|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| همس الأعضاء تهتم هذه الساحه بالشعر والنثر والصوتيات الشعرية الغير منقولة |
آخر 10 مشاركات
|
|
|
أدوات الموضوع |
04 / 02 / 2010, 38 : 04 PM
|
#1 | |
|
تميراوي عريق
|
يا صبي استمع من عويد قضى
يـــوم دلـــو زراريـعـنا لـلـحريث =روحــت بـه سـويره عـن الـعيثري
الـعـرب يـظـهرون الـنخل والـعيال =وهــو يـشـري لـها الـمسك والـعنبري حـاط حـرمتين جـعل ماهوب بزين =جــعـل عـقـب هــذا يـهـبد الـشـري يـــوم جا ما عـطـانـي لـبـيـبيدةٍ =اتــدفى بــها يـــوم ظـهـري عــري يــوم جـتـنا سـويـره مـن الـعارض =كـنـها ضـبـعـةٍ حـــل فـيـها اسـعـري لـيـت مـانـع إلا قـلت لـه طـاعني =يــــوم تــــوه بـمـطـلـوبه مـشـبـهـري قــبـل تـاخـذ بـقـلبه زهــرة الـربـيع =فـي ذرى الـغار غـره بـه الـمنظري و يـتـشربك بـحبل الـشرك بـالشبك =ثـــم يـصـبح عـلـى راســه مـكـنعري احـتـرز مــن سـهوم الـقدر بـالحذر =وانــت مالـك عـن الـلي لـك مـقدري يـــوم قــامـت وشــاف الــذي تـلـها =مــن وراها زما الـردف ومـزبري ما درى ان الـنثايله وكـثر الـتراب =مـن وسـيع الـدواخل وهـو ما دري يا صـبي اسـتمع مـن عـويد قـضى =الــدهــر مــدبـه لــيـن ما قــصـري ما بـقى مـنه غير العصب والعظام =مـثـل عــود عـلـى الـدرب ومـقشري كــل مــن كــان قـبـلك بـليلة و يـوم =شـــاوره والـخـبر عـنـه لا تـقـصري حــط بـالـك لـما كـان اوصـيك بـه =فــان هــذي وصـاة عـلى خـاطري لا تـضـم الـتـي ما تـعرف الـسوى =تـجـعـل الــزيـن شــيـن ولا تـسـتري يـذن الـعصر والـعيش فـوق الـرحى =الــقـدر مــوصـخ ٍ والـلـبـن مــخـوري لا تــضــم الــــتي تـشـتـري لـلـغى =دايـــم هـرجـها بـالـكـلام الـــزري لا نـشـدها بـعـلـها بـهـرج لـطـيف =طـوحت حسـها ما ادري ما ادري انــذفـه فـــي ثــلاث تـبـعهن ثــلاث =لجــل تـاكـل طـعـامك هـني مـري لا تــضــم الــتــي يــطــوح طـيـها =الـضـحـى وانـــت بـالـمـقبرة تـقـبرى لا تــضـم الــتـي قــد حـكـى بـامـها =تـحسب الـعيب بـاري وهـو مابري لا تــضـم الـتـي ما تـخـلي الـعـباة =دايـــــم كــنـها تــلـعـب الـعـيـفـري مــن جـهـلها تـخـلي ولـدها يـصيح =ما تـسـنـع لـها مــورد ومـصـدري يـوم تـظهر من البيت وش هي تبي =هي تــبـي عـنـد غـيـرك طـعـام طــري اتـركـه يـالـخبل يا نـكـيث الـحـبل =لا تــجـزع ولـــو قـيـل يا الـمـثفري طــلــق الـعـاهـر وخـلـها تـنـطـلق =مــن حـبـالك عـسـى بـطنها لـلفري لا تــضــم الــتــي عـيـنـها واذنــها =بـا لـمـزاغـيل والــصـايـر الـمـسـفري ودها كــل مــن مــر مــع سـوقـها =مـن شريف وطريف يقول اظهري لا تـضـم الـتـي ما تـربـي الـحلال =اغــبـر طـبـعـها والــزمـان اغــبـري لا تـضـم الـتـي ما تـمـل الـرديـف =تــسـري الـلـيل لـلـي لـها يـحـتري لا تـضـم الـتـي ما تـخـلي الـرفيق =حـيـثما غــاب رجـلـه فـهو يـحضري الـوعـد مـثل مـن قـال كـحي واكـح =في قيام العشر وان ظهرت اظهري واقـعـدي عـنـدنا لـين ما يـظهرون =واظــهـري والـمـطوع بـهـم يـوتـري لا تــضــم الــتـي يـنـخـزن دونــها =دوم نـجــارها بــامــرها يــنـجـري لــو تـقول ارفـقي يا مـره بـالحلال =دبـري مـرزقك ذا الـسنة واصبري بــان مـنـها مـن الـعيب ما تـكرهه =وبــاشـرت فــي حـلالـك لــه تـبـذري لـــو يـخـطر شـريـف فــلا سـرها =ودها انـــه يـخـطـر ولا يـخـطـري وان دخــل بـاشرته بـخبيث الـكلام =وان ظـهر ونـدبت لـه يقول ابشري ســلــط الله عـلـيـها قـبـلـها تـــزوم =والـضـعـيف بـمـرضـاتها مـصـخري مـصخر مـار ما وفـق ابـن الحلال =غــشـتـه بــالــذي دايـــم يـخـرخـري يا عـسـى جـنسه دايـم ما يـعيش =عـند الاجـواد وان عـاش ما يـكثري مـــن جـهـله ومــن ســو تـدبـيرها =ما عـلـيها مــن الـلـبس ما يـستري لا تـضـم الـتـي ما يـحجب الـحجا =دون حــجــانـها كــنــها تــنــظـري يا مـطول حـجيه عـن الـلي تـويق =تـحـسب أنــه الا نـاظـرت يـستري يـــوم تـسـمـع لــها رفــيـق تـويـق =لـو تـحطه عـلى الـخمس ما يـقصري هــي عـلـى طـبعها عـاسي عـودها =ما يـعـدل ســوى انــه يـبا يـكسري لا تــضــم الــتـي طـلـقـت مـرتـيـن =يـــوم يــطـري لـها طــاري تـنـكري كــل يــوم لـها عـنـد اهـلـها نـسيب =واحــــد داخــــل وآخــــر يــظـهـري شــــارب مــخـهـم وآكــــل تـخـهـم =غـــاديٍ عـنـدهـم كــنـه الـعـسكري لا تـضـم الـتـي مـالـه مــن تـهـاب =خــبـلـة هــبـلـة ما لــها مــاكـري يــوم تـصـبح تــدوج بـوسـط الـبـلد =كــــل دار تــبـايـع بـــه وتـشـتـري كـل مـن كـان يـرضى بـدوج المره =ودك انــــــه بـنـعـلـيـنها يــصــطـري الـمـره كـنـه الـشـاة بـيـن الـبـيوت =يـطمع بـفرسه الـكلب لو هو جري لا تـضـم الـتـي راضـعـت روحـها =دايـــــم خــالــيٍ شــقـه الايــســري لا تــضـم الــتـي عـمـره مـنـتهي =كـــان تــرجـي عـيـال بـهـم تـذكـري هــي سـفـينتك لـكن غـدا الله عـليك =مــادريــت انــها ذبـــت الانــجـري لا تــضـم الــتـي تـلـتفت بـالـطريق =حــط بـالـك لـها فــي ذرى الـعايري وقــل الـلـي مـريبك عـلى الالـتفات =يـاضـراب الـخنى بـالثلاث اظـهري يـــوم قـــل الـحـيا عـنـدها واتـسـع =وجـهـها حــل فـي عـينها الانـكري ما درت بـالـتلفت سـهـوم تـصيب =بـالـضماير بـها الـكـسر ما يـجبري وش تــــدور وراها وذا طـبـعـها =كــن ما غـيـرها فــي الـبـلد يـذكري لــو ابـوها يـهـد الـجـموع بـعـصاه =او بـشـلف عـلـى الـكبد تـفري فـري او اخــوها يـخـلـي قـريـنه يـخـور =مـثـل ما خــار عـجـلٍ مـع الـسامري لا تـــضــم الــتــي بــــارد جــمـها =كــل شــي يـابـس وسـقـفها يـمـطري ما تــذوق الـلذاذة وعـمرك يـروح = فـي قـصى لـو حلالك مـن الاحـمري لا تـضـم الـتـي رزنــةٍ فـي الـمكان =صـخـرة ما يـقـلقلها هـيـب ابـشـري ما تـكـلم ولا عـنـدها لــك جــواب =وبـسـكوته يـزيـد الـمـرض بـاكـبري لا حــديـث يـسـلي ولا مــن فــراق =قــلـب لا يـحـزن وعـيـن لا تـنـظري ذي هــي الـلـي يـسره الـى فـارقت =كـــود يــاخـذ ســواها ولا يـخـسري لا تــضــم الــتـي قــاضـب خـلـفـها =مــن ضـنـى غـيـرك لـخـلفها يـمتري ما درى انـه عـليها سـواة الـرقيب =قــاضـب فـــي يـــده تـكـة الـمـيزري ومـحـشوم عـلـى كــل حـال يـصير =مـخـصبٍ وقـتك أو مـقصف مـدهري هـذي أمـــراض عـسـاه تـطـيب =مــن ذنــو ب مـضـت جـعـله تـغفري للاستماع للقصيده بصوت المبدع حامد الضبعان |
|
|
|
|
05 / 02 / 2010, 07 : 01 AM
|
#2 | |
|
تميراوي فضي
|
رد: يا صبي استمع من عويد قضى
يعطيك العافيه خيوو..ماننحرم من جديدكـ..
|
|
|
|
05 / 02 / 2010, 35 : 02 AM
|
#3 | |
|
تميراوي ذهبي
استغفر الله واتوب اليه 
|
رد: يا صبي استمع من عويد قضى
كلمات رائعه
ربي يعطيك العافيه |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
