الصمان و بدايه الربيع وسكه القطار الجديده 1/1/1431 هــ

بعد موسم الامطار التي عمت بفضل الله بعض من الشعاب والفياض بالصمان
اخضرت على إثرها الأرض واكتست بخضارها الجميله وروائحها الجذابه
التي تشدك عند دخول الروضه فهذي هي بدايه ظهور الربيع ..
كانت جولتي من نهايه خط الصمان التسعين مروراَ بروضه الحاج وبربك ابو حميد وفيضه حسنا والكحيحيله
وام الهشيم والهوشانيه وفيضه نوره و جغبقه ومن ثم الى ام قرو وام صحن ثم الى هجره مناخ
وعلى خط السفانيه ثم محطه البطيحانيه .. بعد ذالك واصلنا السير
اليكم ما اقتطفته عدستي هناك واغلب الفياض كانت تتشابه في بدايه ظهور
ربيعها لذالك اكتفيت بالقليل من الصور

:::::
::::
:::
::
:
.

وصلنا ليلاَ واستوقفنا في بالقرب من روضه المغطيه والتي لم يبين فيها اي اثر للسيل ..
وكان مبيتنا في هذا الفندق المتنقل..



بعد ذالك تا بعنا مسيرتنا والى روضه ام ادغيم والتي لم يبين فيها اي اثرمن السيل
ومن ثم توجهنا للحاج وهنا بدائت روائح العشب تخرج ..



فياض بالقرب من الحاج..



فيضه الحاج..







مجموعه من طيور البلابل والنتيجه اصطيادواحد فقط..







وعند الساعه 10 هبت علينا عجه والزمتنا بالتوقف والدخول داخل الفندق
للراحه والجلوس بعض من الوقت..




بعد الساعه 11ونصف خفت بعض من الشي وواصلنا سيرنا وتوقفنا
في هذي الفيضه الجميله واخذت منها ثلاث لقطات..








وبعد ذالك استوقفنا في روضه ام الطين
وبدايه ربيع وروائح منعشه..







جله بعيروقد نبت الشعير الي بداخلها..





بعد ذالك توجهنا الى روضه ام قرو وربيعها افضل من ام الطين بقليل..



اتجهنا صوب فيضه ام صحن لكن لم يبين فيها اثر للربيع..
وهذي نخله من بعد مركوزه عند مخيم بدو ويبدوا انه منزلهم هنا قديم..



توجهنا الى هجره مناخ التي يبعد تقريبا 20 كيلو من ام صحن للتزود بالوقود ..





وعند خروجنا من مناخ بــ 5 كيلو تقريبا عارضتنا سكه حديد جديده
للقطار قادمه من الشرقيه ومتجه للقصيم ولا زال العمل جاري بها..



فقد يأتي يوما ما نكشت على القطار..





مسكنا خط السفانيه ثم الى البطيحانيه بأتجاه النفوذ
والوقوف هنا للراحه والنوم ..


البطاريه منخفظه <---- ما احب هالكلمه ابد..
ودي اكمل بس ما باليد حيله لا يوجد محول ولا شاحن جوال..





أرجوا أن يحوز الموضوع على استحسانكم
مع فائق شكري لكل من تابع الموضوع
تحياتي لكم..

ابـوحـمـد

ابوحمد يا عسى دربك اخضر
والله انك مسكت و امورك على سكة حديد عدلة ما فيها ميل ولا نقص
و الله يجيب الخير

الله يبض وجهك يابوحمد
والحمد لله على السلامه
تقرير كل العاده مميز ماشاء الله عليك
وعلى هالشاص الله يطعمك خيره ويكفيك شره

تحياتي وأحترامي وكثير من التقدير لشخصك

مشكور يابوحمد ع التقرير ومايحتاج روووعه

تحياتي لك

ما شاء الله ..
ما أسرع وربع الصمان ..
الغريب أن أم دغيم ماجاها شيء والحاج اللي حولها مربعة ..
المطر اللي جاء ذيك الأرض غريب ..
الله يزيد ويبارك ..
أما سكة الحديد فعلى ما أعتقد أنها تمر البطيحانية وأم عشر وترقى لحزم الجلاميد .. ولا أدري وينه فيه ..؟؟
يعني ما أتوقع تروح للقصيم .. ترى العمال ما يدرون ..!!

تقرير رائع والله يعطيك العافية أخوي أبوحمد ...

وعليكم السلام ورحمة الله وبركاته
حمد لله ع سلامتكم ُ ... ويعطيك َ الف عافية َ
تقرير رائع جداً ... بس خسارة ماتسوى روحتكم ُ مابه ربيع وتسسذآ


من هذآ اللي يقرص او شكلة يحمى القرص ع النار
بس ترآ يمدحون النظافه ---> حط ّ القرص بصحن ْ مو ع ثوبك َ







ولزم ُ تصيد لك َ طير َ خلها بحالها َ
سلمت َ يديك َ ع التقرير البطل َ
كن ُ بخير

تقرير روعه وهالسنه ان شاء الله الصمان غير
شكرا على تالي الليل

ياسلام على التقرير الرائع الجميل.
ابوحمد كيف يتم تجاوز السكه الحديديه بالسيارة او فيه عبور محدد

وعليكم السلام ورحمة اللـهوبركاته
ماشاءاللـه تبارك الرحمن مناظر روعه
وتقرير كالمعتاد جميل
يعطيك العافيه
<< وده يقول ليش مادخلت الكويت
وسيرت علينا لكن حفظنا ردك مايحتاج نقولها

مشاء الله اخوي ابوحمد على التقرير والصور الي اتحفتنا بها
تسلم يبوحمد ويعطيك العافيه على التقرير الي ماينمل منه.