ســاره

لولاي أدلـه خاطـري بالزقـاره=لبوح في هم عـن النـاس مخفيـه
أجـر جمرتهـا وتبـرد حـراره=وأكوي بها هاجوس قلبي وأهاديـه
أيـا عمـار القلـب وأيـا دمـاره=ومن ورّد الدخـان ربـي يجازيـه
يابوهـلا ماكنتـي لـه شـطـاره=قل للمطـوع فاقـد القلـب غاليـه
يابـو هـلا خلـي بعيـد مـزاره=قــفو به البدوان وضاعت حراويـه
ياعنك مـادوج بحـوش العمـاره=ولاطبت اسواق المدينـه مواطيـه
ماعاش فالديره وجـو الحضـاره=نبت الخزاما والنفل هـي مرابيـه
وآآآآبري حالي بري عـود النجـاره=عود بـراه ابـن الدهامـي بياديـه
عليـه خـد اليـا تبيـن حـمـاره=يدني منايا عيون شخـص تراعيـه
أدعج غنج يفتـن بـذوق وشطـاره=لاسلهـم برمـشٍ غريبـه معانيـه
عينه كمـا عيـن أشقـرٍ بالزبـاره=فرّعبـه غـلام بعيـده مرامـيـه
مـعـرّب متـولـع باالصـقـاره=أهـل النميمـه والحسـد ماتدانيـه
والعنق عنق الـلي سريـع فـراره=أدناة حـس يجفلـه مـن مفاليـه
أنـا رهيـن لحاجبـه والاشـاره=ومرهون في بسمة جنابه وأشافيـه
كم مـرةٍ والليـل ضافـي سمـاره=أضحك معه وامزح واقدر مباديـه
حكيه سحر اسلوب فـن ومهـاره=قلب الهواوي يمزعه من كراسيـه
قفت به الاقـدار ومثلـه خسـاره=عزي لجفنٍ جاير الصبـر كاويـه
امن القهر فاالكبـد مثـل المـراره=ولادق بي هجس الغلا صحت اناديه
قلبي يفز كـل ماتذكـرت سـاره=فزيز إف ستة عشر مـن محانيـه
أرجيه طول العمر وأرجي انتظاره=ياكيف ابنسى مرحبـا فيـك لبيـه
هذا منـى قلبـي وهـذا اختيـاره=وغيره من الخفرات ياصاح مابيـه
مع كل طلعة شمس بالجوف غـاره=يغير ماض الشوق وأذكـر لياليـه

[blink]مختارات عهود[/blink]

الله واكبر

ما شاء الله تبارك الله

عيني عليك باااارده

تسلمين يا شاعرة المنتدى

وربي يحفظك ويصونك

ويوفقك وين ما رحتي ,,,

تسلمين وربي يخليك لنا ,,

تحيااااااااتي

سمسار 15

ساااااره

ما اجمل اختياار هذا العنوااان

والقصيده جميله جدااااااااا

والاختيااار داائما هو ما يزينهااااااااااا

مشكوووووووووره عهوووود



سلام