مشارك (طبخت ابو حمد احلى واحلى ادخل وشوف

بسم الله الرحمن ارحيم

السلام عليكم كيفكم يا اعضاء اليوم جبت لكم طبخه
البعض يحبها والبعض لا لكن الاكثريه يحبونها..
الا وهي ---> حمسه الريبيان على الصاجه مع البصل والطماط..
الصراحه جونان تاكل اصابعك وراها وخاصه اذا كان الريبيان طازج وتوه مقشور..
عشان ما اطول عليكم خلونا نشوف..

اول شي حمس البصل مع شوي دهن في الصاجه ..



مثل ما حنا شايفين البصل بداء يحمربالشكل هذا---> شكلي بغطي على البرنامج
الي يجي في التلفزيون



نجيب الريبيان ونحطه في الصاجه ونحمسه مع البصل ونقلبه شوي..





نضع الطماط ونخلطه مع الريبيان
ونقلبه مع الملح الناعم ونغطيه شوي عشان يستوي وتكثركميه الماء فيه..



والحين هو جاهز للأكل ...



وتقدمون معه بعض من البقليات مثل الخس والجرجير وغيرها
وايضاَ بعض المشروبات الغازيه اوالعصيرات..
الله يحييكم على شغل ابـو حـمـد..
وبالعافيه عليكم.
والله الله عاد لا تنسونا يا الشباب خلونا نغطي على البنات ونفوز عليهم في الطبخات..



قبل اطلع من الموضوع بعطيكم فكره عن الربيان..

يحتوي الريبيان على بروتين يعادل تقريبا 7 جرامات
لكل 30 جرام من وزن الروبيان، ويحتوي على دهون كذلك بنسبة 7 جرام لكل 30 جرام أيضا،
ونسبة السعرات الحرارية تصل إلى 70 سعرة حرارية، ويحتوي على نسبة عالية من الفيتامينات
التي تذوب في الدهون وبخاصة فيتامين E، ونسبة أقل من فيتامين ألف، ونسبة قليلة جدا من فيتامين سي.
ومن ناحية الكولسترول فالنسبة عالية نسبيا؛ لذا ينصح مرضى ارتفاع الكولسترول بعدم الإكثار
من تناول الروبيان، ومن مكوناته يظهر لك أن له فائدة غذائية عالية لمن يعانون من مشاكل التغذية،
إلا أن المشكلة أحيانا تكمن في أن البعض قد يعاني من مشاكل التحسس للمأكولات البحرية بما فيها الروبيان

تحياتي لكم...

ابوحمد ،احذف الموضوع شوري عليك احذفه .

اقتباس: المشاركة الأصلية كتبت بواسطة نسيم    ابوحمد ،احذف الموضوع شوري عليك احذفه .

وراه يا نسيم وش فيك يا نسيم وش العلم..

اقتباس: المشاركة الأصلية كتبت بواسطة أبـوحـمـد    وراه يا نسيم وش فيك يا نسيم وش العلم..

وش خليت من الزين وش خليت للي عقبك .صراحة ماشافت عيني مثل هالطبخة ذبحني الجوع .انا خايف عليك من العين .الله يستر عليك .

دوك هالدهن رايب .ليتك والله مناديني .

ماشاء الله ياابو حمد وش هالحركات
طبخه باين من شكلها انها لذيذه
تسلم يدينك يارب
ويعطيك العافيه وفالك الفوز ان شاء الله

ماشاء الله عليك ياابوحمد وش الشغل النظيف
ولو شجعتني انزل الطبخه الي ضبطها
بالتوفيق للشباب وان شاء الله يحالفنا الفوز
دمت بخير

مشاء الله
وش هالزين ياابو حمد
ان شااء الله الفووز لكـــ

حنا معك يا ابو حمد , اذء صارت الدعوة تصويت ^.^

شغل عدل ماشاء الله بالعافية , وفكرك حلوة
تطلع عن الروتين ,

اقتباس: المشاركة الأصلية كتبت بواسطة نسيم    وش خليت من الزين وش خليت للي عقبك .صراحة ماشافت عيني مثل هالطبخة ذبحني الجوع .انا خايف عليك من العين .الله يستر عليك .

تصدق عاد توقعت تبي تسبني بس اشوى ويخسى الجوع ووعدك باكرنسوي مثل هذي
في المكان الي انت خابره والله يستر على الجميع ان شاء الله..