{ .. مآهزني في رحلة العـمر غيـرك .. <----- تسمع بالتشويق .. }

{ .. مدخل

اروح لمكـان ٍ خابـره ..خابـره ياتـيـه
......................اسوق القدم صوبـه وهـي مالهـا حاجـه
مكـان ٍ نزيـه وأول مواجهـي لـه فـيـه
......................وانـا خابـر ٍ مارجـل مثـلـه بـدواجـه

السلام عليكم ورحمة الله وبركاته

صباح .. مساء .." الورد "

وشلونكم عسآكم طيبين ومآتشكون بآس

وشسمه ندخل بالموضوع ----->
يوم الخميس اللي فآت طلعنا أنا وعائلتي الكريمة ومن يعز علينا لمزرعتنا
عشان نبي نوسع صدورنا وكيذا
ايه وشسمه ... يالله أخليكم مع الصور ---> ماتجيد المقدمآت

يالله دوكم

هالصورة .. هي بدآية مدخل الحريم .. وهالجدار القصير اللي ع اليمين
آحلى مكآن آجلس عليه دائم .. وآحبه كثير .. نجتمع فيه آنا والبنآت وناكل آيسكريم
وشسمه ونسولف ونشوف الرايح والجاي

صورة لجلستنآ وبسطتنآ ..

صورة من زاوية آخرى

صورة آخرى التقطتهآ قبل مايجلسن الحريم .. كان علوم

وكان بودي آصور لكم آكثر بس تعرفون الحريم بكل جهة واحاول اتصيد المكان الفآضي وآصورة ----> ابتلشت كل صورة يطلع بها يد آو رجل

بعدين اتفقنآ انا والبنآت نشوي .. والحريم استانسوآ <-- ماشآفوا خير

جلسنآ نصف ساعه مع هالفحم يالله ولع ---> طلع اللي يولع الفحم مو آصلي

والحمد الله بفضل الله .. اشتعل الفحم ..وحطينا الدجاج

بعد الدجاج حطينآ الكبآب

هنا طاحت سعابيلي

صورة من سمآطنا ... آذكروآ الله

بالعافيه علينآ

وبعد ماخلصنآ آكل ..
لايفوتكم هرج الحريم .. اللي تقول .. محترق .. واللي تقول ..شوينا قبل آزين
واللي تقول ماتبل زين ..
المشكله ... مابقي شئ بالسمآط الآ بقآيا عظآم ..
قلت ماشاء الله كلتوه كله وهو ماجاز لكن .. لو انه جايز لكم كان حروب --> اقصد علوم

وقبل مانطلع من المزرعة التقطت هالصورة

وخلصنا
وإن شاء الله أستانستو معي أنا وتقريري
أشوفكم بتقارير ثانيه إن شاء الله ---> ماتنعطى وجه


دوكم ... ولاتنسون التقيم والنجوم ..

مخرج ..}
لعل وعسى مـا حدنـي للمجـي ..يدعيـه.....................
واشوفـه وانـا مـاودي اسبـب احراجـه

يحب الجريح آخـر دروب اللقـاء ويجيـه.............................
وتحـب القـدم جيّـة مكـان اول مواجـه

ما شاء الله عليك يالوفاء
تقرير رائع وخاصه لي هذه الطلعه
الي من تصويرك بس على
فكره الششوي محترق وباين من الصوره
بس كل الي اقدر اقوله الله يوسع صدوركم بالعافيه

اقتباس: وإن شاء الله أستانستو معي أنا وتقريري أشوفكم بتقارير ثانيه إن شاء الله ---> ماتنعطى وجه

الله لا يضرك يالوفاء .. تقاريرك ابداع وجمال..
الصراحه طلعه و صور رائعة وجميلة >>>ومشهيه
طقني الجوع والله ما جاء في بالي الحين الا الشوي بس مافيه فحم
تراك تتوثمين في الي ما تعشو..




يعطيك العافيه ودمتي ودام لنا تواصلك وتواجدك المفيد
تحياتي لك..>>> ننتظر المزيد <<ما ينعطى وجه..

الله يوسع اصدوركم بالعافيه
شغل ام تكتك ومزرعه تفتح النفس

ماشاء الله تبارك الله "


وش هالشغل الزين وش هالحركات ...

هاك المرة كريمه ولاشفنا منها الا الحسره وهالمرة مشوي "

صح انه محترق بس ولو <<< تحطيم درجه اولى ...

بالعافيه عليكم وقماريه رائعه في مزرعه رائعه "
قصدي استراحه ماهيب مزرعه ..!!!


بس عندي استفسار الزمازم اراك مشخبطه عليها ...؟؟

شكلك من النوع الي يكتب اسمه على زمزميته لاتضيع خخخخ

سلمتِ يالغلا
طلعه روعه بجد وخاصه يوم شفت هالصوره
ذكرتني بطلعتنا انواع البسكوتات والصحون والكيس المربوط وحوسة البنات هههههههه



تسلم ايديك على الصور
و الله يعطيك العافية عيشتيني بالاجواء الحلوة .
الله يهنيكم يارب
ودمت بود

والله ودي اقول وراكم ماعلمتوني لكن الظروف غير.
الوفاء بنت صراحة خربتي علينا بالشغل الزين والاتكيت المتناهي.
منول مانشوف الاقبابيط المهند وان تكلف مكرونه كنه صانع صاروخ.
اتمنى ان نشاهد مزيد من هالتقارير الزينة مثل تقارير ابوحمد .
وفقك الله الى كل خير.

هذي عيون قطو ..!!

طلعة جميلة >> مدري كشتة جميلة .. المهم استراحة رائعة ...

وتغيير أروع بوجود الشواء الجميل ... من مميزات الرياض أن الملاحم مدري المطاعم يجهزون الأوصال والكباب والريش ... وهو ما نفقده في هذه المدينة العامرة ...

حيث أنه لا يتوفر لدينا إلا الدقيق من بعول الحقاقة أو أم الشقوق أو الخبيراء .. فيضطرنا للتغير من الجريش إلى القبابيط ...

نسيم أنت لو تأكل ذا الشغلات جاك غش في بطنك ... طول عمرك متعود على غبيبه أو مرقوق منسوب قبل الأخير على شان يبرد ...

على العموم ذكرتني أبنزل كم كبسة طيور .. حمام .. دخل ... صفاري .. سمان ... الخ

الوفاء بنت تقرير جميل يضاهي تقارير أبوحمد .. وينافس تقارير الموادع ... ويغطي على معزا نسيم !!

طلعتن سنعه وش هالوناسه كلها الله يسعدكم

هذي كباب والا سنبل >> تحطيم
انا خابرفي الطلعات العائليه الرجاجيل هم اللي يطبخون الحريم تتفنجل على بطاطس برينجليز بالكاتشب مع كاكاوات وجالكسي وكل ما يقرضه الضرس على بيبسي
لكن طلعتكم غير
ليتني كنت معكم ================= في قسم الرجاجيل
شكرا على التقرير
ولاتنسين السمن على العسل

ما شاء الله طلعه قماريه رااااائعه وبالشوي بعد وش خليتوا لنا

وبعدين نسيم كل ما شاف كشته قال ليه ما علمتوني وش عندك الشوي مهوب لك لغيرك

الوفاء بنت كل الشكر لكي على هذا الموضوع اللي يفتح النفس ويفكنا من الكبسه والمكرونه

وراح نجرب الشوي وبوريكم كيف يكون

نسيم عندك تيوس علمني بشويه تراي صادق والله