أقسم قسم انك على الراس تنشال

ياصاحبي لاتشتكي الوقت والحال
خل الذي في قلبك اليوم خافي




ما كل حكيٍ يا ابيض القلب ينقال
و لا كل عمرٍ من شقى الحال غافي




رح و اشتكي للي له الكل رحال
و ارفع كفوفك له ترى الله كافي




و اعرف ترى كلٍ من همومها شال
و لا عاد شفت اللي من الهم صافي




ما انت الوحيد اللي شكى الوقت و الحال
و ما انت الوحيد اللي له الوقت جافي




اكذب عليك ان قلت لك خالي البال
ياما مشيت الدرب و النور طافي




همي بقلبي يالخوي اتعب الحال
دمعي بعيني رقص اليوم قافي




انت الرفيق اللي بهالكون ما مال
لا ضاق صدري منهم القاك لافي




ترى غلاك اليوم ثابت و لا زال
و لا عاد ابي ربع القلوب المقافي




خذني يمينك وابشر بذرب الأفعال
لأمشي معك لو وين كان انجرافي




أقسم قسم انك على الراس تنشال
خذ من قصيدي وشوف جل اعترافي

ترى غلاك اليوم ثابت و لا زال
و لا عاد ابي ربع القلوب المقافي

ما شاء الله يا جارقصيده
في منتهى الروعه والجمال..
يعطيك العافيه.

الله يعافيك ابوحمد ويخليك
شكرا لمرورك

ماشاء الله ياخوي قصيده رائعه ـ تسلم

تشكرآت ع روعة القصيدة


ودي واحترامي لكـ

اقتباس: المشاركة الأصلية كتبت بواسطة الود طبعي    ماشاء الله ياخوي قصيده رائعه ـ تسلم

الله يسلمك الود طبعي
ودي لكـ

اقتباس: المشاركة الأصلية كتبت بواسطة لميس    تشكرآت ع روعة القصيدة ودي واحترامي لكـ

شكرا لميس
شرفني مرورك

مشكور اخوي ع الذائقه الشعريه
وصح لسان شاعرها

اكذب عليك ان قلت لك خالي البال
ياما مشيت الدرب و النور طافي

مشاء الله قصيده جممييله جداً