطبخ شوي حتى يذوب الملح ويختلط الحابل بالنابـل

دامها تطبخ نصف الحمام والدجاج بالشبك المخصص لبرميل المندي

(الشبك استيل لاصدأ وسهل التنظيف وخفيف وسعره رخيص 70 ريال )

نصف الحمام بالشبك بالدور التحتاني

والدجيجـات بالدور الفوقــاني

ونرجع لقدرنا

نكب الرز > طبعاً ينقع بماء عادي لمدة ربع ساعة >> استخدم رز الشعلان أو الوليمة للمندي فهو ممتاز جداً ..

نخلي الماء فوق الرز 1 سم > جب معك مسطره مالي دخل إذا خرب ههههههه

ولاتنسـى المزايين الي فوق الرز > علوب الحبحر > رمزنا ياهل الرس

إذا جمّـرت بالكامل نزل الشبـك > قدر الرز بمكانه المخصص تحت

وجب الغطاء وغطه بسرعه لا يهج

والخياش يكونن مربصات بالماء من قبل

من كل الجوانب

شكل نهائي لمرحلة الخياش

وين الشباب النشـاط يدفنووونه

شدو حيلكم

ما قصرتوا ياحبيلكم

نسأل الله لهن الثبـــات

وبعــد مرور ســاعــــة كــامــلــــة . .

نرجع ونشيل الرمل من فوقه

وافتح يا سمسـم أبوابك نحنو الجوعانيـيــن ^_^

الله الله على الريحـهـ

أقـرب .. وأقرب ..

نطلعه من البرميل > أكيد أجل نتفرج عليهـ

نطلع الرز لا ينكب ثم نبلش > زود على كذا مثقل ياحبيله

حبيب السعوديـيـن ~ رزوزي ~

ما شاء الله.. ما شاء الله ..

يالله ما نقدر نتحمل ..

يالبآ قلوبكم ههههههههه

تفضلوأ يالله حيهـم على قل الكلافـهـ ..

وهذا الصحن الثاني

تبون نقرب أكثـر .. يالله ..

منقول

ماشاء الله عليهم..
شكله روعه..
يعطيك العافيه..

ماشاء الله عليهم طباخين
بس شكله يتعب
تسلمين يالغلا

اولا حمدا لله على السلامه ورده
من طول الغيبات جاب الغنايم
ثانيا ماشاء الله عليهم فنانييين ولهم نفس حلو بالاكل
والله ودي اذوق طعمه
اختي ورده عافاك ربي ويبي لنا طلعة بر وتسوينه لنا

مآشآء الله شغل مرتب ونظيف
تسلمين ورده على الطبخه اللذيذه
ودي وتقديري

يؤؤيؤؤ حمآمُ مآحبه
أحتَرآميّ

تقاطرت سعابيلي يا ورده ما شاء الله وش هاحركات الحلوه..

الله يعافيك وما قصرتي..

من جد روعه يعطيك العافية

ماشاء الله شوقتينا ياوردهـ لمندي الحمام
شكرا لك

ماشاء الله ...
شغل عدل ..

هذا وقت قواطي المندي في البر ...