ابله منيره ياعيوني ياللي لابسه الليموني .!!

أبلة منيرة ياعيوني .. يا للي لابسه الليموني

قريت الموضوع واعجبني وحبيت انكم تقروه ..

عزيزي الشاب :





إذا كنت تحوس تدور بيت لأهلك




أو تبحث مع عروسك عن مقر للعشة الزوجيه



أو حتى كرشوك أهلك من البيت ووصلت لحاله مزريه من التلحيط وناوي تسترجل وتسكن لحالك ف إنتبه
نعم أنتبه




ومرة ثالثه أنتبه




تسكن جنب ابتدائية بنات!!!!




مهما كانت الظروف و المغريات ومهما كان اجار الفيلا او الشقة رخيص
حتى لو قالوا لك اسكن جنب بليس وافقه بس بلاش ابتدائيه بنات
اسمع كلامي





و الكلام ذا ما جا عبث
بل بعد معاناة 3سنوات







وتدور أحداث القصه قبل بضع سنوات وبضع ايام وبضع ليالي يوم اني اضطريت اني ادور سكن وبعد كر وفر




و دخلت الشقه وانا مزهو بنشوة الأقحوان والعنادل ترقص في فضاء الشفق وهي تغني سكري يا ورده فتحي يا ورده




و انا مبسوط قاعد اغني




لين ما اشرق الفجر




و بعد سبع دقايق من وضع راسي على المخده ، كنت على موعد مع الكارثه المأساويه




قمت مفزوع ، وشذا يا عيال زلزال ركزت شوي و اذا والله الدعوه طلعت النشيد الوطني بصوت بزران ابتدائية البنات اللي جنبي


لا حوووووول ، قلت يا ولد خلك انت الكبير و اصبر لين يقضي الطابور وكل بزر يذلف على فصله
لكن هذا كله تسخين لان الوناسه بدت يوم دخلوا البزران الفصل المقابل لغرفتي
يا ربي
وش سويت بدنياي




تصدقون
انا لي عشرين سنه وانا ادرس ما حفظت سارعي الا يوم سكنت بالشقه




و ياليتها جت على سارعي ، حفظت كرتي كرتي ما أحلاها ، و هري يلعب فوق السطحي




بس ما انجن وتفلت أعصابي ألا اذا دخلت أبله منيره فصل ثاني ابتدائي




( اللي هو الفصل اللي جنب غرفتي )



لأن ابله منيره تعشق الزعاق عشق جنوني و هذا يعطي البنات دفعه معنويه فيصيرون يزاعقون اشنع من أي وقت مضى هذا بالأضافه لأن ابله منيره تخلي البنت تعيد النشيد من أول اذا اخطت





بعد السنه الأولى تأزم الوضع




لأن اول كانت ابله منيره تسيير على الفصل في اليوم حصه و لا اثنين
الحين الأبله صارت المشرفه على الفصل و مبلطه كل الوقت وداقة لها خيمة بوسط الفصل



في السنه الثانيه صار عندي تبلد حسي خصوصا بعد ما بديت استخدم سدادات الأذن بالأضافه لشعور غبي هو اني حسيت اني عايد ثاني ابتدائي



( طيب على الأقل غيروا و حطو جنبي ثالث)




لكن في السنه الثالثه
بديت اخش جو صراحه




( الشكوى لله )




وصار عادي انك تشوفني ماشي في الشراع وانا اغني
في مدرستي دار الحب ..... العب اجري انا وصحبي
لا وتدرون متى اكيف الى منه دخلت ابله منيره الفصل وقالت
السلام عليكم
عاد ارد انا مع البزارين ونقول وعليكم السلام ورحمة الله وبركاته<== بصوت عالي متحمسين
كيف حالكم يا اطفال
بخير مادمنا شفنا خشتكي






الين جا ذاك اليوم الأغبر




( مثل باقي الأيام اللي راحت )




وكنت ابحتفل بمناسبه حلوه وراجع الشقه بدري و انا مبسوط
دخلت الشقه واناظر الساعه وتطلع عشر قلت كويس البنات الحين عندهم تربيه فنيه ونازلين تحت




( حافظ الجدول حقهم المسكين )




و الله و اشغل المسجل وافتح الدريشه لان الجو كان حلو و دخلت اتروش
المهم بعد فتره





سمعت جرس الباب ، استغربت منذا اللي جاي هالحزه ، فتحت الباب وانا لابس الفوطه واخرخر مويه
و اذا والله فراش المدرسه و معه ورقه ومدها لي






اناظر الورقه وطلع محتواها : أخي الفاضل الرجاء التكرم بخفض الصوت مراعاة للطالبات في المدرسه اللي جنبك يا لوح وشكرا






التوقيع
الأساتذه الفاضله عاشقة المزاعق
منيره





ومع فائق الاحترام ..

__________________

ههههههههههههههههههههه
مسكيييييييين وجعني راسي من صجتهم >>هع تأثرت..
مشكوووووره اخر شقاوه ..يعطيكـ العافيه_~

ياحياتي كسرت خاطري هههههههههههههههههههههههههه
شفت الغثا بجد هع الف شكر لك على الموضوع

اقتباس: المشاركة الأصلية كتبت بواسطة صمتــــي ذبحنـــــي    ههههههههههههههههههههه مسكيييييييين وجعني راسي من صجتهم >>هع تأثرت.. مشكوووووره اخر شقاوه ..يعطيكـ العافيه_~

هههههههههه
الله يعافيك ..
ومنوره الموضوع يالغلا..

اقتباس: المشاركة الأصلية كتبت بواسطة دحوم99    ياحياتي كسرت خاطري هههههههههههههههههههههههههه شفت الغثا بجد هع الف شكر لك على الموضوع

هههههههه والله صادق من جد ينرحم من صجة هالبزران..
والعفوووووو..
ومنووور يادحوم..

هههههههههههههههههههه
صدعت وأنا اقرأ وشلون لو أنا ساكنه جنبهم
مسكين عايش في مأسآة
ذكرتيني بقصص من وحي الخيال
تسلمين شقآوه على الطرح الروعه

ههههههههههخخخخخ

خخخخخههههههه

توقعته بينشد أبلا منيره ياعيوني

يسلموو حلوه توسع الصدر

اقتباس: المشاركة الأصلية كتبت بواسطة الراقيه    هههههههههههههههههههه صدعت وأنا اقرأ وشلون لو أنا ساكنه جنبهم مسكين عايش في مأسآة ذكرتيني بقصص من وحي الخيال تسلمين شقآوه على الطرح الروعه

هههههههههه
الحمد لله انك منتي ساكنه جنبهم ..
الله يسلمك من كل شر..
ومنوررررره الموضوع بوجودك..

اقتباس: المشاركة الأصلية كتبت بواسطة الأمــــــــــل    ههههههههههخخخخخ خخخخخههههههه توقعته بينشد أبلا منيره ياعيوني يسلموو حلوه توسع الصدر

ههههه .. حلوه ذي توقعتيه ينشد ..
الله يسلمك .. وانتي الاحلى ..
ومنوره بوحودك يالغلا..