على صدرها بشويش

قصيدة اعجبتني
عيوني تباكا كنـّـها مارد الميـّـاح
تصب العباير عبرةً ترّدف العبره

على أمي .. عسى مجري المباكير والارياح
يعافي بدنها بيده الأمر والدبره

على صدرها بشويش يامشرط الجراح
لاصار إنه يتـعـِب جسمها غزة الإبره

يادكتور بيدك روح ماهي مثل الارواح
محاكيك ماعنده جلاده .. ولا صِبّره

ترى وده إنـّـه قبل ماتجرح أمه راح
على المقبره من ساعته ويـّــحفِـر قبـّره

عساني فدى ماطا تعبها وهي ترتاح
واخذ ضيمها... هداجة الصوت والنبـّره

غدى بيتها من بعـّدها كن فيه أشباح
خواطر هله مكسورتن به ومنجبـّره

عسى الله يردش فيه وتعـِمـّـه الأفراح
ويرّجع على خبري وانا أرّجع على خـُبـّره

وعسى اللي مابر بوالدينه وقام وطاح
على شانهم بين العرب ينقـّـصِـر شـِـبره

ما ألوم المـِفارِق لا أشتحن والجريح إن صاح
ولا قول ياصُغره عليها وياكـُبـره

اقول ان عيوني دمعها مارد المياح
تصب العباير عبرةً من ورى عبره
منقول

ترى وده إنـّـه قبل ماتجرح أمه راح
على المقبره من ساعته ويـّــحفِـر قبـّره

الله الله على هـ الآبيآتْ الرآئعة رغمُ آلمُ كلْ شطرْ فيهآ
سلمُ لنآ شآعرهآ ومتذوقهآ
كنُ بخيرَ

صح لسآن شآعرهآ
وتسلم على الاختيآآر الرآئع
اللهم احفظ أمهاتنا
وأعنا على برهم يارب

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    ترى وده إنـّـه قبل ماتجرح أمه راح على المقبره من ساعته ويـّــحفِـر قبـّره الله الله على هـ الآبيآتْ الرآئعة رغمُ آلمُ كلْ شطرْ فيهآ سلمُ لنآ شآعرهآ ومتذوقهآ كنُ بخيرَ

شكرا لمرورك