((بي خذنّه لابسات الرهافي))

هذه أول إهداء أقدمه لكم في منتدى تمير الشامخ وهي قصيده أرسلتها للشاعر حمد المغامس (( الوردي))
وأترك لكم القصيده لتتحدث عن نفسها والوردي يستال المدح ويستاهل أننا نبرى له

وأستلموها وياهبوب الشمال وصل العلم للذيب الوردي
وياليت ينزل الرد هنيا وقله يسلم عليك ((جمر الغضى ))

هات القلم وأرسل سلامي بترتيب = على حمد سلّمه عذب القوافي
يامرحبابه ماعوى الذيب للذيب = مع مثلها مليون ترحيب إضافي
جتك القوافي وأنت مافيك تجريب = أنت البحر زاخر وحنّا المرافي
ياالوردي أشهد كلّ مابك عذاريب = وعذروبك أنّك للخوي دوم وافي
وأنا أشهد أنك منبعك منبع الطيب = وأنا أشهد أنك طيّب القلب صافي
يااللي كسبت الطيب فعل ومواجيب =و مهما نقول المدح ماهوب كافي
سلطا طيبً مدلهل المعازيب = قرم القروم وبالنواميس رافي
ياالوردي راسي كسوته صارت الشيب = قلبي خذنّه لابسات الرهافي
يالوردي قلبي عذّبته التصاويب = كنّه على شوكً تمشّى وحافي
صابتني سهوم البنات المعاذيب = كلّه سبايب نابيات الرّدافي
والله لولا الله وعن قالة العيب = لاهزهن هزّ الغصون العجافي

((وارث الطيب))

صصصصصصصصصصصصصح السانك

ياوارث الطيب

انت مدرسة شعرية فيك الحب الشامل

نور منتدى تمير بحضورك الكريم

وابشر من يبلغ الوردى الرد قريبا ان شالله

صح لسانك اخوي

والقصيدة جميلة جدااااااا

مشكووور على اتحافنا بها في منتدى تمير


سلام

هبوب الشمال

مسيت بالخير والشرف لنا وصححح بدنك
واستلم ها البيتين العجلات كيبورديه

	ياهلابك ياهبوب أرض الشمال ****** يا عشير الطيب ياوجه السعد ياعذيب الصوت ياقرم العيال ******* والنعم بك والنعم بك من ولد ولاتنسى خل الرجال يعجل بالرد بالقصيده

تنبيه تعديل خطأ مطبعي على البيت الاخير في القصيده

والله لولا الله وعن قالة العيب = لاهزّهن هز الغصون العجافي

	هادي تسلم وصححححح وبدنك مرورك عطر صفحتي المتواضعه ولاهنت

صح لسانك اخوي نورت منتدى تمير بحضورك الكريم

=========

تميراوي الرياض


هلااااابك وصحححححح بدنك


شاكر لك مرورك

يامرحبابه ماعوى الذيب للذيب = مع مثلها مليون ترحيب إضافي
جتك القوافي وأنت مافيك تجريب = أنت البحر زاخر وحنّا المرافي

مـشـاركـة تـشـبـه اللـؤلـؤ فـي بـريـقـهـا

تـظـهـر على مـرافئ هـذا الـبـحـر الـشـعـري المـتـدفـق من مـشـاعـرك أخــوي وارث الطـيـب

صـح لـسـانـك ملايـيـن يالغالي

وطـمـعـانـين بخـواتـها لا هـنـت فبـالـتـأكـيـد لـيـسـت يـتــيـمـة



لك أجـمـل تـحـيـه


وبـنـنـطــر رد أخـوي الـوردي

وارث الطيب

ارحب بك كثيرا وأشكرك على القصيدة المميزة
وبخصوص البيت الأخير
فقد تم تعديله

نرجو المزيد وشكرا

أخوك المحب للجميع

امير الحرووووووف

ياهلاااابك وغلا


وصحححححح بدنك ولك ألف تحيه وتقدير

وشاكر لك مرورك الكريم