بعض العرب ( عبدالله باتل )

احببت ان اشارككم بهذه القصيدة المختارة للشاعر الرائع عبد الله باتل والتي تصف حال الناس

بعض العـــــــرب


بـعض الـعرب ما ينعطي وجه بالحيل =


ولـيا عـطيته وجـه صـار لك علة =


وبـعض الـعرب ماله سنع لكنه حليل =


بـالـضبط كـانـك لا تـمعنت ظـله =


وبعض العرب شقرا و شقرا مع الخيل =


مـا يـنفعك لـولا الـرموش الـمظله =


و بـعض العرب لا يعجبك ثرثرة ليل =


و بـاكر تـرى مـا قـالك شـي لـله =


وبعض العرب مرسال مادري مريسيل =


يـساير الـعالم و هـو حـاصل لـه =


وبعض العرب يصلخ و ينفخ و هو ريل =


و فـي زعـمه انـه يـفهم الكون كله =


وبـعض العرب ما غير بندق و دربيل =


و مـنين مـا هـب الـهوا جـايز له =


وبـعض العرب يطلع كما طلعة سهيل =


و يـغيب نـجمه قـبل دربـه تـدله =


وبـعض الـعرب يوذيك بالقال والقيل =


تـجلس مـعه سـاعة والاخـرى تمله =


نـذل و خـسيس يفصل الهرج تفصيل =


و لـيـا لـقـا لــه طـيب يـستغله =


وبـعض العرب منظر و كشخة وتحليل =


شـبح بـحال و حـاله اخـرى كرله =


لا شـفت زولـه مـن خيار الرجاجيل =


و لـيـا عـرفته مـا تـجيه بـمحله =


و بـعض العرب ماضيه ليل على ليل =


كــذ بـصـموه وصـوروه الادلـه =


وبـعض الـعرب لا والله الا تـهاويل =


مـهـما عـقدت الـحبل لازم يـحله =


كــذ دربـوه و لـكعوه الـرجاجيل =


مـن قـبل لا يـصير الحدث جاهز له =


وكـانك شجاع صحيح حارب اسرائيل =


قـبـل الـيـهود الـقدس لا تـستحله =


وكـلش يـهون الا الـثلاث الـغرابيل =


الـمـهزلة والـمسكنه والـمـذله=

وبـعض العرب منظر و كشخة وتحليل =


شـبح بـحال و حـاله اخـرى كرله =


لا شـفت زولـه مـن خيار الرجاجيل =


و لـيـا عـرفته مـا تـجيه بـمحله =

قصيدة بـ الصميمُ وتحآكى الوآقع َ كثيييراً
تسلمُ يمناك َ على هـ الانتقآء الرآئع َ
لاخلا ولاعدم

سلمتَ أخي المدرس
أنتقآء رآئع
تسلم يمينك
ولآهنت

صح لسان الشاعر وماكذب
شكرا يالمدرس