STC أزعجتونا بكثر الرسايل

السلام عليكم ورحمة الله وبركاته ..
هلا والله وغلا بأعضاء المنتدى الغالي ..
بصرآحه الاتصالات السعوديه ماسوت خير فينا ..
من يوم قالوا الرسائل بالمجان جوالي مايوقف أبد من الرسائل وبصرآحه حبيت أخليكم تشوفون بعضاً منها.
-----
الرساله الاولى "
حوطي وقصيمي رآحو محطة القطار ..
حصلو القطار متحرك ركضو عشان يلحقون عليه ..
الحوطي أسرررررررع ولحق القطار وركب .
والقصيمي ماقدر يلحق عليه من كثرة الضحك !!
سالوه وش فيك تضحك ؟؟؟؟
قال الملقوف أصلاًجاي بيودعني من محطة القطار وركب بدآلي ..
هههههه
----
الرساله الثانيه "
سعودي يقول لصديقه :
أبي أتزوج لبنانيه . لان اللبنانيات مثل التفاحه !
رد عليه صديقه وقال "التفاح يومين وتخرب خذ لك سعوديه مثل التمره خمسين سنه ماتخرب ..
خخخخخخخ
------
الرساله الثالثه "
يوم الرسايل صارت اليوم ببلاش .
كبت من اللي قاطعين الرسايل .
قامت تجيني مثل طلقات رشاش .
والا كما سيل من المزن سايل
حتى عيوني مالحقت ترمش إرماش
ماهن على وحده يجنك جمايل
اثر القطيعه خوف من دفعة الكاش
وانااحسب اللي صد بالقلب شايل
معقوله ان الناس ماعاد تعتاش
معقوله ربع ريال سوى هوايل
----
الرساله الرابعه "
سعودي سال زوجته وش تفكرين فيه ؟؟
قالت مثل تفكيرك الان !!
قال يعني بتعرسين علي خخخخ
----
الرساله الخامسه "
تم بحمدالله الانتهاء من صلاة الجمعه ..
----
الرساله السادسه "
تم بحمد الله الانتهاء من تناول طعام الغداء .
والان أستعد لأخذ القيلوله ..
----
الرساله السابعه "
تم بحمدالله الوضوء والاستعداد لصلاة العصر
---
الرساله الثامنه "
فيه واحد عند زوجته جالس يقلب عقد النكاح .
قالت له زوجته جالس تتذكر الايام الحلوه ياحياتي ؟
قال لا جالس ادور تاريخ إنتهاء عقدك !!
-----
الرساله التاسعه "
محشش اشترى بيت بجانب محطة بانزين .
خويه الحوطي يقول له ..
تصدق موقع بيتكم استراتيجي اذا بغيت تعبي بنزين تروح تعبي بنزين على رجولك .
-----
الرساله العاشره "
حواطى سووا مسابقه "
من الي يشبه الامير ؟؟؟
أميرهم الحواطى شارك معهم أخذ المركز السادس .
خخخخ
-----
اقول قصرت وانا اكتب الرسايل .
عندي فوق ال300 رساله ..
ومازالت الرسائل حتى هاذه اللحظه تنهار على جوالي والبطاريه أشحنها كل ساعتين ..
مالقها الا STC يلعبون على هالضعوف ..
ان شاء الله تكون الرسايل خفيفة الظل عليكم

رسايل حلووووه بس لو استغلوها في التذكير بفضل يوم عاشورا

وادعيه لكلن افضل لهم يوم تعرض الصحف ولا ينفع لا مال ولا بنون

هههههههههههههههههههههه
فاضين
يعطيك العافيه

ههههههههههه

الله يعنك بس

اقتباس: المشاركة الأصلية كتبت بواسطة المتحـ2007ـد    رسايل حلووووه بس لو استغلوها في التذكير بفضل يوم عاشورا وادعيه لكلن افضل لهم يوم تعرض الصحف ولا ينفع لا مال ولا بنون

الاحلى تواجدك العطر وجزاك ربي خير على التذكير .
وان شاء الله الجميع راح يصوم يوم عاشورا
دمت بخير

اقتباس: المشاركة الأصلية كتبت بواسطة يقين    هههههههههههههههههههههه فاضين يعطيك العافيه

الله يعافيك منور الموضوع بوجودك
دمت بخير

اقتباس: المشاركة الأصلية كتبت بواسطة أبوكدش    ههههههههههه الله يعينك بس

هلا والله بك منور الموضوع
دمت بخير

وين الباقيات يالموادع...

حطهن خل نشوفهن ..

يسلمك ربي يالموادع
بس حلوه يعني بتعرسين علي

الله يوسع صدرك

وانت مصدق انها ببلاش
لاتخاف ترحل لشهر اخر
والله اننا مخفه واكبر مخفه
وش نسوي طفارى وجى شي ببلاش