يا أرقّ انسان قاسي / كيف في حقي قسيت

كلّ ماناديت : وينك ، صدني عنّك قساك
يا أرقّ انسان قاسي / كيف في حقي قسيت

من كثر صدمة عيوني في تغلّيك وجفاك !
كنت أشكّ انك حبيبي ذاك يوم اني سعيت



كيف قلبك طاوعك تترك مبانينا وراك
كيف كفّينك تدمّر ما بكفّينك ،بنيت



كيف كيف وألف كيفٍ صاحت بوجهك : وراك ؟
هو خطاي اني منحتك / أو خطاي اني وفيت ؟



كنت لك : حضن يدفّيك ويصارع لك عناك
صرت لي : منفى تشربني عنادك / وارتويت



كنت لك : صبح تسلّف نسمته من عطر فاك
صرت لي : ليل ٍ يكسّرني ./ ويبني ألف بيت



كنت لك : بستاان عطّر راحتينك واحتواك
صرت لي نار ٍ تحرّق راحتيني / وارتميت



أجمع الذكرى / شظايا ، وآتخيلني : معاك ..
وأتخيلني فحضنك من قسى بردي لقيت !



حضن : دفّاني وشتّت برد خضته في هوااااك
حضن : جمّعني وبعثر حزن عارم / واهتنيت



يادفى هالكون / ياكون الدفى ماذا دهاك ؟
بسألك وأرجوك جاوب في بعادك وش جنيت



جيت لك : والبرد قارس وانت مستكثر دفاك
إما يدفيني : وصالك وإلا جعلي مادفيت !

رائعه يالموسه...

شكرا لميس على الاختيار الجميل

صح السانك
كلمات رائعه
يعطيك العافيه

تشكرات ع روعة مروركم
ودي واحترامي لكم

يعافيك ربي على الطرح الرائع
كلمات راقت لي

تشكرات ع روعة المرور
ودي لكـ

كيف كيف وألف كيفٍ صاحت بوجهك : وراك ؟
هو خطاي اني منحتك / أو خطاي اني وفيت ؟
ابداع~~لك تحياتيّ

تشكرات ع روعة المرور
ودي لكـ

كلمات رائعه بحق
نثرتي الجمال في طيااتها
احساس رائع
ونبض واسع بالخيال
يعطيك العافيه
ودي واحترامي