ذكرتك يازمان الطين

ذكرتك يازمان الطين والزنبيـل والمسحـاه=ذكرتك يازمان الفزعـه ومقـدار صاحبهـا
زمانِ لوتناسيته من أعماقي عجزت أنسـاه=ياليت الساعه بذاك الزمن وقفت عقاربهـا
زمانِ كان فيه الناس تبـذل للحيـاه جبـاه=تلملم بالخساير ماتبـي تحسـب مكاسبهـا
زمن قاسي زمن قاسي تعبت أقول يامقسـاه=زمن قاسي وفيه الناس مانسيـت مذاهبهـا
زمن مافيه غير الطيبيـن الـلاش ماتلقـاه=زمن ياهوزمن فيه اللحا تحمـى شواربهـا
صحيح الناس في ذاك الزمن كانوحفاه عراه=وصحيح ان الحياه بوقتهم مـره مشاربهـا
ولكن لالفاهم ضيف عاني عجلـوا بقـراه=رجـالِ ماتهـون عزومهاقـدام واجبـهـا
مجالسهم حكم وأشعارهم يازينهـا زينـاه=رجالِ تكتسب كل الفوايـد مـن تجاربهـا
وصرنا في زمن سبب يباس العود قبل الحاه=على أنقاض الشهامه والكرم تبني عناكبهـا
زمن فيه الترف كـلِ يقـول:الله يامحـلاه=ولكن به عوايد ضـج موجبهـا بسالبهـا
زمن تلقى قليل الدين حق الجار مايرعـاه=رديه شيمتـه غفـلات جيرانـه يراقبهـا
زمن لوكان ماتسوى وعندك مال تاخذجـاه=ليامنك هرجت الناس لك ترخـي حواجبهـا
زمن والله تساوى فيه حد السيف بالمحـلاه=وتساوت فيه كل الناس صادقهـا وكاذبهـا
أنا ماني مبالغ لو صرخت وقلت ياخزيـاه=على ناسِ تكـن الـك العـداوه لوتعاتبهـا
ترىخير الزمان أول ترى شر الزمان أتلاه=بناسه ينكشف لك صالح أزمانـك وعايبهـا
ومن فاته زمان أول نعزيه الربيـع أخطـاه=يعيش الطيب فيه حكاية الجمره وقاضبهـا
زمـن والله طبوعـه كلهـا ياشينهاشينـاه=لوأذكرها تعب بالحيـل قاريهـا وكاتبهـا
ولكن الأمـل كـل الأمـل ياذاالزمـن بالله=مـدام جباهناتشتـاق تسجدفـي محاربهـا

صدق الشاعر

واحسنت الاختيار

يا البحر الهادئ

ومني تحية

البحر الهاديء

تميز دااااااااائم

اختياااااارك رااااااااائع

مشكوووووووووووور


سلام

صح السان الشاعر


والف شكر لك

على الاختيار

البحر الهادي ء

مشكور على الإختيار الرائع


قمة دائما

هلا بك اخي البحر الهاديء

روعة القصيدة لا تقل عن روعة اختيارك لها

قصيدة تربطنا بالماااااااضي

وتحمل فيها تاريخ مضى


تسلمووووووووووو




ام توتو