صور من حياتنا بين الامس واليوم

السلام عليكم

وين كنا ووش صرنا !!

وش صرنا بعد ماكنا !!

ووش بيصير بعد اسنين !!


كنا نقول لاتقابلنا السلام عليكم وهالحين هاااااى هالووووو برذر
كنا نقول بمان الله والله يحفظك وهالحين نقول تشااااو وتيك كير
كنا نقول هلا حياك الله اقلط وهالحين نقول اتصل على قبل لا تجي
كنا نتفاخر عندنا جد وجدة بالبيت و هالحين صار فيه دار للعجزه والمسنين
كنا نقول تفضلوا للعشاء انتم والأهل وهالحين نقول ممنوع اصطحاب الأطفال
كنا نفرح اذا قالوا عنا ونعم رجل وهالحين نفرح اذا قالوا ونعم بس شكل الثانيه بدت تخوف
كنا نفرح اذا تعشينا من برا البيت وهالحين نفرح اذا تعشينا من البيت
كنا نفطر ونتغدى ونتعشي جميع وهاللحين وهالحين زين اجتمعوا اثنين
كنا ناكل مرقوق وجريش وهاللحين مكرونه اسبكتي أو بالباشميل
كنا نعرف طعم الفاكهة زين وهالحين الخيار بالثلاجة ويطول شبرين
كنا زمان نلاحق الكوره وقول المغرب بعشرة وهالحين قول المغرب والعشاء همبرقر
كنا طموحنا نلعب بالشارع وهالحين طموحنا اللعب بالشات والميرسي
كنا طموحنا ندرس بالمدرسة السعودية وهاللحين الأهلية من غير السعودية
كنا ندرس كل طالبين بطاوله وهالحين كل طالب له طاولتين
كنا طموحنا نصير طيارين وهالحين طموحنا وظيفة تأكل عيش
كنا نفرح اذا جاء المطر وسالت الشوارع وهالحين اذا امطرت ندوّر وين الشارع اللي ماسال
كنا نفرح اذا نزل البرد والمطر نشرب ونقرمش وهالحين نشرد لا يوسخ ثيابنا
كنا نفرح بالشتاء تشب النار ونشوى بطاطا وجراد والهلحين دفايات ونشوى كستنا
كنا نفرح بالصيف نسبح بالقلبان ( ابيار) وهاللحين ندور فندق خمس نجوم نسبح فيه
كنا نفرح اذا قالوا لنا قربت الاجازه وهالحين نص عيالنا وبناتنا بإجازه على طووووول
كان يهرب التتن لنا تهريب وهاللحين اعندنا إدارة مكافحة المخدرات
كنا نقول فلان مانبيه يعرس على بنتنا لانه يتتن وهالحين نقول عسى مهوب راعي مخدرات
كنا نفرح بعروس الصيف ونطق الخيام وهاللحين قاعت ليلتي وطق الباب
كنا بعد العشاء نطق الطار بعرضه وعقبها سامرى وهالحين اقضب الجاده
كنا نلعب بليالي الصيف عظيم سرى وهاللحين نلعب بلاى استيشن
كنا نكشت ومعانا الجيران كلهم وهاللحين نكشت وجرانا مادروا حنا ويييييين
كنا نكشت عند المطاااار وهالحين برضو نكشت بس عند بعييييييد وكل مالنا نبعد
كنا نتغربل في السفر من ديره لديره ونعود سالمين وهالحين نسافر بس تغربلنا البعارين
كنا إذا رجعنا من السفر كل الحاره عندنا يجتمعون وهالحين بعد يومين جارك يقول متى الوصول
كنا نفرح إذا جاء العيد ونشعل جذوة النخل ونسمر عليها وهالحين نسمر مع الشروخ والصواريخ موذين الجيران وخلق الله بالطريق
كنا عقب صلاة العيد ننتقل من فطور عيد لفطور ونشوف كل الأهل والجماعة وهالحين العيدية صارت رسالة جـوال...
وكل عيد وأنتم بألف خير..
كنا نسمي الغزو اعتداء وهالحين نسميه تحرير
كنا نقول للكافر عدو الله ورسوله وهالحين نقول عنه الصديق والحليف
كنا نخجل من وجود الكفار بديارنا وهالحين نفخر انهم بأرضنا ويحمونا
كنا نأخذ الجزية من الكفار وهالحين ندفع لهم ثمن تقتيل شعوبنا
كنا نمتنع عن قتل الطفل والشيخ والمرأة وهالحين نصفق للكفار وهم يقتلون اطفال العراق
كنا نرفع الرأس ونقول عرب وهالحين نرفع علم امريكيا وننكس الرؤس
كنا ندافع عن الجار والديار وهالحين نطلبه يسلمها للكفار
كنا يقال لنا عرب ارجال وهالحين عرب اذناب


كنا وكنا وكان زمان والله يرحم أيام زمان

اخوكم / ريسوو

من جد كل شي تغيير 180 درجه ..

والله مدري وش اقوول .. والله يستر من الجآي ..

يعطيك ربي الف عآفيه عالطرح القييم ..!!

وننتظر ج ــديدك ..

لاهنت ~

شتآنْ بينْ الآمسْ واليومُ
طرحَ جميلَ
شكراً لكَ

اقتباس: المشاركة الأصلية كتبت بواسطة عيونه    من جد كل شي تغيير 180 درجه .. والله مدري وش اقوول .. والله يستر من الجآي .. يعطيك ربي الف عآفيه عالطرح القييم ..!! وننتظر ج ــديدك .. لاهنت ~

والله انك صادقه في هالشي ماقول الا الله يردنا للصواب ويبعدنا عن شر الدنيا ومافيها متشكر لك دوووم وانتظر التقييم من الجميع لاهنتي يالغلا على هالتواجد في صفحتي .
ودي لك ولحضورك الافت

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    شتآنْ بينْ الآمسْ واليومُ طرحَ جميلَ شكراً لكَ

العفو وماعلينا الا نقدم الواجب للغالين دووم