شكراَ لكل من صوت لي ..

بسم الله الرحمن الرحيم
السلام عليكم ورحمة الله وبركاته



اخواني الاعضاء و القائمين على نجاح هذا المنتدى الجميل
اشكركم على تفاعلكم وعلى روحكم المعنويه
كما لا انسى ان اشكر كل اخواني المتسابقين فالكل هنا فائز والحمد لله يكفي ان هذي المسابقه قد عرفتنا
على اعضاء جدد ..
ووجود متابعين كثر حتى من خارج البلد ..
ولو اقول لكم انها وصلت لمسؤلين ومدراء
حتى انه قبل أمس وقفت عند الخبازلأخذ خبز واذا بأحد مدراء احد الدوائر الحكوميه يقول وش فطورك ...
اذا ربيان جيت افطر معك .. بعد ذالك اخبرني بأنه من المشاهدين لهذي الساحه..
وكما لاانسى الاخوات العضوات اللآتي اعطنا فرصه للدخول الى المطبخ ..
لكن يبقى هذا اليوم هو يومنا نحن الشباب.
وشكلكم يالحريم متفقين علينا اننا نفوز عشان ندخل المطبخ ههههه
من ناحيتي انا ابشروكل ما صنفت علي دخلت
والموادع اكيد انه يدخل قبل كذا والدليل انه متكتك في شغله ومعلم كيف يسوي الطبخه
اما فوق مستواك شكله حريف طبخات وحركات حقات المطاعم
راح اجرب طبخك يا فوق مستواك والله انها على بالي الى الحين
... والمهند ما شاء الله عليه اتوقع يدخل المطبخ اكثر منا بس مهوب يعلم والدليل ضبه الي عقب العام
الي فضحه وحمسه وخلاه يشتغل.. بس لعد تجيب كانك تبي تفوز
فأنا أوأكد وبجداره ان هذا التصويت الذي كسبناه هو آت لنا لتشجيعنا نحن الشباب للمشاركه ومساعده ---> في المطبخ ..
وفي الاخير احب اشكراختي الوفاء بنت على جهودها المبذوله في هذا الصرح الجميل واشكرها على نجاح هذي المسابقه التي فعلاً استمتعنا بها فكلمه شكر قليله في حقها ..

اشكركم من كل قلبي وتصويتكم لي يعتبر وسام غالي على صدري

ننتظربقيه النتائج

والله يوفق الجميع..

تحياتي لكم.....

العفو يابو حمد وأنت تستاهل وأحسك أكثر واحد تعب في هالطبخه
لذالك صوتنا لك.....


والف مبروك مقدماً.
والله الله لاتنسانا من هالربيان؟

مبروك يا أبوحمد الفوز وتستاهله من غير قصور في الآخرين لكن الربيان غير والطبخة فلة

فالك البيرق

الله يوفقك يابو حمد وانت تستاهل
وعلى قولتك اهم شيء دخلتوا المطبخ وطبختوا
لا ومو اي طبخ فنانيييييييييييين
الله يعطيك العافية والمتسابقين اجمعين

مبروك ابو حمد
وعقبال اجتياز المرحله الاخيره والحاسمه
وبالتوفيق

مبروك لك يا أبوحمد هذا التقدم في التصويت

الف مبروك ياابوحمد الفوز بالتصويت وباقي المرحله الاخيره
وكسبتا جمهور كبير من خلال الربيان المفيد للشياب خخخخ
بس الله يعافي المعرفات الجدد الي صوتت لك
باقي التصويت الاخير من الاداره وان شاء الله الكل فايز

وين ... وين ...يا أبوحمد ...
المسابقة ما انتهت ..
وتوقعاتي إنك تصير مثل الفراعنة المرحلة الأولى هو الفائز والمرحلة الأخيرة صار الخامس .. يعني الخامس يبي يصير الأول ...
وبعدين فيه صوت خذته مني عنوه وإما رجعته ياويلك ...
على العموم أهم حاجة الأخلاق ... ونقول للي فاز تستاهل واللي ما فاز حظاً أوفر والجايات أكثر .. يكفي التفاعل وقرقعة المواعين اللي صارت في هالساحة ... والله يجزى الجميع خير دخلتونا المطبخ هنا وهناك ..

كل الشكر للجهود التي بُذلت ... من الجميع ..

مبروك ياابو حمد
تستاااهل كل خير

اقتباس: المشاركة الأصلية كتبت بواسطة ابو منيره    العفو يابو حمد وأنت تستاهل وأحسك أكثر واحد تعب في هالطبخه لذالك صوتنا لك..... والف مبروك مقدماً. والله الله لاتنسانا من هالربيان؟

الله يسلمك ابو منيره ويجزاك خير وما ننحرم منك ومن وجودك..
وابشر بسعدك بزينه واجيبه ههههه
تحياتي لك..