{ .. الرجا في عيد الاضحى يمكن انـك ترجعيـن؛؛ما اقول إلا عسى الله يجزي من كان السبايب

\
/
.


[صدقيني العيد نفسـه مـا تغيـر مـن سنيـن
فرحة اطفال وتلاقي..لمّة احباب وقرايـب



والاغاني والكروت وقولـة (مْـن العايديـن)
والتمام الشمل يوم العيد .. وانسـام الهبايـب



والتهانـي والهدايـا وحـب روس الوالـديـن
والمواصل للعمام .. وللخوال .. وللنسايـب



كل حاجه مثل ماهي بس انـا حالـف يميـن
إن لا غبتي باسجّل نفسي في هالعيد غايـب



وارجعي بالذاكـره يابنـت وانتـي تعرفيـن
ليه احس العيد عقبك جيّتـه جيّـة مصايـب



ليه لا طالعت (كرت العيد) اكفكـف دمعتيـن
من ذكرت اعيادنا وأيام كان الوضع طايـب



ذكر اني من (مصلى العيد) وانتـي تذكريـن
كنت اسابق خطوتيني متّجـه يمّـك وذايـب



لجل اكون الشخص الاول لجل مني تسمعيـن
في صباح العيد .. جملة (كل عام احنا حبايب)



لجل نكتب خلف (كرت العيد) ذيـك الكلمتيـن
كنت اجيك بقلب طفل وطيش شاب وثقل شايب



كنت انا اعايد وحالي حـال باقـي العاشقيـن
وما معاي الا خفوقي وذي عيوني لك وهايب



وإنتي في اجمل ثيابك كاشخه والزيـن زيـن
تثبتين إنك عجيبة غير عـن كـل العجايـب



فرحة العيد .. بلقانا كانـت اصـلاً فرحتيـن
مثل ضحكات الورود ومثل زخّات السحايب



ما ليوم العيد طعم وما لهـا الذكـرى حنيـن
وكل منّا في مكان وكل واحد لـه طلايـب



الرجا في عيد الاضحى يمكن انـك ترجعيـن
ما اقول إلا عسى الله يجزي من كان السبايب



وإن رجعتي وشفتيَ إني فـي عـداد الميّتيـن
ذا انا باوصيك حاجة قبل تنحـط النصايـب



طالبك في كل عيدٍ .. بعد موتـي .. تكتبيـن
خلف (كرت العيد) جملة كل عام احنا حبايب

اسمح لي ابدي اعجابي بقلمك وتميزك واسلوبك الراقي وتالقك

مشكوور يالوفاء بنت أسلوبك جداًراقي
.
.
ولك أحلا تقييم

قصيده في منتهى الروووعه
يسلمو على هذا الانتقااااء
دمتي ودامت ابداعتك
ارق تحياتي

اقتباس: المشاركة الأصلية كتبت بواسطة فديت تمير    اسمح لي ابدي اعجابي بقلمك وتميزك واسلوبك الراقي وتالقك

\
/
.
هذآ من ذوقك ِ يالغلا
ماننحرمُ

اقتباس: المشاركة الأصلية كتبت بواسطة أبوكدش    مشكوور يالوفاء بنت أسلوبك جداًراقي . . ولك أحلا تقييم

\
/
.
مير الله يسلمكَ ويطول َ عمرك َ
ماننحرمُ

اقتباس: المشاركة الأصلية كتبت بواسطة قوت القلوب    قصيده في منتهى الروووعه يسلمو على هذا الانتقااااء دمتي ودامت ابداعتك ارق تحياتي

\
/
.
الأروَع تعطيرك ِ متصفحي َ
ماننحرمُ

اشكرك على ذائقتك الشعريه

\
/
.
مير الله يسلمكَ ويطول َ عمرك َ
ماننحرمُ

انتقاء جميل ورائع اختي الوفاء..
والله يعيده علينا وعليك بالمسرات
ان شاء الله..