يجي منك أكثر((خالد المريخي))

يجي منك أكثر...: خالد المريخي



ما جا على بالي خطاك أنت بذات
لا تعتذر كافي يجي منك أكثر


مات الغرام اللي لك بداخلي مات
ما عاد ينفعك العذر لو تعذر


ما أقدر خلاص أتحمل اليوم غلطات
ما أكذب عليك انا بديت أتغير


بسكات أنا جيتك وباروح بسكات
ابا أبتعد وباقول هذا مقدر


قصرت وسواتك معي ماهي سوات
هذا مع اني فيك ما كنت أقصر


طوفت لك مره ومره ومرات
صبرت بس اليوم ما ظني باصبر


واليوم أنا نادم على كل ما فات
لا تعتذر ما دام عذرك تأخر


هذا جزاي أعطي ولا أقول لك هات
انا اللي استاهل يجي منك أكثر

شكرا على الاختيار

منور يالغالي

مات الغرام اللي لك بداخلي مات
ما عاد ينفعك العذر لو تعذر

اختيار روعه
يعطيك العافيه

الاروع مرورك يالطيب

ابيات رائعه

تسلم على روعه الانتقاء

مشكور خيووو على الذائقه الشعريه
وصح لسان الشاعر خالد المريخي

هذا جزاي أعطي ولا أقول لك هات
انا اللي استاهل يجي منك أكثر

يعطيك العافيه
اخي
كلمااااااااااات رائعه

جميعكم منورين دمتم بود