إهداء مني للغلا سايقه سوق ... مثل الذهب بـ أذنك تحطينه أحلاق

البارحه ليلي سهرته من الشوق .... أحاول أكتب فيك والشعر ما لاق

حاولت أعديها على أجمل طروق ... للي كلامه ماتجاوز به أخلاق

زود بوسط القلب نيران وحروق ... منه لهيب النار محرقني إحراق

ينبض بأسمك كل شريان وعروق ... تصرخ بأسمك كل شفه بالأرياق

يازين ياللي مالكٍ كلي بـ ذوق ... ياللي كلامك فايق ٍ كل الأذواق

أنا ترى يا بنت لي عزت ٍ فوق ... عزة شموخ المرجله كلها إشراق

ماني ضعيفن داخلن لفة الطوق ... ولا دخلت أطواق وأطلع من أطواق

عندي مشاعر ماتبي منك العوق ... قلبي معك يا بنت ما هو بـ منعاق

حتى و لو صارت لـ أعمارنا فروق ... ما راح يحصل بيننا حزة فِراق

القلب بأيدك يابعد كل مخلوق ... أخذه عطا مكتوب بأسمك بالأوراق

صك المحبه تايق ٍ لأيدكم تـوق ... و الله قاسمني ترى بأيدك أرزاق

حظك يجي ماتشترينه من السوق ... وأنا عطا لك ماتلاقيني بأسواق

إهداء مني للغلا سايقه سوق ... مثل الذهب بـ أذنك تحطينه أحلاق

عقد الغلا لك تنحرم منه حلوق ... تستاهلين الحب لو نايمي فاق

هذا قصيدي جالك أشواق ياشوق .. يلوق لك حتى و لو ما بعد لاق




حقوق النشر محفوضة:
للشاعر نادر حمدان العتيبي

أنا ترى يا بنت لي عزت ٍ فوق ... عزة شموخ المرجله كلها إشراق

ماني ضعيفن داخلن لفة الطوق ... ولا دخلت أطواق وأطلع من أطواق
اسمحلي ابدي اعجابي بقلمك الروعه خيو
يعطيك العااافيه,.....}}

شـكــ وبارك الله فيك ـــرا لك ... لك مني أجمل تحية .

يسلموو على ذوقكم الراقي ولكم تحياتي وشكري اخوكم المتواضع ابوخالد