مـــي ...} حتى تحت الارض احبك !

ابيات اعجبتني وحبيت انقلها لكم
لشاعر ( فهد المساعد )

مــي هذي مثل طل الصبح لاغصان الحدايق
يبتسم قطر الندى لاباسته او باسها
مــي هذي بنت لامن شفت صدر الليل ضايق
ادري ان عيون مــي اليوم طال نعاسها
من هنا تصحى ويصحى الحب في عيون الخلايق
ومن هنا تغفى وتنسى الارض ضحكة ناسها
يسعد الله قلب مــي اللي كثر ماهوب بايق
من قلوب الخلق ما اذكر مر يوم وداسها
لأن مــي أرق بنت ولو قست ماهوب لايق
حيرتني مــي الاجمل هي والا احساسها؟؟
بالها لاضاق زانت ..كيف لامن صار رايق
في انتباهتها براءه .. كيف اجل هوجاسها!!
العمر لوكان ضحكة مــي ..تكفيني دقايق
بس اخاف ان مت تحني مــي فوقي راسها
مــي لو تبكي لموتي مالي الا أفز فايق
من قبل لا اموت اكثر .. من نشيج انفاسها
مــي .. لا تعطين بال لمن يقول الموت عايق
الجســد موتــه يفــك الــروح من حــراسـها
مااحبك فوق الارض وبس ياكل الخلايق
حتى تحت الارض احبك يابعد من داسها
مــي لو ما قلت فيها بيت واحد ماتضايق
لان مالي شعر ينثر لو رفض كرااسها

ــــــــــــــــــــ

قصيده روعه الله يوفقك مع مي الى بالك,,,

سلمت الايادي

اقتباس: المشاركة الأصلية كتبت بواسطة أهلاوي    قصيده روعه الله يوفقك مع مي الى بالك,,, سلمت الايادي

الله يسلمك
والله يوفق الشاعر بالي بباله
مجرد منقوله
ــــــــــــ
مشكور على الاطلاله الرائعه
اخوي اهلاوي

قصيده روعه سلمت انااملك الذهبيه ع النقل الرائع..
ولله يكتب مافيه الخير ياارب...

اقتباس: المشاركة الأصلية كتبت بواسطة زهرة التوليب    قصيده روعه سلمت انااملك الذهبيه ع النقل الرائع.. ولله يكتب مافيه الخير ياارب...

انور متصفحي بمشاركتك
ورد واطلالتك
دمتي بخير

سلم لنآ نبض قلمك
وسموّ فكرك
بِ إنتظآر المزيد منك