سلطان يومه طوّل أغيابه

قصيدة للشاعر سعد الخريجي ... رائعة
بمناسبة قدوم ولي عهد المملكة / الأمير
: سلطان بن عبدالعزيز آل سعود
حفظه الله ورعاه
لا طول الغالي على أحبابه *** ضاقت صدور اللي يحبونه
سلطان يومه طوّل أغيابه *** أرضه غدت بالحيل محزونه
الحمد للي فاتحٍ بابه *** للي بظلام الليل يرجونه
واللي يصلي وسط محرابه ***يسمع دعاه وناس يدعونه
سلطان داوا نفوس منصابه *** وربه شفاه بكافه ونونه
سلطان أرض العز تزهابه *** ولجله غدت بالحيل مزيونه
كل الوطن يا ناس حيَّابه *** أعظم فرح في شكله ولونه
أصغر صغير يزيد ترحابه *** وأكبر كبير يهيض شجونه
وأبو فهد مرحوم من جابه *** لجل عضيده تسهر عيونه
سلمان جعل العمر يهنابه *** كل يوم قدامه ومن دونه
وهذا الوطن من يعشق ترابه *** لازم يحفظ العهد ويصونه
روض المحبة فاحت أطيابه *** شعب وقيادة دوم يسقونه
ويشهد علي منزل كتابه *** روحي بهذي الأرض مفتونه
سعد الخريجي

عاشت يديك ع روعة القصيدة

والحمدالله على سلامته اميرنا الغالي

ودي واحترامي لكـ

شكرا يالمدرس على القصيدة والحمدلله على سلامة الوصول لسلطان

مشكور يالمدرس على طرح القصيده
والحمد لله على قدوم سلطان الخير

الف شكر اختي لميس ونحن معكم دائما

اخي جار القمر

شاكر لك مرورك

اخوي سويد
كل الشكر لك على مرورك وكلماتك الرائعة