الحاره اللى تفتخـر فـي مبيتـه..نامت كما طفلٍ فقد حضن اهاليـه

24 / 12 / 2009, 40 : 10 PM

الغالي اللـي كـل ماجيـت بيتـه..اتخيله من قبل يرحـل ويخليـه ,,

أجيه وأدري لـو أجـي مالقيتـه..لكن كذا أرتاح لاجيـت ماضيـه ,,

والله لا اموت وغايتـي مانسيتـه..حتى بصلاتي (اطلب الله يهنيـه) ,,

الحاره اللى تفتخـر فـي مبيتـه..نامت كما طفلٍ فقد حضن اهاليـه ,,

حتى فغيابه>> للشوارع << شكيته..قالت تصدق عاد مثلك انـا اغليـه

يشهد جداره مـن حنينـي بكيتـه..ودي أضم جدار بيته وأنا ابكيـه ,,

والله بصدق أحساس قلبي عطيته..ياما خذاني من التعب بين اياديه ,,

اذكر في ذاك اليـوم مـره لقيتـه..يبكي وضايق يافلآن مـن ليآليـه,,

جيته بدون شعور \وبلهفه\خذيته ..وساعه أنا وياه جالس اواسيـه ,,

وشرد خيالي من دموعـه نسيتـه..جالس أفكر في دموعه وناسيـه ,,

ثـره يناظـر دمعتـي مارأيـتـه..قام وسألني ليش تبكي وانا فيـه ,,

مسح دموعي يافـلآن واحتويتـه..مثل الغريب اللى تضمه غواليـه ,,

ولليوم انا والدمـع وجـدار بيتـه..نسترجع الذكرى قبـل لا يخليـه ,,