قصيدة اعجبتني في تمير

من منتدى دار الرجال المشاكيل

دار الكرم وأهل الوفا والشكاله

نسوق فنجال الشعر للرجاجيل

في مدح دارا ً تستحق الجزاله

من دلة صفرا بها البن والهيل

وارد بني حضرم عسى الطيب فاله

كله لاجل داري اذا قيل ماقيل

تميـرنا اللـي نسـتظل بظـلاله

دارٍ بها زود الكرم يشبه السيل

والطيب فيها زايــــــدٍ دوم حاله

تمير يــــــــامنبع رجالٍ حلاحيل

واحدهم اللي مايرد من عناله

انشهد انك دارعــزٍ وتـبـجـيــــل

من يسكنك ياحظه وطيب فاله

فيكِ الكمال إمكملٍ زود تكميل

والكامل الله مكتمل في كماله

وان جيت ابوصف ويش اخلي من القيل

صعبه على الكلمات توصف جماله

در الكرم والعز والمجد والخيل

.يامن بها الملفي على كل حلاله

دارٍ ربت فيها الشهامه بتأصيل

وبالخير صيت تمير عدى مجاله

وان قلت اغني بالشجاعه مواويل

لقيت انا في تمير لحن الجزاله

ان جيت غرب وشرق تلقى المخاييل

ويسيل في جنوبه ويروى شماله

مع كل وجهه في تمير المعاميل

توقد كرم اكيدِ مامن محاله

ياتمير ويش انتِ بعالم بهاذيل

غير انك انتِ في دروب الجماله

تسعين دائم بالعلوم المزاهيل

واروع مثل للخير يضرب كماله

قصيده جميلة ،،، لله در قائلها وناقلها

صح لسانك ولسان الي قايلها
مشكور اخوي ودي

قصيده رآئعه
صح لسان شآعرهآ
وتميرتستاهل المدح

مشاركة رائعة
نتمنى ذكر شاعرها

صح لسان قايلها وشكرآُ