الشايب والمصريه ^_^

بشرونا بالصحـافه عن علاج جديـــد = ينعش الأبـدان ويرجع الشايب ولـــــد

قلت فرصة شايبي له زمن مايستفيد = من كبر سنه يعاني وروح بلا جسد

له سنين منعزل لا شقي ولا سعـيـد = كل ما شاف العجيز تثاوب ثم رقـد

مابيده حيلة وانتهى منـه الرصيــد = العظام مهلهله والعروق بهــا ســــدد

بندقه ماعاد تنفع ولا تقدر تصـيـد = والسلاح اللي معه الفشق فيها فسد

قلت أبر بوالدي وأنفعـــه حتى يــعيد = ماضي الأمجاد ويصبح بعيشة رغــد

اشتريت أربع قوارير بألفين أو يزيــد = الحبوب اللي تخلي من الثعلب أسـد

يوم أخذ منها تنافض رجع كنه وليد = وقام مثل الشجاع وقال هذا اليوم عيد

ومن بعد مده قال أنا ودي أسافر للصعيد = من مصر ناوي أفيز لعـمـال جدد

غاب يومين وجانا معه شي فريـد = بنت شمحوطة وبيضاء ومركوزة نـــهـــد

عمرها تسعة عشر عام ماينقص أو يزيـد = اسمها فيفي وابوها عمر عبدالصمد

هام فيها ابوي والحكي ما عاد يفيـد = حلق اللحية وعن ربعه قفا وابتـــعد

صار خاتم في يديها ويفعل ما تريد = واصبحت تتحكم فينا مثــل شيخ البلد

اسلبته المال والعـقل والراي السديد = وبالمقالب والحيل عيشتنا في نكد

طلق أم عيالة اللي لهاساس جويد = وقال طسي ياعجوزالـمشاكل والعقد

من يذوق الكيك مايرجع يفكربالعصيد = وانتى العيشة معك مثل حبل المسد

هانت العشره وخانها عسى عمره يبيد = باعنا بأبخس ثمن وراح عنا مانشد

أعرف إني سبة اللي حصل والله شهيد = جيت أكحل عين محروم وأعماها الرمد

أثر بعض البر وسواس شيطان مريـد = يفسد الأخلاق ويضـــيع الوالد والولد

اقتباس: بندقه ماعاد تنفع ولا تقدر تصـيـد = والسلاح اللي معه الفشق فيها فسد

ههههههههههههههههه
قصيده ظريفه طريفه
تسبب على اميمته
شكرا ابشر بس ماظني يخلونها

اقتباس: المشاركة الأصلية كتبت بواسطة جار القمر    ههههههههههههههههه قصيده ظريفه طريفه تسبب على اميمته شكرا ابشر بس ماظني يخلونها

^_^
وسع صدرك خلهم يحذفون ^_^
فيه عقده نفسيه عندهم هههههه مواضيعي المحذوفه اكثر من الموجوده يادفع البلاء ^_^

ان فكك الله من الحريم ترى الرجاجيل يهونون وخاصة الشياب منهم تبي تجوز لهم القصيده >> معجبته الشايب