يمه .. أنا مالي في هالزرع مقيال

يمه .. أنا مالي في هالزرع مقيال ... يمــــه ربيع الكون ماهو بعيني

ماشاقني طفلٍ وأنا صرت رجال ... وأطلقت بـــــــالأيام مهرة سنيني

يمه رضيت بكل مايرضي الحال ... بس الزمــن بــالحيل يلوي يميني

نوّخت فكري لــلتواضع ولا زال ... وجعلت فـــــي وكر الكرامه جبيني

ومديت كفينـــي عطا تشعل اشعال ... أصابعي شمـــــع لمن هو يبيني

وجعلت فــي قلبي للأحباب منزال ... وسكنتهم رغــــــم علي عاذليني

طبعي كذا ، ماخالطه خبث واهبال ... أشـري الذي في خاطره يشتريني

يمه ، أنا في عالم الحب مرسال ... تكـــــفيني من نار العذاب ادركيني

كنت أذكر البسمـه على شفاة الأطفال ... كانت تحرك كل الأفراح فيني

صمتي قتـــــل في داخلي كل الآمال ... وتبـــــــخرت أحلام أول تجيني

كنت أحسب الـــــدنيا قصيدة وموال ... موالها فــرح ، وفرحها هجيني

لكن نـغمها ماطرالــــي على البال ... ان اللـــــــــيالي بطبعها تكتفيني

يمه ، جهلت اسنين ، وسنين أطوال ... أمشي وتصفق في هواها يديني

أطرد سراب وداخل الأرض زلزال ... آه الـــــــظما يقتل سنابل حنيني

يمه كفوف البرد ماتدفي الشال ... أرمـــي الزمان وبالحنان احضنيني

يمه شكيت ومابغيت أشكي الحال ... صوت انهتف في داخلي سامحيني

قصيده أليمه
وخآصه هـ البيت
يمه رضيت بكل مايرضي الحال ... بس الزمــن بــالحيل يلوي يميني
صح لسآن شآعرهآ
وشكرآ لك على الاختيآر

اقتباس: المشاركة الأصلية كتبت بواسطة الراقيه    قصيده أليمه وخآصه هـ البيت يمه رضيت بكل مايرضي الحال ... بس الزمــن بــالحيل يلوي يميني صح لسآن شآعرهآ وشكرآ لك على الاختيآر

هلا وغلا بك وحياك الله اختي الراقيه ،،،،،،،،
جزاكـ الله خير ،،،،،،،،
العفو ،،،،،،،،
لا شكر على واجب ،،،،،،،
الله يعافيكـ يا رب ،،،،،،،
الشكر علي مروكـ العطر وتواجدكـ المستمر ،،،،،،،،
لا عدمناكـ يالراقيه
اخوكم ابومشاعل