|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| بحرالحكايا يهتم بالقصص و الروايات العربية و الاجنبية |
آخر 10 مشاركات
|
|
|
أدوات الموضوع |
23 / 04 / 2010, 17 : 01 AM
|
#1 | |
|
تميراوي فعال
|
من وحي الخيال 7
مساء الخير ،، هالمره ودي أتخيل نفسي ( جهاز جوال ) و خلونا نشوف نماذج و عينات من أصحاب الجوالات وطريقة إستعمالهم للجوااال أنا جهاز جوال جديد توه نازل السووووق .. طبعاً محلات الجوالات أشترت كميات من نوعيتي لأن عليها أقبااال شديد من الناس ومن ضمن هالكميات ( أنا ) .............. بقولكم سالفتي وأنا في المحل ومعاناتي مع بعض هالناس اللي يدخلون المحلات وينفضوون ابو البضاعه اللي فيه ويطلعووون ما يشترون شي ... وصلت لمحل من محلات الجوال في الرياض و صاحب المحل الله يجزاه خير ما قصرر رازني في كاونتر العرض و وجهي على الباب عشان كل من دخل يتمقل فيني ويتميلح كنت جالس بمكاني في كاونتر العرض أقشر في أظافيري من الطفشششش أحتري زبوون ياخذني ويرحمني من قررف هالزباااين دخل شاايب مسكييين لا حول له ولا قوووه نشبت له بنته إلا تبغا جواال مثل صديقاتها ... وقفوو قدام الكاونتر وكانو يطالعوني من القزازه اللي فووق و بطن هالشاايب لازق بالقزازه اللي قدامي و فنيلته مرتفعه من كبر كرشته وسررره باااين  يعععع سد نفسي قسم بالله ... المهم أنا رافع راسي وأشوف اصبع البنت تأشر على الأجهزة اللي حووولي وأنا أدعي الله إن الله يعميها عني ولا تشوووفني لأن جدتي إذا بغت تدعي على أحد غاثها من عيالها تقول : جعلك تطيح في يد بنت !! بصراااحه ما كنت ادري ليييش جدتي تحسب إن هالدعووه شيينه ... لكن بعدييييين عرفت إن دعوة جدتي شيييييييينه من جد بتجيكم ساااالفتي مع هالدعووه قريباً ... المهم أنا قمت أتصبب عررق وأنا أشوف أصبعها وهي تأشر علي وتقول : بكم هذا الجوال ؟ قمت أدعي الله أنها تهووووون ولا يصير ابوها طفراان ما معه قيمتي وما يشترريني لهالنشبة وقدر الله علي و صاحب المحل فتح باب الدرج و مسكني وهو يقول : هذا جوال جدييييييد نوووكيااا توووه نازل السووق صراااااااااااحه أنا أغمي علي ... قلت عز الله أن دعووة جدتي جت فيني .. قامت البنت تقلبني في يديها و تفتح شنطتها وتحطني في الشنطة وتسكر علي !! وأول ما سكرت البنت شنطتها علي .. إلا وأسمع واحد يضحك جنبي .. وألتفت أدور من هاللي يضحك .. وألقاه جوالها القديم قاعد يضحك علي ويقول : عز الله إنك طحت ولا أحد سمّى عليك أنا بصرااحه في قمة ذهولي .. وش هالبنت المطنووووخه اللي على طوول نطلتني في شنطتها بدوون ما تعرف سعري ولا حتى أنتظرت صاحب المحل يقولها السعر .. يعني شاريتني شاريتني الله لا يعووق بشررر المهم التفت على جوالها القديم وقلت له : ياخي أحسسسهم طفارى ... من شفت سر أبوها وكرشته وأنا حااس أنهم يبغوووني أقسااط قام يضحك وقال : هي بتشووف إذا أنت قدّ شنطتها ولا لا انا بصراحه طاارت بوهتي وقلت : يعني اذا شرتني هالغثيثة بقعد طول عمري بالشنطه مانيب طالع منها لو دقايق اشم هوااااا ؟؟؟؟ تووو جهازها القديم بيتكلم .. إلا وأسمع سحااب الشنطه ينفتح و تمسكني هالبنت بيدها وتنطلني على الطاااوله بقووه وهي تقول : يععععععع من زينه عااد بألفين وخمسميه ؟؟ وش فييه عشان يصير غاالي قسم بالله إني بغيت أتفل في وجهها .. الشرهه مهيب عليك انتي ..الشرهه على صاحب المحل اللي معطيك وجه أصلاً ... الله يقطع شكلك أنتي اللي من زييينك وشنطتك اللي مافيها إلا مشط ملياان شعر و مناااديل لف حق حماماااات و ذاك الجواال المهرررقل يخب عليييك يالماصله المهم إني قلت الحمدلله إني صرررت شييييين قسم بالله من شمّ ريحة شنطتك المخيييسه ما رجا منك خير ... ورجعني صاحب المحل لمكااني وأنا في قمة سعادتي إني أفتكيت من هالغثيييثه وأبوووها المااصل ***** شوي و تدخل المحل وحده دبا ما قدرت تدخل من باب المحل إلا يوم صاحب المحل فتح لها النصف الثاني من البااب ويووم دخلت وعينك ما تشووف إلا النووور معها بزر يا فيه غثاااااثه و بثااااره أووول ما قرربت من كاونتر العررض إلا وهي تنطل جسمها ذا الرشييق على الكاونتر قسم بالله حسيت أن جانا زلزاال .. كل شي صار يهتزززز حتى فيه جوال ( سوني اريكسون ) مسسكيين بجنبي كان ناايم في سابع نووومه صحى من الرووعه وهو يقول : يا حاافظ أحفظنا .. ياحافظ أحفظنا المهم هالبزارين يقالك عااقل واقف بجنب امه ويناظر فيني و ( ينغف ) الله يقرفه حووم تسبدي .. المهم انه ينغف و يجرجر في عباية أمه ويأشر علي ويقول : يمه شوفي ذا مثل جوال خالتي هيا قسسسم بالله أني حقدت على هالبزر .. من زيينك أنت وخالتك هيااا عشان أمك تشتريني ؟؟ امه طلّت علي وهي تقول : وخر فيييذاااااااااك خلني اشوووووف قسم بالله من كثر روعتي من عيووونها صار يبغالي برمجه من جديد .. وهي اللي تطلع جوالها وتدق على هيااا .. الووو .. هيّيا <<< يقالك دلع هيا هييّا اقوولتس لقيت زي جوالتس بغيت أشتريه بس لونه ما اعجبني بصرااحه ساعتها بلغ السيل الزبى مثل ما يقولون .. صرخت وقلت : من زين لونتس عاااد ؟؟ ترا هالبياض اللي طاالع من البرقع من كريمات التبييض ولا لو تفتشيين قسم بالله ما ادري انتي فاتشه ولا متغطيه من سواادك يالعبده .. يقاالك تتميلح قدام هييّا وبتشتريني وأنا من يووم شفت فنيلة ( الإتحاد ) اللي لابسها ولدها وانا داري إنها توها مستلمه الجمعيه اللي داخلتها مع هييّا و حريم الحااره و قطتهم ( 50 ريال في الشهر ) ومن أربع سنين توها يجيها الدور من كثر الحريم في الجمعية ... المهم ربك ستر هالمررره و صارت ما أستلمت باقي الجمعيه من بعض الحريم وما كفت فلووسها عشان تشتريني ******************** دخل للمحل ثلاث بنااااااااااااااااااات وش رزّه وش قواام رشييق قسم بالله بغيت أرفع يديني وأقولهم اشترووني وأسوي لكم تخفييض إلا و وحده منهن ترمقني بنظرة سلبت مني الفؤاد ومن قوة نظراتها حسيت بالذاكرة حقتي تنبض و تزيد نبضات ذاكرتي ... وهـ بس <<< تحسوونه جوال صايع صح خخخخخخخ المهم البنيييه قامت تطالعني بصراحه انا أستحيت من نظراتها المخجله  وقربت مني تناظرني وأبتسمت و نادت صديقتها بشويش وقالت لها : تعالي شوفي ذا الجوال الخوقااقي بصرااحه كلامها هيييج مشاعري و بغييت أخق معهن صدق هههههههههه البنات كلهن أجتمعوا علي .. اللي تقول : يهبّل .. والثانيه تقول : واااااااااااااااااااااو .. والثالثة تقول : أبشتريه الشهر الجاي اذا طلعت مكافأة الجامعه ... ولأول مره في حياتي أشعر بـ ( أنوكيتي ) و بأني من سلالة نوكيا العريقه  بس فيه وحده منهم حسبي الله عليها .. قالت : هذا الجوال مع صديقتي نوال في الجامعه تقول إنه بايخ ويعلق كثير ،، غالي ع الفاضي قلت : خليك محضر خير و لا تطلعين إشاعاات يا ( بطه ) .. البلا في صديقتك نوال بقررره ما تعرف تستخدم التقنية الحديثه و بسبب كلامها هالبنااات المملوحات صرفوا النظر عني وكل وحده فيهن راحت تشتري ( وجه جديد ) لجواالها و أنقهررت من نواال هذي الله يااااااااخذك يا نوااال .. انتي مو كفوو جوااال أصلاً أنتي حدك كاااسييين يربطووون بينهم سلك واحد معك في الحوش والثاني مع أخوك الصغير في الصاله وتكلموون بعض وطلعوا البنات من المحل وكان ودي أقولهم : تخب عليكم جوالاتكم يالماصلاات .. وانتي يا أم مكافأه ما ودك الشهر الجااي تشتريني يمكن أصير أرخص ؟ بس ساحبين على مندووبي سحباً مبرحاً ... بصراحه كنت مستغررب ليش ما أشوف شباب ؟؟ كل اللي قابلتهم بناات لييييش ؟؟ وبعديييين عرفت السررر .... للقصة بقية
|
|
جميع قصص من وحي الخيال  دائرة مستقيمه لنجعل لحظات الإنتظار مليئة بالإستغفار ( أستغفر الله الذي لا إله إلا هو الحي القيوم )
|
|
23 / 04 / 2010, 06 : 02 AM
|
#2 | |
|
تميراوي نشيط
|
رد: من وحي الخيال 7
خخخخخ كمل كمل روعه القصة الا وش نوعك انت لايكون بلاك بيري
|
|
|
|
23 / 04 / 2010, 15 : 02 AM
|
#3 | |
|
تميراوي فعال
|
رد: من وحي الخيال 7
طبعاً شفت نماذج كثيره نسأل الله العفو والعافية وكان ودي أقولها لكم .. لكن قوانين المنتدى لا تسمح بذكر ما هو مخل بـ ( الشرف ) و المحلات بأنواعها وبأختلاف نشاطها تشهد تمايع البناات فيها عشان تاخذ هديه جوال أو تخفيض على أي سلعه .... الخ وما خفي كان أعظم المهم دخل للمحل رجال و حرمته .. الحرمه ماسكه يد زوجها ومتعنقطه فيييه وشكلهم كـ ( طيرين كنااري ) و طيور السعادة ترفرف بينهم .. الحرمه شافتني وشكلي عجبتها خخخخخخخ وقلت كودها تشتريني وأشوف وشلون عايشين بسعااااده .. حسيت أن الحرمه شايلته من الأرض شييل و الرجال ما يقول لها إلا : لبيه و سمي يا عمري بس أول ما وصلو الكاونتر سمعت الرجال يقول للحرمه : ترا ما معي إلا ميتين رياال .. الحرمه قامت تتأفف وتقول : وش فيك انت ؟ مافيه جوال الحين بميتين .. قال الرجال لصاحب المحل : دورلي جهاز رخيّص ... قامت الحرمه تطالعني وتتمايع وتتدلع قدام زوجها وتهمس له يقالك بتأثر عليه وتقنعه << كيد الحريم خخخخخخخ وشكل زوجها رحمها وأشر بيده علي وقال : بكم ذا ؟ صاحب المحل : بألفين وخمسمييييه ألتفت الرجال على حرمته وقال : لو أبيعك أنتي وأهلك ما جبتو خمسمية ريااال صرخت الحرمه وقالت : وش قصدك ؟؟ الرجال : قصدي أن ما في جيبي إلا ميتين رياال تبغييين تشترين جواال بميتين ريال ولا خلينا نرووح بس انا ورااي شغل قامت الحرمه : مانّن علي بهالطفسسسسه يالبخييل عصّب الرجال وقال بصوت عالي: أنا بخييل ؟؟ .. إسمعي يا بنت الكـلب إتصلي على أبوك و وصفي له المحل لأنك طالق طالق طالق .. ويطلع الرجال من المحل ويخلي حرمته لحالها في المحل وأنا بصراااحه مصدووم ... ووووين طيرييين كنااااري و وووين السعاده ترفررف حووولهم !!! والله هذولااا السعادة أصلاً ما تدلهم ولا تعرررف بيتهم ووينه فيه حسيت بتأنيب الضمير لأني السبب في هدم كيان اسره .. جاني إنهيار عصبي من هالرجااال قلت لصاحب المحل : ياخي رجعني للوكيل خله يخليني ( رجييع ) أرحم لي ياخي .. قسم بالله عقدتوني و زباينكم لكن الحمدلله .. أنقذني الله بشااب لطيف و حبّوب و إشترااني وفكني من غثا الزباااين بس يوم أخذني معه بكييس وطلعنا من المحل .. قلت ليتني في المحل أبرررك للقصة بقيه
|
|
|
جميع قصص من وحي الخيال دائرة مستقيمه لنجعل لحظات الإنتظار مليئة بالإستغفار ( أستغفر الله الذي لا إله إلا هو الحي القيوم )
|
|
23 / 04 / 2010, 25 : 02 AM
|
#4 | |
|
تميراوي نشيط
|
رد: من وحي الخيال 7
تصدق اني رحمة الحرمة وش هالبخيل فيه احد يشتري جوال ب200 سلامات
خخخ كان خفضت سعرك علشان يشترونك مو تهدم حياتهم بسبتك الله من الدعاوي بتجيك |
|
|
|
|
23 / 04 / 2010, 32 : 02 AM
|
#5 | ||||||||||||||||||||||||
|
تميراوي فعال
|
رد: من وحي الخيال 7
خخخخخخخخخخ وش أسوي فيكم يالحريم أنتم اللي تاخذون رجاجيل مهابيل يطلقوون من أول مشكله كأن الرجال ينتظر من حرمته الزله عشان يفتك منها والحررررمه بعد لازم تراعي ضروف زوجها الماديه وتعيش بحسب قدرته عموماً أبشررررك .. الرجال وحرمته بيرجعون لبعض لا يضيق صدرك .. لأن الطلاق لم يقع خخخخخخ <<<< ما عاقت الفتوى معه  اسعدتني مشاركتك وتفاعلك دمتي بخير |
||||||||||||||||||||||||
|
جميع قصص من وحي الخيال دائرة مستقيمه لنجعل لحظات الإنتظار مليئة بالإستغفار ( أستغفر الله الذي لا إله إلا هو الحي القيوم )
|
|
23 / 04 / 2010, 47 : 02 PM
|
#6 | |
|
تميراوي فضي
|
رد: من وحي الخيال 7
كمل في انتظار البااقي لاتطول ’’
|
|
|
|
23 / 04 / 2010, 09 : 03 PM
|
#7 | |
|
اللجنة الإدارية
سفير الرحالة العرب
|
رد: من وحي الخيال 7
عليك وصف خياااالي يالدائرة ..
تصدق من زين وصفك غديت كني أنا جوال السوني الاريكسون اللي نايم قي سابع نومه .. أبنظلك مثل ما نظلت طيور الكنااااري .. يالله قمنا نترنح في كيس هالشاب اللي شراك .. نبي نشوف وش يصير .. وبعدين تراااا عند تشفير في بعض الشيء .. اشششششششششششششششششششششششش يعني إلا بغيت تقول شيء انتقل للقناة الثانية .. متابعين ومستمتعين ... |
|
|
|
|
23 / 04 / 2010, 16 : 04 PM
|
#8 | |
|
المستشارة والقآئمه بشؤون العنصر النسآئي
|
رد: من وحي الخيال 7
اليوم قصتك غير
من كثر ماتخيلت اشكآل الناس اللي داخله وطالعه من المحل اكثر ماشدني من هالناس الدبآ وتمنيت انها اشترتك عشان اشوف وش تسوي فيك هههههههههه الله يوسع صدرك بالعافيه مثل ماوسعتها هالعصريه متابعه وبأنتظآر بقية القصه بشوق |
|
|
اللهم صل وسلم على نبينا محمد♡
|
|
23 / 04 / 2010, 39 : 04 PM
|
#9 | |
|
تميراوي سوبر
|
رد: من وحي الخيال 7
نحن في انتظار بقية القصه على احرمن الجمر
لاتبطي علينا ياالدائره |
|
|
|
23 / 04 / 2010, 04 : 09 PM
|
#10 | |
|
المشرف العام
مؤسس منتديات تمير 
|
رد: من وحي الخيال 7
يعطيك العافيه اخوي دائرة على هالقصص المميزه
وشديتنا معها بقوة كل ماحولت اطلع قلت بكلمها عز الله انك كاتب كبير والله يوفقك |
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
