صور لاعبي نادي المجزل

الـــســلام علــيكم
اريد طلب من رئيس نادي المجزل
ان يضع صور لاعبي النادي
الدرجه الاول
و
الدرجه الثانيه
و
الدرجه الثالثه
لكي يعرف ساكن مدينة تمير من هم لاعبي النادي
وشكرا

طلب غريب ومدري وش المغزى منه صراحة
وهل انت تنوب عن اهل تمير عشان تتكلم عنهم؟ اهل تمير يهمهم النادي يحقق نتائج جيده بغض النظر من يلعب ومن ما يلعب
وادارة النادي ادرى بمن يلعب ومن لا يستحق ان يلعب
بعدين تعال وين ابناء تمير عن ناديهم ليش ما يسجلون فيه كل واحد مضيع عمره اما في ملاعب حواري
ولا في جلسات بلاي ستيشن ولا كشتات ما فكرو في ناديهم

تميراوي نت

شـكــ وبارك الله فيك ـــرا لك ... لك مني أجمل تحية .

اتوقع أن متابعة المباراة وتشجيع اللاعبين في الملعب هي وسيلة لمشاهدة ابناء تمير بدون صور ، ستتعرف عليهم وتؤازرهم .,

اقتباس: المشاركة الأصلية كتبت بواسطة تميراوي نت    طلب غريب ومدري وش المغزى منه صراحة وهل انت تنوب عن اهل تمير عشان تتكلم عنهم؟ اهل تمير يهمهم النادي يحقق نتائج جيده بغض النظر من يلعب ومن ما يلعب وادارة النادي ادرى بمن يلعب ومن لا يستحق ان يلعب بعدين تعال وين ابناء تمير عن ناديهم ليش ما يسجلون فيه كل واحد مضيع عمره اما في ملاعب حواري ولا في جلسات بلاي ستيشن ولا كشتات ما فكرو في ناديهم تميراوي نت

السلام عليكم

انا معك ياخوي وش المغزى

لاكن اخوي ابناء تمير ودهم يسجلون انا سئلة كم واحد يعرف يلعب وقلته ليش ما تسجل في النادي

يقولي السبب المدرب وانا ما ادري من المدرب بس كان العيبه يشتكون من المدرب لاتحط الوم فيهم

حط الوم في المدرب

وبعدين اهل تمير يهمهم ان النادي انه لاولادهم مهوب للعيبه جايبينهم من مناطق ثانيه

بتجيبون جيبو ثلاثه اربعه مهوب كل الفريق

وبعدين وين النتايج الجيده الي تتكلم عنها

سوال لو جاء واحد بكر من القصيم او الرياض او ....... وقال منهم لعيت ناديكم

وش نقوله نقول ناس مهوب من الديره

واخيرا وليس اخرا انت بعد مالك حق تتكلم عن اهل تمير

ونحن نطالب با سم العيبه وارقمهم
ليس بصورهم

ماهو عيب اجيب لعيبه من خارج تمير
اذا كان ابناء البلد بعيدين عن النادي
مدري وش ناقص هالشباب عشان
يروحون للنادي والمشكله تشاهدهم
في النادي بشكل يومي واذا قلت له
ليش ماتسجل قال ماني فاضي ابوي
يعيي مدري وش القصه .
على وقتنا قبل كم سنه ماكان معنا احد
من خارج تمير عدى اهل مبايض وكان الفريق
يسير بشكل جيد رغم قلة الامكانيات ورغم ان اللعب
كان على ارض ترابيه وكنا نحضر للتمارين قبل العصر
اما الان للاسف الدلع هو سمة بعض لاعبي اليوم وياليت
تذهب وتشاهد الاعيبه في طريقة اللعب .

اخووي ما قال شئ غلط

يبي صوور ما فيها شئ

اولاً : كل الأندية تجيب لعيبة من برا على مستوى مهوب بس نادي المجزل .
ثانياُ : النادي ودة اللعيبة من تمير بس محد لاعب لانة ربطة وزملة وبعضنا مهوب لابس بدلة


وشكراٌ

سولف سولف..

اقتباس: المشاركة الأصلية كتبت بواسطة تميراوي نت    طلب غريب ومدري وش المغزى منه صراحة وهل انت تنوب عن اهل تمير عشان تتكلم عنهم؟ اهل تمير يهمهم النادي يحقق نتائج جيده بغض النظر من يلعب ومن ما يلعب وادارة النادي ادرى بمن يلعب ومن لا يستحق ان يلعب بعدين تعال وين ابناء تمير عن ناديهم ليش ما يسجلون فيه كل واحد مضيع عمره اما في ملاعب حواري ولا في جلسات بلاي ستيشن ولا كشتات ما فكرو في ناديهم تميراوي نت

عز الله انك صادق في هذي مدري وش المغزىء من الصور