|| ----> ( محمد ) : وش بـلاك تحـب شيئـا ماتهيالـك ؟ ||

12 / 02 / 2010, 12 : 10 AM

صباحكم .. مساؤكـم .. طهـر
كما هي آرواحكم تماما
رائعه وحزينه للانيق (محمد الوسمي)

تعبت من التعب مليت من دربـك نسيـت خطـاك
.............................شربت من الضما حتى رويـت وفـاض فنجالـك

ذكرت غيابك اللـي لـو نسـى هالكـل ماينسـاك
.............................يوديـك الغيـاب بعيـد عـن عينـك ويغتـالـك

يـدورّك الحنيـن فذكريـات الـوقـت مايلـقـاك
............................يمرّك كـل ليـل اكثـار نـاس وتسهـر لحالـك

( محمد ) : ليه هذا الحزن في عينك يجيب اقصاك؟
.....................................( محمد ) : وش بـلاك تحـب شيئـا ماتهيالـك ؟

نشف فيك الكلام ورحت من صمتك تصـب شفـاك
..............................غدر فيـك القصيـد اللـي تقـول وراح ماقالـك

ملل نومك .. ملل يومك .. ملل دومك .. وماادراك
.............................مواويلك .. سهر ليلك .. يبـي يشيلـك ولا شالـك

وسع ضيقك .. نشف ريقك ترتل صبحك لظلمـاك
...............................تعبـت تهمّـك احـوال العبـاد وتهمـل احوالـك

تسلـل مـن ورى بـاب السنيـن لذاكـرة شبـاك
...............................يساورك المـدى تقـرا القديـم وترسـم اطلالـك

هنا : يلبسك ثوب العيـد ماتعـرف حـزن دنيـاك
..................................هنا : تجلس على صدر المكـان وترخـي عقالـك

هنا : اول مرّه تصافح غـرام وترتجـف يمنـاك
..............................هنا : اول مـرّه يطيـح الكـلام وتوقـف افعالـك

هنا ودعـت ابـوك وأنتقلـت انتـه الـى مثـواك
...............................هنا وحدك قـدرت تشيّـد اعظـم حلـم متهالـك

طلعت من الحيـاه ب( يرحـم الله شايبـاً ربّـاك)
...........................تغيّر شوووف وانا ابوك صارت شف وانـا خالـك

( هنا ) ترجع لشباكك كبرت وصرت غير هنـاك
...............................تحـاول وحـدك تطفـي وهمـك وتشعـل آمالـك

وحيـد الا مـن اكثـر بـوح لاجابـك ولا وداك
...........................بعيد الا مـن اقـرب روح راحـت قبـل تقرالـك

( محمد ) : بعد هذا الهم وش باقي لجـل اقـراك؟
..............................( محمد ) : كل هـذا الهـم وش خـلاّ لعذالـك ؟

تعبت مـن الحيـاه وملّـت ايامـك تبـي فرقـاك
................................ذكرت الكـل .. لكنـك نسيـت تمـر فـي بالك.

.
.

آعجبتني هالصبآاآحَ..}