هبت هبوب الشمال وبردها شين ... ماتدفي النار لو حنا شعلناها <--- بمناسبه البرد الي جانا

السلام عليكم ورحمة الله وبركاته ،،

كنا نسمع قصيدة جميلة وكنا دائماً نتقنا بها ومزلنا ومزالت تطرب مسامعنا ولا زالت ترن في مسامعنا لاكن هذه القصيدة لا نعلم من قائلها ولا نعلم هل هي هذه القصيدة كامله ام لا , وقد اختلفت في هذه القصيدة ولا يُعرف من قائلها وقد بحثت ولم اجد احد ينسبها إلى شخص معين بس الاكيد إلى هذا الشاعر , واليوم حبيت ان اطرحها كامله واتمنى ان تنال اعجابكم ولا يخفي عليكم انها مكرره في هذا المنتدى لاكنها كامله وهي لشاعر سلمان سويلم الصريبطي الزبالي البلوي وهذا الشاعر قد عاش في الاردن وفي فلسطين مدة سبع سنوات وقال هذه القصيدة الجميلة.



مـديـت يــوم الاحــد صـبــاح الاثنـيـنـي
...........كــل الممـاشـي عـلـى الله ماحسبـنـاهـا
قطعت ممشـى الركايـب فـوق رجلينـي
.........أقـبـل عـلـى حــزوم والاخــرى اتـعـداهـا
لا نمـت قـامـت هواجيـسـي اتصحيـنـي
..........حـيـث المغيـبـة بـعـد مـافــات مـاقـواهـا
نطـيـت رجــم ٍ وآثــري اللـيـل ممسيـنـي
..........بـديــار غـربــة يـعــل الـسـيـل مـاجـاهــا
الشمس غابت وأنا هالحين هالحينـي
..........بطـحـى عـدامـة ولانــي لا حــق مـاهــا
والـمـشــرب الــلــي مـعـايــه مايكـفـيـنـي
.........الـــدرب كـايــد ورجـلــي بــــاد حــذواهــا
لكـنـي تـحـت رحـمـة الـلــي مايخلـيـنـي
..........حيـثـه عـلـى مايـريـد ارزاقــه اعـطـاهـا
يوصلنـي الـلـي تـحـرى فــي سويديـنـي
..........عامـيـن مـنـي خـبـر مـقـطـوع مـاجـاهـا
هبـت هـبـوب الشـمـال وبـردهـا شيـنـي
..........مـاتـدفـي الــنــار لــــو حــنــا شعـلـنـاهـا
مايـدفـي الا حـضـن مدعـوجـة العيـنـي
.........الا عـطـشـنــا شـربــنــا مـــــن ثـنـايــاهــا
هي شبه وضحى تمطرح بين ذوديني
.........وردت عـلــى عـقـلـة مـاغـثـرب بـمـاهـا
ياكـثـر ماتزعجـيـن الـدمــع يـــا عـيـنـي
........عـلـى هـنـوف جـديــد الـلـبـس يـزهـاهـا
أضحك مع اللي ضحك والود طاوينـي
.........طـيـة شـنـون الـقـرب لا قـطــروا مـاهــا
تستـاهـلـيـن الــرمــد وهــــزوم يـاعـيـنـي
..........عــيــن تـعـلــق مــــع الـمـقـفـي بـلـيـاهــا
لـو اشتهـت لـي عيـيـده غـيـر تبريـنـي
..........هي اللي تعـرف الـدوا والعيـن تجلاهـا
قـالـت مقاسـيـم حـالــت بـيـنـك وبـيـنـي
........تـبـعــد وراهـــــا وانـــــا ودي امـلامــاهــا
وانا احسـب انـي مـن اول مـا تعدينـي
............تنسى المحبه وانا اللي ماقدر أنساها
عــــز الله انــــي مـعـاهــا الله معـنـيـنـي
.........والا مــانـــي رايـــــح لــهـــا واتــرضــاهــا
من عقب انا بالسهل والماقـع الزينـي
.........نطحت كمخة وانا من قبـل مـا ارقاهـا
عـواد ابـو سـالـم مــن مبـطـي يمنيـنـي
.........بـعـض التمـانـي تــرى نـصـبـر بلـيـاهـا


منقول .

صح لسان الشاعر
..........بـديــار غـربــة يـعــل الـسـيـل مـاجـاهــا
الشمس غابت وأنا هالحين هالحينـي

جهد تشكر عليه يا طير ودائما متحفنا بالمواضيع الهادفه
تقبل مروري يا رفيقي"

وتم التقييـم

اقتباس: المشاركة الأصلية كتبت بواسطة قصام    صح لسان الشاعر ..........بـديــار غـربــة يـعــل الـسـيـل مـاجـاهــا الشمس غابت وأنا هالحين هالحينـي جهد تشكر عليه يا طير ودائما متحفنا بالمواضيع الهادفه تقبل مروري يا رفيقي" وتم التقييـم

مرورك عطر ويسعدني دائما .
وحظورك هنا يهمني
لاهنت على التقييم .

قصيده جميله ورائعه ومعبره عن شعور الشاعر الصادقه وهي قصيده قديمة ومعظم القصائد القديمة حفظت ولم يوثق قائلها
هذه القصيده نسبت لشعراء كثيرين
وايضا عدلت ابيات هذه القصيده كثيرا فلا تستغرب ان تقرأها بعة روايات
شكرا لك ياطير شلوى على ايراد هذه القصيده وانا معجب بأبياتها وكثيرا ما ارددها بعضها

الا على الطاري يا طير ياليتك منزل مقطع صوت لها
اوب لازم تكون كامله بس مجرد رأي
ثانكس مستر طير

اقتباس: المشاركة الأصلية كتبت بواسطة صيد الخاطر    قصيده جميله ورائعه ومعبره عن شعور الشاعر الصادقه وهي قصيده قديمة ومعظم القصائد القديمة حفظت ولم يوثق قائلها هذه القصيده نسبت لشعراء كثيرين وايضا عدلت ابيات هذه القصيده كثيرا فلا تستغرب ان تقرأها بعة روايات شكرا لك ياطير شلوى على ايراد هذه القصيده وانا معجب بأبياتها وكثيرا ما ارددها بعضها

لاهنت ياصيد الخاطر ..
ونسبت للكثير من الشعراء والغالبيه قالوا انها للشاعر ابن لعبون .. والله اعلم

شكر لمرورك الرائع .

اقتباس: المشاركة الأصلية كتبت بواسطة قصام    الا على الطاري يا طير ياليتك منزل مقطع صوت لها اوب لازم تكون كامله بس مجرد رأي ثانكس مستر طير

غالي والطلب رخيص "

للتحميل بصوت آخر

للاستماع

كلمااااااااااااااات رائعه
وصوت اروع
يعطيك ربي العافيه

اقتباس: هبـت هـبـوب الشـمـال وبـردهـا شيـنـي ..........مـاتـدفـي الــنــار لــــو حــنــا شعـلـنـاهـا مايـدفـي الا حـضـن مدعـوجـة العيـنـي .........الا عـطـشـنــا شـربــنــا مـــــن ثـنـايــاهــا

مآحببنيْ بالشعرَ الا هالقصيدة
من ْ آجمل َ القصائد َالتى سمعتهآ ودايمُ نشيلهآ انا وآخوآتي ان ْ اجتمعنآ
رااائعه..بحق
صح َ لسانْ شاعرها ولاهانْ منشدهآ
ويسلمُ نَبّضْ قلبكَ أخي طَيٌرّ
أجملَ تَقّيَمُ