سرسبت دعيبات الأرطاوي وتلاعه اليوم الخميس..

بسم الله الرحمن الرحيم
السلام عليكم ورحمة الله وبركاته ..
هطلت قبيل عصر اليوم الخميس 16/12/1430 أمطار متوسطة على شعيب الأرطاوي والتلع الشمالية له ..
سالت على أثره الدعوب الشمالية .. مابين شعيب الأرطاوي وسميليل ..
** قرابة الساعة الواحدة ظهراً ..


** لحظة أداء الغداء ..


** تم الغداء تحت الطربال وصبت مرازيمه ..



** وتم التغسيل منه ..


** فازداد الوبل .. مما اضطرنا للخروج من الشعيب ..


** وتم التقاط بعض اللقطات السريعة ..


** التلع في علو الشعيب بدأت تحول..


** فكان الجو جميلاً ..


** وآثار السيل الماضية .. لازالت باقية ..


**فتم إعداد بريقاً من الشاي ..


** وبعد الإبريق الأول وتوقف المطر كان لي جولة سريعة داخل الشعيب ..


** الدعيبات الشمالية .. ما بين سميليل والأرطاوي بدأت تصب في الشعيب ..


** لم يكن في الشعيب أي آثار للسيل إلا من التلع ..



** سحابة هلّ هملولها .. فجرى واديها ..


** العبري في آخر مراحله العمرية ..


** ارتوت هذه السدرة من السيول ..


**شلالات " صور مقربة"






** السكك .. دح درت مع التلعة ..






**بداية تحويلة سيل التلعة الثانية .. من جانب طلحة البعير ..




**جمال شعيب الأرطاوي بعد جريانه ..





** تدفق مستمر وقوي ..

** مستنقع أنهى تدفق مياه السيول لحين امتلاءه ..


** السيل في محاولة للخروج من حصار المستنقع ..


** انتهى مطاف السيل إلى هذا الموقع لمن يعرفه .. قرابة الساعة الخامسة مساءً ..


** تم إدراك الإبريق الثاني ..


**قبيل غروب الشمس ..


** وبداية خروج نباتات الربيع ..لعام 1430



** ثلاث صور من ذاكرة الكاميرا لكشتة سابقة في شعيب الأرطاوي ..







مع التحية والتقدير
لجميع من مر عبر هذا الموضوع
المهند
تمير

ما شاء الله

مطر طيب الله ينفه به الارض والله حظكم

وانا ناقز في مليح كن عندي على ههههه

كل الشكر لك على هذا الموضوع والله يرزقنا من فضله

ما شاء الله سيل طيب
اعلوالارطاوي السنه هذي مستبشر بالخيرات
صور جميله لا هنت اخوي المهند..

ما شاء الله...اللهم زد وبارك...أمطار خير وبركة
تقرير روعه وصور تفتح النفس
الله يعطيك العافيه اخوي المهند وماقصرت

تصدق اني ضيعت عدد كلمة(ابريق)يالمهند!!!!!من مشيت وانت ابريق شاي.الله يعين اهلك عليك يبي يلبسونك بامبرز مع هالبرد ههههههه .
تبي الصحيح انت ملح المكاشيت والتقارير يالمهند.
شف هالمحلات هذي نبي نفقع فيها من كثر الفقع بس احفظ الاماكن اللي سالت.

حلوه حركة شوي الدجاجه بحطبه ( خشبه) يعني اذا بغيت اشوي ماازمل خخخ
تقرير وطلعه حلوه
دمت بخير

ماشاء الله عليك
جو رااائع
وتقرير اروع
شاكر لك

ارجو ترجم معنى معظم الكلمات وارد عليك
اما الصور فهي واضحة المعنى في غاية الروعة والجمال
شكرا يالمهند ووين قوطي البوية تراه ينفع في المطر ما تطفي الضو >> نسينا ما قلناها ذيك المره
نشوفه في النوبات الجايه

اقتباس: المشاركة الأصلية كتبت بواسطة المتحـ2007ـد    ما شاء الله مطر طيب الله ينفه به الارض والله حظكم وانا ناقز في مليح كن عندي على ههههه كل الشكر لك على هذا الموضوع والله يرزقنا من فضله

هلا بك أخوي المتحد ..
مليح هذا يبي له روحة خاصة .. لكن دايم يغيب عن البال إذا جاء السيل ..
الشلال يلزم شوفه وهو يصب ..
والله ييسر الأمر ..

اقتباس: المشاركة الأصلية كتبت بواسطة أبـوحـمـد    ما شاء الله سيل طيب اعلوالارطاوي السنه هذي مستبشر بالخيرات صور جميله لا هنت اخوي المهند..

الله لايهينك أخوي أبوحمد ...
الحياء ماشاء الله موافق الأرطاوي هالسنة ..
الله يعم به على جميع الأماكن ..
مرور جميل ..