احمس ثـلاث يانديمـي علـى سـاق ... ريحه على جمر الغضا يفضح السـوق

السلام عليكم ورحمه الله وبركاته ،،


أن أفضل ماقيل في وصف القهوة العربية للشيخ محمد القاضي الوهيبي التميمي . وهي اشهر القصائد بدون منازع.
فقد أولع هذا الشيخ بالقهوة شأنه شأن العرب ومن هنا تلاحظ مدى حب هذا الشيخ للقهوة ( وهي رمز الكرم العربي) وذلك فقد وصفها وجسدها تجسيداً حياً في قصيدته الذائعة الشهرة .
ولهذا الشيخ مزاج خاص في أعداد القهوة وانسجام بطريقة أعدادها. وعند قراءة القصيدة ينقلك هذا الشاعر إلى صورة حية وكأنك تري من يقوم بأعداد القهوة أمامك. فهو يصور أعداد القهوة بطريقة دقيقة قلما نجدها في أشعار غيره ويتمثل ذلك بحمسها ثم دقها في النجر وأعدادها بمعايير خاصة ثم تأتي سعادته برائحة القهوة التي تجلب له الضيوف فهذه نشوةً ليعادلها شيء ثم يصف طريقة صب القهوة ولون القهوة في الفنجال وانسياب القهوة في الفنجال بطريقة فريده . فالقهوة بمثابة الأنيس ورمز الكرم العربي لدى هذا الشيخ. رحمه الله.


وصف القهوة

يامـن لقلـب كـل ماالتـم الاشفـاق ... من العام الاول به دواكيـك وحفـوق

يجاهد جنود فـي سواهيـج الاطـراق ... ويكشف له اسـرار كتمهـا بصنـدوق

الى عن له تذكار الاحبـاب واشتـاق ... باله وطف بخاطـره طـاري الشـوق

قربت لـه مـن غلـي البـن مـالاق ... بالكـف صافيهـا العـذق منـسـوق

احمس ثـلاث يانديمـي علـى سـاق ... ريحه على جمر الغضا يفضح السـوق

حـذارك والنيـه وبالـك والاحـراق ... واصح تصير بعاجل الحمس مطفـوق

الى اصفر لونه ثـم بشـت بالاعـراق ... وبقيت كما الياقوت يطرب له المـوق

وعطـت بريـح فاضـح فاخـر فـاق ... لاعنبـر ريحـه بالانفـاس منـشـوق

دقـه بنجـر يسمعـه كـل مشـتـاق ... راعي الهوى يطرب الى دق بخفـوق

واحشـة بدلـه مولـع كنهـا ســاق ... بلـورة منصوبـة تـقـل غـرنـوق

خلة تفـوح وراعـي الكيـف يشتـاق ... الى طفح لـه جوهرصـح لـه لـوق

قمـور صغـار كالزمـرد بالاشعـاق ... وكبارها الطافح كمـا صافـي المـوق

وزله على وضحابها خمسـة الرنـاق ... هيـل وسمـار بالاسبـاب مسحـوق

مع زعفران والشمطري الـى انسـاق ... ريحه مع العنبر على الطـاق مطبـوق

الـى اجتمـع هـذا وهـذا بتيـفـاق ... فصبه كيفت العوق عن كـل مخلـوق

الى صب فابصر جوهره تقل شبـراق ... رنق تصور بالحمامـه علـى الطـوق

شكل غزا الفنجـال صبغـه كمـا راق ... دم القلـب وان مـزع منـه معلـوق

خمر الـى ماانـه تساقـي بالاريـاق ... وعليه من ماصافـي الـورد مذلـوق

راعيـه كنـه شـارب ريـق تاريـاق ... كاس الطروب وسرور من ذاق له ذوق

يحتاج من خمر السكـارى الـى فـاق ... طفل يشـف شفـاه والعنـق مفهـوق

عبـث يعيـل بحبـه منـه مـامـاق ... وهو يضاهي باهـي البـدر بعشـوق

في وجنتيه الـى غنـج بـارق حـاق ... عجل رفقيه بالطهـا الغـرق بطبـوق

سحر كتب مـن حبـر عينـه بـوراق ... خديـه صاديـن ونوريـن مـن فـوق

كن العـرق بخدودهـا حـص ارنـاق ... نثر علـى صفحـات بلـوره الشـوق

الـى تبسـم شـع واشـرق بالافـاق ... نور يفـوق البـدر سحـار منطـوق

وبالعنق كن المسـك والـورس بـراق ... مامشخص في صدري الشاخ مدفـوق

تمشي برفق خفوفهـا مدمـج السـاق ... يفصم حجول هزه الثقـل مـن فـوق

الى صفت لك ساعـة وانـت مشتـاق ... فاقطف زهرمالاق والعمـر ملحقـوق

فالى حضر ماقلـت عنـي فـالارزاق ... بيـدي كريـم كافـل كـل مخـلـوق

هـذا وصلـوا عدمـا نـاض بـراق ... اوماشكـي الفرقـا شفيـق لمشفـوق

علـى النبـي مـازج زاج بـالاوراق ... والـه صحبـه عدمـا سيـق سيـوق

اللهم صل على محمد
شكرا طير شلوى اطربتنا وامتعتنا وصمدت روسنا بهالقصيده الجميله اللي ريحة البن والهيل فايحة منها
بس اللي محيرني وشوله حاطها في قسم الرسائل sms و mms

اجل هقوتك وين احطها فيه

تراي احترت في قسم الشعر وهنا بس قلت الموضوع اشبه بالمواضيع الي طرحوها الشباب هنا مثل المشاركات حقت المسابقه وانت جاي .

و قسم الشعر ناااااايم ولا بوة أحد .

هنا فيه حركه ورايح وجاي قلت خل اصفطها هنا <--- الا توافقني الرأي

بلا يا اخ العرب اوافقك الراي ولاكن هل ستظن ان اختنا الوفاء بنت مشرفه الساحه ستتركها هنا
امل ذلك

احووول
انت رحت تفتح بيبان مقفله ..!!

كانها صادزة تشيله هههههههه لي ساعه اجمع في قشي واخرتها تشيلها <--- اوب على كيفها

قرب اذنك بقول لك كلام ولا يسمعني احد
شف وانا اخوك الحريم اذا ولين سلطة بالك تعاندهن
تعرف المثل اللي يقول مهبول وعطي عصا ينطبق عليهن

تسلم يا طير شلوى وبيض الله وجهك على الانتقاء الرائع والمجهود الواضح..
تحياتي لك..

اقتباس: المشاركة الأصلية كتبت بواسطة جار القمر    قرب اذنك بقول لك كلام ولا يسمعني احد شف وانا اخوك الحريم اذا ولين سلطة بالك تعاندهن تعرف المثل اللي يقول مهبول وعطي عصا ينطبق عليهن

ياويلك سواد ليلك منهم <--- جاك الموت ياتارك الصلاهـ

بس تراك تجيب العلم

اقتباس: المشاركة الأصلية كتبت بواسطة أبـوحـمـد    تسلم يا طير شلوى وبيض الله وجهك على الانتقاء الرائع والمجهود الواضح.. تحياتي لك..

ووجهك ابيض يابو حمد "

بس وش رايك في حتسي جار القمر هو صادز اولا ؟

اقتباس: المشاركة الأصلية كتبت بواسطة طير شلوى    ووجهك ابيض يابو حمد " بس وش رايك في حتسي جار القمر هو صادز اولا ؟

ما ادري يا خوك لكن المشرفه وش تقول