يانـجـد صيـفـك لـــو ذبـحـنـي بـحــره ::: حييت في حضنك وفي حضنك المـوت

اسعد الله مسائكم وصباحكم بكل خير

هذه القصيده ياقال انها للشاعر ذيب جمران

يانـجـد صيـفـك يـقـطـع الـقـلـب حـــره ::: شـتـان مـــا بـيـنـك ومـابـيـن بـيــروت

اقـفــى ربـيـعـك بـالـفــرح والـمـســرة ::: وصيفك وصل بالعـج والحـر والمـوت

جـوٍ ســمــوم الـقــيــظ دايـــــم تــكـــره ::: وإلــيــا ركــــد مـاكـنّــي الا بـتــابــوت

وإلـيـا لحقـنـي فـيـك بـعــض الـمـعـره::: اسمح لي ارحل عـن فيافيـك بسكـوت

شهريـن ابيهـا منـك فــي الـعـام مــره::: البس بها البنطال والبـس بهـا الكـوت

آخـــذ عـلــى لـبـنـان والــشــام فــــره::: وآكـل مـن الرمـان والخـوخ والـتـوت

واشــوف نــاسٍ فــي البـلـد مسـتـقـره::: ســووا لـهــم فـيـهـا مقـايـيـل وبـيــوت

وامــــر دربٍ قــدمــي الــزيــن مــــره::: ياكثـر مـا شفـتـه يـجـي فـيـه ويـفـوت

زيــن وغـنـج وعـيـون حـلـوه وغــره ::: يمشي على كيفـه مـع النـاس مفلـوت

تـقـصـر فـنـيـلـة فـاتـنــي دون ســــره ::: والنهد يرقـص لـي علـى دقـة الجـوت

علـقـنـي بـسـحــره وخــيــره وشــــره ::: سحـرٍ ذكــر هــاروت شــره لـمـاروت

وإلـيـا انتـهـى الميـعـاد ابـتـرك مـقـره::: واعصي هوى قلبٍ من الزين مبهوت

واحـزم شنـاط العـفـش والـثـوب ازره ::: وارجع بشوقٍ من مدى شوق بخـوت

ويانـجـد صيـفـك لـــو ذبـحـنـي بـحــره ::: حييت في حضنك وفي حضنك المـوت


قام برد عليها الشاعر / عبدالله عبدالعزيز البهلال


ياللي شكيت من أمنا قو حره ::: ترى أمنا نغليه مير اخفض الصوت

دارٍ ولفنا الجو بـرده وحـره ::: ياما تمنعنا من البرد ببشوت

ولو ما تربع بالعمر كود مـره::: ربيع نجد يودع القلب مبهوت

ياحلو مشتى نجود وازين حره ::: من حبها كـنك تـوجه بريموت

نجد إلى من راعي الصوت جره::: بربوعها وردوا سراع على الموت

كم واحدٍ عـند الملاقى نجـره :::وكم واحدٍ شتناه عـند اللقا شــوت

ون جاء عنيدٍ طاغيٍ زاد شره ::: ما ننطحه بالسيف نوطاهـ بالبوت

وكم واحد ينوي القشر مات حره ::: محدٍ دخلها كود بوراق وكروت

وحتى طيور الجو ماهي تمره::: من خوف أهلها ما قوت تلـقط القوت

دارٍ بها الخفرات من كل حره ::: مصيونه عن راعي الشـين بـبيوت

هي عند أهلها شموس وهي المجرة :::وهيه لهم بنطال وايضا لهم كـوت

تسلم اخوي جار القمر بس مالنا غناه عن نجد ويا زينها هي وحرها وعجاجها

تحياتي لك اخوي..

تحياتي لك اخوي..

ويانـجـد صيـفـك لـــو ذبـحـنـي بـحــره ::: حييت في حضنك وفي حضنك المـوت

مشكور
ويعطيك العافيه

مشكور على روعة ذائقتك الشعرية

عاشت يديك على روعة القصيدة

ودي واحترامي لكـ

يعطيك العافيه ماقصرت

اقتباس: المشاركة الأصلية كتبت بواسطة أبـوحـمـد    تسلم اخوي جار القمر بس مالنا غناه عن نجد ويا زينها هي وحرها وعجاجها تحياتي لك اخوي..

عز الله مالنا غنات عنها جربنا وشفنا الشوق يحدنا لها حد
شكرا لمرورك الطيب

اقتباس: المشاركة الأصلية كتبت بواسطة نسيم    تحياتي لك اخوي..

تحياتي لك نسيم وشكرا للمرور

اقتباس: المشاركة الأصلية كتبت بواسطة ام منى    ويانـجـد صيـفـك لـــو ذبـحـنـي بـحــره ::: حييت في حضنك وفي حضنك المـوت مشكور ويعطيك العافيه

الله يعافيك وشكرا لمرورك