يلعن امــك!!هل صارت مزحه؟؟

الســـلام عليكم ورحمة الله وبركاته ..



بصراحه فيـه موضوع شدني واحنـا غافلين عنه من جد ..




ما تلاحظون إن كلمـة
[ يلعـن أمـك ]
إنتشرت إنتشار غريـب و مريب ..


وصار اللي يقولها عــااادي جـدآ .. كانه قايـل

[ السـلام عليكم ] ..!


و الأغرب إن اللي تنقـال له عـادي عنده ..!!



كيـف ترضى على أمك ؟! و ليش ؟!



و حتى بعض البنـات’ اللحين بالعكس صارت

عندهم يلعـن أمـك مزحه ..!!

أو هذا تعبير عن الحماس في سالفـةٍ مـا !


مثـلآ ..



يجي واحد يقول : والله أمس سويت كذا وسويت كذا ..



يجي الثاني يقول : يلعـن أمـك ياشيخ ..!!



و إذا قال لـه
[يلعـن أمـك ]
مـدّ هالخشه شبرين كأنه قايل له شعر يمدحه ..!



و إلاّ بعض الشبـاب .. واحد يسأل الثـاني :

وش رايك باللاعب الفلاني ..؟



يقول : يلعـن أمممممممممه يلعـب من جد ..!



طيب أبي أفهـم .. وش دخل أمــه
بالموضوع ..؟!



للأسف الشديد إن الكلمـة هذي منتشره عندنا إنتشار كبيـر ..
و الآن حاصله مع الشباب في جلساتهم ..






فلان: وينك أمس يلعـن أمـك ؟




علان: أبد رحت مع فلان الله يلعـن أمه .



فلان: ليه ماقلتلي إنك بتروح معه الله يلـعن أمـك أنت ويّاه ؟



علان: وش دراني إنك بتروح يلعـن أمك !



فلان: ههههههههههههههههه .



علان: هههههههههااااااااي .





ولاَ كأنه صار شي ...!!



وللأسف إنها تقريبـآ أكثر كلمـة تنقال هالأيام ..
وكم واحد تسأله عن هالكلمه .. بيقول لك : صارت عاده ..!



هذا جـواب اقبح من ذنب ..



مافيه شي تتعود عليه وإنت تدري انـه موب زين ولا تقدر تخليه ..!



يمكن إنت تغفـل أو تـتـغـافل عن الذنب اللي تحصلـه من هالكلمـة ..!



بس لا تنسى و إنت تقول هالكلمـة أنك تسوي شيء من الكبــائـر ..



أنت تخيلت معي ..؟!




كبـائـر الذنـوب ..!!



صحّ عنه صلى الله عليه وسلم أنه قال


{ من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم .








وش رآيكـم ..؟



وش الحل لهذي المشكلـة الخطيرة ..؟

يسلموووووووووووووووووووووووووو

منوره

يقشعر جلد المسلم وهو يقرأ هذه الكلمه فكيف يطيب لقائلها قولها
جاء في الاثر ان قوما يأتون آخر الزمان تحيتهم اللعان
المفروض في مثل هذه المواقف التنبيه الاستنكار والتذكير بالحديث المذكور بالموضوع
شكرا اهلاوي على الطرح الجميل

موضوعك حادثه وآقعه إبتلا فيها كثير من الشباب
وصارت مثل ماقلت كأنها تحيه سلام اعوذ بالله
واللعان هو الطرد من رحمة الله وكأن الشخص يلعن امه اي كانه يطردها من رحمة الله بها ..
اللهم لا توآخذنا بما فعله السفهاء منا ..
تحيه عطره لموضوعك المميز ودمت بخير

منور اخى جار القمر