اليوم اول موسم العقارب المسماة «بالسم».

بسم الله الرحمن الرحيم

السلام عليكم ورحمة الله وبركاته

اليوم 26/2/1431هـ بدأ موسم العقارب المسماة «بالسم». مدة هذا الموسم (39) يوما مقسمة على ثلاثة هي نجوم (الذابح وبلع والسعود) كما يسميها عرب الجزيرة أما العوام فيسمونها عقارب (السم والدم والدسم) فالسم دلالة على البرد الشديد إذ أن بردها يقتل كما يقتل السم والدم دلالة على البرد الخفيف إذ أن بردها يدمي ولا يقتل أما الدسم فدلالة على الربيع وهذه الأسماء تدل على مواقعها من الفصل من حيث البرودة ثم الدفء النسبي ثم الربيع إلا أن برد العقارب يأتينا على فترات متباعدة وغالب أيامها معتدلة وبرودتها لا تدخل المنازل فقط مرتبطة البرودة بهبوب الرياح الشمالية لذا يقول العامة (الى دخلت العقارب فالخير قارب) إذ أنها أول مواسم اعتدال الطقس.
ويتصف موسم العقارب بهجمات البرد المباغتة على فترات متباعدة حيث تهب علينا رياح شمالية باردة إلا أن الرياح السائدة هي الجنوبية أو الجنوبية الشرقية وهو آخر شهور البرد لذا يكون الطقس فيه متقلب الأطوار ولهذا سموه ببرد (بياع الخبل عباته) وهو قول شعبي قديم، حيث تتوسط موجة حر البرد، فيظن بعض الناس البرد انتهى وأمنوا عدم عودته فتخلوا عن عباءاتهم أو باعوها، لكن! سرعان ما يعاود البرد الهجوم، وتحكي الأساطير لنا أن سبب تسميته ببرد بياع الخبل عباته هو أن رجلا معتوها اشترى عباءة (فروة) لتقيه من لسع الشتاء وفي نهاية الشتاء عاد الدفء الصيفي فظن أن البرد قد انجلى فباع عباءته فعاود البرد بهجمة شرسة فأهلكه فسمي هذا الموسم باسمه.
وفي أوله تغرس النخيل وبداية تبييض الطيور وبوادر الباعوض وتكثر مسببات الحساسية مع كثرة طلع النخيل. اليوم هو اليوم الأول من سعد الذابح (النجم الأول من العقارب) حسب التقويم، ويستمر 13 يوما، والأيام الثلاثة الأولى منه هي من بذرة الست الصالحة لزراعة جميع الأشجار والخضراوات, يصعد الماء إلى فروع الأشجار وتقطع فيه جذوع النخل وتورق بعض الأشجار، يقال "إذا طلع سعد الذابح ، حمى أهله النابح، ونفع أهله الرايح ، وتصبح السارح، وظهر في الحي الأنافح" .

تحياتي لكم..

الله يستر شكلها داخله من السبت
وهو برد يذبح
ربي يعطيك العافيه

اقتباس: المشاركة الأصلية كتبت بواسطة وردهـ    الله يستر شكلها داخله من السبت وهو برد يذبح ربي يعطيك العافيه

ودي اقول انها داخله من السبت او قبله بيومين وهذا الصحيح المتعارف عليه من اجدادنا بس نسيم بيقول لا ....!!
مع ان المفروض الحين بقى على العقارب الثانيه خمسه ايام وتدخل..

الله يعافيك اختي ورده شاكر لك حضورك..

اقتباس: المشاركة الأصلية كتبت بواسطة أبـوحـمـد    ودي اقول انها داخله من السبت او قبله بيومين وهذا الصحيح المتعارف عليه من اجدادنا بس نسيم بيقول لا ....!! مع ان المفروض الحين بقى على العقارب الثانيه خمسه ايام وتدخل.. الله يعافيك اختي ورده شاكر لك حضورك..

ابوحمد انت ماتلاحظ ان كل 13يوم يجي هواء او برد او مطر.كل هذي تدل على دخول نجم.تابع اللي انا اقوله وعد من هالحين 13يوم وشف.
وبعدين لعد تعرض النجوم او تقربها .جاي الصبح فرحان ابكتب عنها .

اقتباس: المشاركة الأصلية كتبت بواسطة نسيم    ابوحمد انت ماتلاحظ ان كل 13يوم يجي هواء او برد او مطر.كل هذي تدل على دخول نجم.تابع اللي انا اقوله وعد من هالحين 13يوم وشف. وبعدين لعد تعرض النجوم او تقربها .جاي الصبح فرحان ابكتب عنها .

انا استنيت يا اخي تكتبه من البارح بس ما شفتك
قلت يمكن نسى او شي..
اكتب اضافتك وزياده الخير خيرين..

يعطيك العافيه ابو حمد
ورجع البرد مرة ثانيه قلت خلاص مو راجع
ناوية اطلع ملابس الصيف...
الله يجيب المطر ان شاء الله

مشكور أخوي أبو حمد
الله يعافيك وما قصرت

سعد الذابح اللي دخل اليوم مع طلوع نجم العقرب الأولى
سمي بالذابح لأن معه كوكب صغير غامق يكاد يلزق به فكأنه مكب عليه يذبحه والذابح أنور منه قليلا
يقول الفلكيون : إن الذابح كوكبان غير نيرين أحدهما مرتفع في الشمال والآخر هابط في الجنوب


تقبل مروري يا بو حمد

اقتباس: المشاركة الأصلية كتبت بواسطة الراقيه    يعطيك العافيه ابو حمد ورجع البرد مرة ثانيه قلت خلاص مو راجع ناوية اطلع ملابس الصيف... الله يجيب المطر ان شاء الله

البرد توه يا الراقيه باقي عليه تقريبا شهر..
وباقي بياع الخبل عباته..
والاسبوع هذا بأذن الله بيكون اسبوع دافي..
لكن الله يعينا على الي بعده..
والله يجيب الخير ان شاء الله..
مشكوره على حضورك وتواصلك..

الحسي وآأجدَ ومافهمتَ شئ
ابي الصيف َ متى يجي ..!
وعوآفي أخي أبوحمد ع المعلومآأت

اقتباس: المشاركة الأصلية كتبت بواسطة سهيل تمير    مشكور أخوي أبو حمد الله يعافيك وما قصرت سعد الذابح اللي دخل اليوم مع طلوع نجم العقرب الأولى سمي بالذابح لأن معه كوكب صغير غامق يكاد يلزق به فكأنه مكب عليه يذبحه والذابح أنور منه قليلا يقول الفلكيون : إن الذابح كوكبان غير نيرين أحدهما مرتفع في الشمال والآخر هابط في الجنوب تقبل مروري يا بو حمد

هلا اخوي سهيل تميروالله يعافيك ومشكور على هذي الاضافه الجميله شاكر لك حضورك وتواجدك..
تحياتي لك..