(( ياتمير غطي راس ظلعك بثوب حداد))

بسم الله الرحمن الرحيم
قصيده للشاعر / محمد الخريف ( ابو راكان ) قالها بعد وفاة ابوه رحمه الله وانا طبعا للامانه انقلها مثل ماهي


[ منذ ان عشت الحزن ]
اخواني واخواتي
قد لايستطيع الانسان التعبير عما بداخله دائما بنفس الوقت الذي
يعيش فيه الم ولكن الظروف المحيطه تجعل من مشاعره
اكثر قسوة ومهما حاولنا ان نكون اقوياء يبقى الالم بداخلنا وتاتي الايام لتجبرنا على اخراجه
فبعد وفاة والدي رحمه الله حاولت ان اكون اكثر قوة وصلابه ولكن لقرب عودتي باجازه الي
بلادي شاءت الاقدار الا ان تذكرني هذه اللحظات وترسم صورة بداخلي لما قد اجده عند وصولي الي البيت والي اهلي
فهذه القصيده خرجت فلعلها تعبر عن القليل لما اشعر به



الا ياعيوني واسكبي دمعك الهمال
عجزت اكتم احزان غشتني لياليها


وياتمير غطي راس ضلعك بثوب حداد
وقولي رحل عني من الناس غاليها


وخطي على مدخل طريقك عساه السيل
عسى قبر ابو ظاهر جنان سكن فيها


رحل عنك من هو بالكرم مامعاه اثنين
رحل عنك تاريخ المواقف وماضيها


رحل شاعر ياما كتب في غلاك ابيات
رحل عنك عنوان المراجل وراعيها


رحل عنك ابوي اللي بكته العيون بحور
ورثته القصايد عقب ماكان يرثيها


انا كيف ابصبر لاوصلت ولقيت الدار
غشاها الحزن والثوب الاسود مغطيها



وذا موتره في موقفه قد علاه غبار
تحت المراتب تشتكي فقد غاليها


وانا كيف ابصبر لادخلت وعلى يمناي
ولقيت العصا ونعاله اللي مشى فيها


وذا مجلسه ياما اجتمعنا معاه وفيه
والياجا الشتاء ناره تدفي صواليها


وذي حجرته دايم الياجيت له وابغيه
الاقيه فيها دايم مايخليها


وذا ثوبه معلق وذي غترته بالباب
وذي سبحته عقبه بكت من يسليها


ولقيت امي اللي قد علاها الحزن تبكيه
وفي عينها دمعا على الخد ماليها


مضى لي سنه وانا اتحرى بيوم القاه
وجته المنيه واسبقت بامر واليها


وانا في ديار الروس بعيد بين المسفار
ونفسي تكفخ ياهلي من يوديها


ابحضر صلاته والجنازه ودفنه ليت
على قبره اذرف من عيوني بصافيها


ويالله ياعالم بحزني ومافي القلب
تهون على روحا بكت فقد غاليها


وعسى مسكنه جنات خلدا مع الابرار
مع المصطفي واللي برحمتك واطيها


صح لسان الشاعر الكبير / محمد الخريف ورحم الله فقيد الشريعه وفقيد الكرم والجود وفقيد الشعر والقوافي الشيخ / عبدالله بن ظاهر الخريف رحمه الله رحمه واسعه وأسكنه فسيح جناته أمين يارب العالمين .

الله يغفر له ويرحمه ويسكنه في جنات النعيم

انه سميع عليم ، انا لله وانا اليه راجعون

صح السان الشاعر
والله يرحم ابو ظاهرويغفر له

الله يارب أن ترحمه وتسكنه الفردوس الاعلى يالله يارب

مشكوور أخوي مخاوي تمير على نقلك القصيده

الله يرحمه ويسكنة فسيح جناتة