|
|
هَمْس الْقَـgافِــي مآتغترفه ذوائقگم من بحور الشعر |
آخر 10 مشاركات |
|
أدوات الموضوع |
08 / 12 / 2009, 07 : 11 PM | #1 |
عضو مجلس ادارة المنتدى
|
ابن شايق (ورا تمير دون الشعب في فيضة الـوادي )
من أروع قصائد عبدالله بن شايق قصيدة الشاعر عبدالله بن شايق في أخوياه من عبيده انا البارحه يا طول ليلـي غـدا ليليـن= تبين شعاع الشمس ما ارتحـت لرقـادي اعد النجوم الساريـه والعـرب ممسيـن= واعد الاسامي وارفع الصـوت وانـادي ابتعبك يا فكري مع الصـوت والتلحيـن =اجاوب حمام الورق واشدي مع الشـادي سرا النوم من عيني مع هجعة الساليـن= وصارت هجوس القلب سرداد مـردادي هواجيس وافكارٍ تشيب برمـش العيـن= تخلينـي اقصـد لـو مانـي بقصـادي ولولا الحيا هليت دمعي علـى الخديـن= وبكيت الرجال اللي لهم جد و امجـادي ابا ابكي عليهم داري ان الدهـر يوميـن= وللعمـر عنـد الله نهايـه وميـعـادي وببكـي عليهـم جعلهـم كلهـم حييـن =عسا الله يعديهـم خطـر كـل حسـادي وانا ما بكيت الا علـى ربعـي الغاليـن =و لاني بحسب حسـاب عـاذل ونقـادي اقوله و انا ماعشت بين العرب مسكيـن= انا ابخس بمصداري و انا ابخس بميرادي ولا اهين نفسي لو على السيف ابو حدين= اموت بشرف لعيون مركـوز الانهـادي وارد الوفا مطبوق والصـاع بالصاعيـن= ومن لا نشد عني مانـي عنـه نشـادي معي ذاكره واحس و الوصل قطعه شين= و لاخيـر باللـي للمعاريـف جحـادي انا اقول يا قلبـي تصبـر الـى بعديـن= برجوى الكريم اللي لـه العبـد عبـادي متى الوضع يتحسن متى يدخل التحسيـن= متى نجتمع لـو صدفـةٍ دون ميعـادي على الله متى بنقول هيـا بنـا ذالحيـن= اسج القدم مع عزوتـي عقـب مقعـادي اسجـل عـدد رحلاتنـا كلهـا واقيـن= ولا فيـه يـومٍ مرنـا قلـت لا عـادي وقمت اتمنى و اطلب الله و اقول اميـن= يعودك يا عيد اربعه وتسعيـن ميـلادي نهار الاحد واحد و الاثنين يـوم اثنيـن=و يوم الثلاثـا ثلاثـه ايـام الاعيـادي مع الاربعاء عيد رمضان اربع وتسعيـن= تذكرت فيهـا خـوة الربـع الاجـوادي مسكنا طريـقٍ بـره الساعـه الثنتيـن= على ست سيـارات و الخـط منقـادي تجاه الشمـال الله اعلـم ميـه وسبعيـن= ورا تمير دون الشعب في فيضة الـوادي نزلنا صلاة العصر ديـره وجـوٍ زيـن= عـز الله لقينـا ديـرةٍ جوهـا هــادي و انا بيـن ربـعٍ كلهـم بالوفـا وافيـن= وجيه قحطان ونعـم بـذولاك الاولادي شيوخٍ من ادنى كل ابوهم يميـن يميـن= ثلاثـة عشـر رجـال رقـمٍ وعـدادي سلامي عليهم عد غرس النخـل والتيـن= وعدد ما جنا حب الثمر كـل حصـادي وسلامي عليهم عد من يسكنون الصيـن= و ما باع وارد موسكو وسـط بغـدادي و سلامي عليهم عد من ينطقون السيـن= و نطق العرب للغين والصاد و الضـادي وسلامي عليهم عد مـن بيـع بالتثميـن= و ما بثه التلفاز و اعلـن بـه الـرادي و سلامي عليهم عد ساس الحجر و الطين= سلامٍ عطوره غرشة المسـك و الكـادي حقيقه ثلاثه ايـام تسـوا ثـلاث سنيـن= لها جلسةٍ تغني عن الشـرب و الـزادي مقيميـن مرتاحيـن ساليـن متسلـيـن= سوالف و شبـة ضـو يندلهـا الغـادي صماليل سمرٍ نورهـا يجـذب الساريـن= علـى جالهـا مدخـن ودلـه وبـرادي ومن مرنا قلنـا هـلا مرحبـا واهليـن= تفضل و هـذا سلمنـا سلـم الاجـدادي قحاطين مذكورين بالاصـل مشهوريـن= و بالفعل نعرف يومها حـرب وجهـادي سلاطين عنتـر نجـد منـا ومعروفيـن= وشيخ المشايخ شيخنـا سـم الأكبـادي لنا يشهد ابن حميد و الشيخ ابن حثليـن= و كلٍ عرف ذيب ابن شالح و ابن هـادي نعم و القبايل مثلنـا و العـرب داريـن= احد ثور و احدٍ مثـل عنتـر وشـدادي و ركزنا النصع قدام نمشي و حن عجلين= ومن صاد قلنا له كفو عاش من صـادي |
|
08 / 12 / 2009, 14 : 11 PM | #2 |
المراقب العام
|
رد: ابن شايق (ورا تمير دون الشعب في فيضة الـوادي )
صح لسان ابن شايق
مشكووووور يا المدرس على نقل هذه القصيده الراااااائعه والله يعطيك العافيه |
قَالَ صَلَّى الله عَلَيْهِ وَسَلَّمَ إِنَّ الْمُؤْمِنَ إِذَا لَقِيَ الْمُؤْمِنَ فَسَلَّمَ عَلَيْهِ وَأَخَذَ بِيَدِهِ فَصَافَحَهُ تَنَاثَرَتْ خَطَايَاهُمَا كَمَا يَتَنَاثَرُ وَرَقُ الشَّجَرِ |
08 / 12 / 2009, 31 : 11 PM | #3 |
تميراوي عريق
|
رد: ابن شايق (ورا تمير دون الشعب في فيضة الـوادي )
شكرا يالمدرس على نقل هذه القصيده الجميلة
|
|
09 / 12 / 2009, 34 : 08 AM | #4 |
عضو مجلس ادارة المنتدى
|
رد: ابن شايق (ورا تمير دون الشعب في فيضة الـوادي )
اخي العزيز المتحد
الف شكر على مرورك الكريم |
|
09 / 12 / 2009, 36 : 08 AM | #5 |
عضو مجلس ادارة المنتدى
|
رد: ابن شايق (ورا تمير دون الشعب في فيضة الـوادي )
جار القمر
لك الشكر على مرورك وتعقيبك الجميل |
|
09 / 12 / 2009, 18 : 09 PM | #6 |
لِيًت " بُوحِي " كِثرْ..{ صًمتِي
|
رد: ابن شايق (ورا تمير دون الشعب في فيضة الـوادي )
ذائقه شعريه جميله
الف شكر يالمدرس على النقل.. |
|
11 / 12 / 2009, 08 : 01 AM | #7 |
تميراوي ذهبي
|
رد: ابن شايق (ورا تمير دون الشعب في فيضة الـوادي )
تسلم والله يــ اخوي المدرس قصيده
رائعه جدآ ــ وأشيد باختيارك وذوقك الراقي ـ ـ تقبل تحياتي |
|
13 / 12 / 2009, 21 : 07 PM | #8 |
» طفله نست تكبر }
|
رد: ابن شايق (ورا تمير دون الشعب في فيضة الـوادي )
عاشت يديك ع روعة القصيدة
ودي واحترامي لكـ |
|
14 / 12 / 2009, 23 : 08 AM | #9 |
موقوف
|
رد: ابن شايق (ورا تمير دون الشعب في فيضة الـوادي )
صح لسان الشاعر ابن شايق
مشكوور على طرح القصيده يالمدرس |
|
06 / 01 / 2010, 52 : 07 AM | #10 |
عضو مجلس ادارة المنتدى
|
رد: ابن شايق (ورا تمير دون الشعب في فيضة الـوادي )
اخوي ابو حمد هذا من ذوقك
الف شكر |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|
|