الى متي قطع لاشاره

مسيكم بالخير ياجمعت الربع وشلونكم
يا أهل تمير الي صار لي اليوم لا زم تشوفون له حل
انا من زوار مدينه تمير واول ما جيت وقفت امام الاشاره يوم خضرت مشيت ولاكن وللآاسف فيه سيارتين قطعات الاشاره كالعده بس هل مره غير
والسبب اني شفت سياره احد العماله الوافده يقطع الاشاره فستغربت ولحقت به حتى وقفنا عند الاشاره الثانيه فقتربت منه وقلت له يالحبيب تراك
قاطع الاشاره. واذابه مصري وقالي (وماله مكل واحد يقطع الاشاره ) وهو مبتسم وانا منذهل منه
معقووووووول وصل التسيب والاستهتار بالارواح

وانا من هذا المنبر اناشد رئيس الشرطه لوضع حل لهذه المشكله
مع انه والله كم مره الي اجي لتمير والوضع على ماهو عليه وصرت اذاولعت الاشاره عندي امشي بشويش وخايف من هلي يقطعون الاشاره لا والمشكله انه يقطعها وهوكاااااافخ ام الدعسه طيب ليه وش عندك
ياخي اذا ماانت تخاف على نفسك الاخرين يخافون على ارواحهم (العمر مش بعزئه )
الله يهدي شباب المسلمين لما يحبه ويرضاه
والسلام عليكم ورحمه الله وبركااته

وعليكم السلام ورحمه الله وبركاته ،،
حياك الله ياراعي الحصون ،،
تمير وينها فيه ذي الي تتكلم عنها .!!!
عندنا بتميرنا مانشوف هالشي وحنا من سكانها .

ياخوي احمد انا ماقد شفت احد يقطع من هالوافده ابدا

يارجال بعض رجال الشرطة

لاصاروا عند الإشارة ولع السفتي وقطعها

وإذا تعداها طفاهـ ولا كن شيء صار هع

الله يهدي الجميع بسسسس

المفروض تخلي عنوانك الى مته اشاراة ياهل تمير

نبي دوارات بدل الاشارات
انا ياوحد الصدق ماقد وقفت عندها بس ماعليكم اقطعها بشويش بشويش بعد مامشط المنطقه من الماره والتاكد من خلو المنطقه من الشرطه ^_^

إلا أنتم اللي وين عايشين فيه

صادق أخوي ولد الحصون

إلا عندنا في تمير مال للإشارة أي إحترام

المعروف إن الإشارة ما يقطعها إلا المراهق

لكن عندنا في تمير

يقطعها الوافد

والشايب

والمطوع وغيرهم

بعدين

ياليت يكون عندنا شوي أدب مع الآخرين

خمس إشارات عشوائيه في تقاطع واحد
لو كان مكانها دوار كان ريحت البلد والشرطه
شوفو شقرى والمجمعه

اشارة تقاطع جسر الخليج مع صلاح الدين(الستين) من الاشارات الكبيرة في الرياض .. انا اوقف فيها كل يوم ما ازمل لها مثل ما ازمل لاشارة الملتقى!!!
(انا عندي احساس ان اللي مركبها عبقري خاصةً الوقت والترتيب؟؟؟؟

والله انكم صادقين المفروض شي اسمه اشارة يشال
وبعدين يالحبيب الشرطة ماهي فاضيه
عندها مشاكل غير هالاشاره
وبعدين وش دخل الشرطه
وين هالمرور
الشرطه شارع الثلاثين وعساها
ما اقول في الاخير الا الله يعين اهل تمير
على مصايب غيرهم

اخي ولد الحصوون انا اتفق معك ان هناك قطع الاشاره من المراهقين والاجانب والشيبان ....بل ليس في تميرفقط انما في جميع الدياروالقرى وفي سدير خاصه!!!!